28
ጳዉሎሳ ማልታ Ꮉꬃራ ተቅንትደ ሳአ
1 ኑኒ ጋጻ ሳሮራ ከዝደ ዎደ የልዳና Ꮉꬃራ ተቅንትደ ሳእታ ማልታ ጋእንትዛኖ ኤርዳ።
2 ማልታ አሱንꬅ ኑስ ጋማ ሎእዳ። እራ ቡክደ ግሾን ጪሽዘ ግሾ ታማ ኤꬂ ኑና ኡባ ሞክዳ።
3 ጳዉሎሳ ጋማ Ꮉይጸ ሺሺ ታማ ጋዶደራ፥ ጎፕ ሾሽ ምችት ግሾ ኬዚ ኤ ኩሽትላ ጻጽንት ኤዛ ꬋይዳ።
4 ማልታ አሱንꬅ ሾሽ ጳዉሎሳ ኩሽትላ ጻጽንትዳኖ ብእደ ዎደ ፈታይ ፈተጎ፥ «ቱሮ Ꮉይ አꬄ ሸምፖ ዎꬍደ አስ፤ መለ አቶ የዝን አባፓ ኤ አትንን ጾዘ ፍርዳፓ አቲ ፋጻ የሳደስ ዳንዳእካያ» ያጋይዳ።
5 የዝን ጳዉሎሳ ፋ ኩሽትፓ ሾስዛ ዉጹርክ፥ ታማ ኦልዳ፤ ኤዛ አኮን ቆህካያ።
6 ኡን፥ «ኤ ጋልታ ክጻነ፥ ዎይ ቲርካይዝን ጎልእ Ꮉይቃነ» ጋእ ናጋነ። የዝን ጋማ ዎደ ናጊ ኤ ጋልተ አኮን ዱሙዽደ ባዝ ꬋብን፥ «Ꮉይ ኤቃ» ጋእ ፋ ቆፍቶ ላምዳ።
7 ይና ካራ ጋንጭተ Ꮉꬃራ ተቅንትደ ሳአ Ꮉላቅዘ፥ ፑፕልዮሳ ጋዘስ ጋደ የነ፤ Ꮉይꬕ ቃማ የሎደስ ኤ ኑና ሲቆራ ሞክዳ።
8 ፑፕልዮሳ አዳይ ኦማ ኦꬂ፥ ምቻራን ጋንጨ Ꮉርገራ ዎይእ የነ። ጳዉሎሳ ኤ ካራ ገሊ ኤስ ጾዝ ዎስዳ፤ ፋ ኩሽቶ ኤላ ጋዲ ፋꬅዳ።
9 ይንፓ ሱባ፥ ማልታን የዘ Ꮉርግንትዘ መለ አሱንꬅን ይእ ፋጽዳ።
10 ኡን ኑና ጋማ ቦንችዳ፤ ኑኒ ማርካበራ ቅቶደስ ደንድደ ዎደ ኦገስ ኮሽዘ ባዝ ኑስ እንግዳ።
ጳዉሎሳ ማልታፓ ሮመ ቅትዳ
11 Ꮉይꬕ አግናፓ ሱባ፥ ማልታ ግዳ ሴተ አꬂ እስክንድርያ ማርካበራ Ꮉማደስ ደንድዳ። የ ማርካብዘላ ድዮስቆሮሳ ጋዘ መንተ ኤቁንꬅ ምስለ የነ።
12 ስራኩሰ ካታማ ገሊ እዘ Ꮉይꬕ ቃማ በትዳ።
13 እዝፓ ደንዲ ረግዩመ ካታማ የልዳ። ፈቲ ቃማፓ ሱባ፥ ዬካ ዛላራ ባቆ ባቂን፥ ዎንትስት ዎደ ፉትዩሎሳ ካታማ ይእዳ።
14 እዘ ኑ ፈቲ ፈቲ አማንዘ አሱንꬃና ደንግን፥ ፋራ ሳምንታ ጋምኦደ ጋር ኑና ዎስዳ። ይንፓ ሱባ፥ ሮመ ኑ ቅትዳ።
15 ሮመ የዘ አማንዘ አሱንꬅ ኑ ባዝ ስእ፥ አፍዮሳ ጋበ፥ Ꮉይꬕ አቅዘ በሲ ጋእንትዘ በስቶ የሎደስ ኑና ሞኮደስ ይእዳ። ጳዉሎሳ ኡንታና ብእደ ዎደ ጾዝ ጋላቲ ምንግዳ።
ጳዉሎሳ ሮመ ግዳ
16 ኑ ሮመ ገልደ ዎደ ጳዉሎሳ ናግዘ ዎታዳረ እንግንትን ፋስ የዞ ጋእንትዳ።
