82
Ezabbuli ya Asafu.
1 Hatonda njʼomuhulu wʼoluhiiho mwigulu
aŋa esala eyʼemisango mu bahatonda.
2 “Mulyosa ŋe ohusala emisango ni mwehubbira,
ni mubeera abahosi bʼebibi?
3 Muyeede abagadi nʼabafuubbi
era musolerenga abaatu aba banyigiirisa.
4 Muyeede abanafu nʼabali mu wetaavu,
mubanunule ohuŋwa mu buŋangi wʼabahosi bʼebibi.”
5 “Ŋaŋuma ehi bamanyire era ŋaŋuma ehibategeera,
bagendera mu hiirema
era emisingi josijosi ejʼehyalo jiteetema.
6 Naloma ti, ‘Muli bahatonda,
mwesimwesi muli baana bʼoyo Ali Ŋamugulu Obugali.’
7 Aye muja hufa hyʼabaatu obuutu,
muja huheneresa hyʼabaŋugi abandi.”
8 O Hatonda, yinyoha osalire ehyalo omusango
olwohuba amawanga gosigosi gago.