87
Ezabbuli yʼabaatu bomu lulyo lwa Koora. Olwembo.
1 Musengwa gatongola ehibuga hu lusozi olwawufu.
2 Musengwa genda ehibuga Sayuuni
ohusinga ebifo byosibyosi ebya Yakobbo.
3 Baloma ebiraŋi hu ewe ehibuga hya Hatonda.
4 Hatonda aloma ati, “Misiri ni Bbabbulooni
ni Firisuuti ni Tiiro nʼEsopiya, mawanga agaaŋondera
era abaatu baamo baloma baati, ‘Ono musaale wʼe Sayuuni.’ ”
5 Mu butuufu baja huloma hu Sayuuni baati,
“Ono ni noola, basaale bʼe Sayuuni
era Ali Ŋamugulu Obugali aja huhifuula ohuba hyʼamaani.”
6 Musengwa aliŋandiiha ati,
“Ono musaale wʼe Sayuuni.”
7 Abembi nʼabahini balyemba baati,
“Sayuuni njʼesibuho yʼekabi jeefe.”