17 Ꮉይꬕ ቃማፓ ሱባ፥ ጳዉሎሳ አይሁዱንꬅ Ꮉላቁንꬃና ፋጎ ጼግዝዳ። ኡን ሺቅደ ዎደ ኡንታጎ፥ «ታ እሹንꬆ፥ ታኒ ኑ አሱንꬃና ዎይ ኑ አዱንꬅ ዎጋላ አኮ ቆህዘ ባዝን ኦችካያ፥ የዝን ታና የሩሳላመ አጪ ሮመ አሱንꬅስ አꬂ እንግዳ።
18 ኡን ታ ሞቶ ብእ Ꮉይቆስ የልꬅዘባዝ ታላ አኮ ባዝን ደንግካይዘ ግሾ ታና ብሎደስ ቆፕዳ።
19 የዝን አይሁዱንꬅ ይኖ እጽደ ዎደ ኡንእንት ‹ታ ባዝ ቄሳረ ፍርዶ› ጋይዳፕ አትን ታኒ ታ ዎርዥቶ ሞትዘባዝ የዝን ባያ።
20 ታ ይንታና ጼግዝዳና ይንታና በአደስን ይንትስ Ꮉኖ ኦሆደስ። ታ Ꮉና ሳንꬃላታር አጭንትዳና እስራኤለ አሱንꬅ ናግዘ ኡፋይስት ግሾ» ጋይዳ።
21 አይሁደ Ꮉላቁንꬅ ጳዉሎሳጎ፥ «ኑስ ይሁዳፓ ነባዝ ዳብዳበ የልካያ። እዝፓ የኤዘ አሱንꬃፓ ፈትን ነባዝ ኢታ ኦህዘ ባያ።
22 የዝን Ꮉና ነ ካልዘ አማንቶ መለ መለ በስተ አሱንꬅ እጽዛኖ ኑኒ ኤርዘ ግሾ ነ ቆፍቶ ስኦደስ ኮያነ» ጋይዳ።
23 ኡን ፋ የኦደ ቃምቶ ጳዉሎሳስ ቃጻሪ፥ ይና ቃምተ ጋንግ ኤ የዘ በስተ ይእዳ። ኤ ዎንታፓ ኡጉረ የሎደስ ጾዘ ካእቱሞ ባዝ ኡንትስ ማርክꬍዳ። ማህ ኡን የሱሳ ባዝ አማኖደ ጋር ሙሴ ህገፋን ናቡንꬅ ማጻፈፓ ጌሽ ኡንታና ታማርስዳ።
24 ፈተ ፈተ ጳዉሎሳ ጋይዳኖ አማንዳ፥ የዝን መሉንꬅ አማንካያ።
25 ኡን ዎል ግዳ ኦህቶ ኤካንጽደ ዎደ ጳዉሎሳ ፈትባዝ ጋይዳንፓ ሱባ ቅትዳ። ኤ Ꮉንጋራ ጋይዳ፦ «ጌሽ አያና ይን አዱንꬅስ ናበ ኢሳያሳ ዶንተ ኦህዳና ቱሮ።
26 «ኔኒ የንꬅ አሱንꬃጎ Ꮉንግ፥
ይን ስስ ስእነ፥ የዝን ይን ቆፖስ፤
ይን በኤ በእነ፥ የዝን ደንጎስ።
27 Ꮉንꬅ አሱንꬅ ዎዝንታ ሙምዳ፤
ኡን Ꮉይታ ቱልዳ፤
ኡን አፍታን ጎዝንትዳ።
ይና ባይዛኮ፥
ኡን ፋ ኣፍተ ብእ፥ ፋ Ꮉይተ ስእ፥ ፋ ዎዝንተ ቲሪ፥
ኡን ታጎ ማቅኮ፤
ታንን ኡንታና ፋꬆድ የሻ ጋኦ» ጋይዳ።
28 «ይኬ፥ Ꮉና ጾዘ አሽዘ ኪታ አይሁደ ማቆሱንꬅስ ማቅዳኖ ኤራነ። ኡንትን ስኦዳ» ጋይዳ።
29 ጳዉሎሳ ይኖ ጋእዳንፓ ሱባ አይሁዱንꬅ ፋ ግዳ ጋማ ላልተ ኬዚ ቅትዳ ።
30 ጳዉሎሳ ክራ ኬꬃ ላምእ በረ ኩሙꬅ የዝዳ፤ እዘ የዝተራ ፋጎ ይእዛ ኡባ ሞካነ።
31 ዣሽሞ ባይꬅ ኦደን ካይካይዝን ጾዘ ካእቱሞ ሳባክዳ፤ ላꬄ የሱስ ክርስቶሳ ባዝ ቆንጭዝ ታማርስዳ።