8
ሳዉላ አማንዙንꬃና ባይእዳ
1 ሳዉላ እስጢፋኖሳ ዎ ቆፍተ ገልዳ። የ ዎደ የሩሳላመ የዘ ዎሳ ኬꬅተ ዳማ ባይኤ ደንድዳ። ሐዋሩንꬃፕ አትን አማንዘ ኡቡንꬅ ይሁዳ ሳአን ሳማራ ሳአ ላልንትዳ።
2 ፈቲ ፈቲ ጾዝ አሱንꬅ እስጢፋኖሳ ሞግዳ፤ ማህ ኤስ ዳማ ዬክዳ።
3 የዝን ሳዉላ ዎሳ ኬꬅቶ ላሎደስ ኮያነ። ኡቡንꬅ ካራ ዉቲ ገሊ፥ አማንዘ ꬊራꬁንꬃናን ማቹንꬃና ጎቺ ኬሲ አች ኬꬃ ገልꬃነ።
ዎንገለ ሳማራ ሳባክንትዳ
4 ላልንትደ አማንዙንꬅ ቅትደ በሳ ኡባ ቃላ ኦህነ።
5 ፍልጶሳ ሳማራ ካታማ ገሊ ክርስቶሳ ባዝ አሱንꬅስ ኦህዳ።
6 ጋማ አሱንꬅ ፍልጶሳ ጋይዳኖ ስእደ ዎደን ኤ ኦችደ ክለ ባዝቶ ብእደ ዎደን ኤዛ አካኪ ስእዳ።
7 ቱና አያና ኡክ ጋማ አሱንꬃፓ ከዝዳ፤ ማህ ጋማ ቶሄ ጉንዱንꬅን ዎቡንꬅን ብልንትዳ።
8 ይና ካታምተ የዘ አሱንꬅ ዳማ ኡፋይትዳ።
9 የዝን ስሞና ጋዘ ፈቲ አꬄ ይና ካታምተ የነ። ኤ፥ ታኒ ዳማ ጋእ ሳማራ አሱንꬃና ማርꬍተራ ጋማ ቆፍዝተራ ጋምእዳ።
10 ኤራꬃፓ ዳማ የሎደስ የዘ አሱንꬃና ኡባ፥ «ዳማ ጾዘ ዎልቅታ Ꮉኖ» ጋእ ኤዛ ስእነ።
11 ጋማ ዎደፓ አይኪ ማርꬍተራ ሳማራ አሱንꬃና ጋማ ቆፍዘ ግሾ አሱንꬅ ኤዛ ስእነ።
12 የዝን ፍልጶሳ ጾዘ ካእቱሞን የሱስ ክርስቶሳ ሱንꬅትባዝ ꬊራꬁንꬅስን ማቹንꬅስ ኦህን፥ ኡን ኤ ባዝ አማኒ ጻማቅንትዳ።
13 ማህ ስሞናን ፋ ኦምተ አማኒ ጻማቅንትዳ። ፍልጶሳር ዎላ Ꮉንግደ በሳ ኡባ ኦችንትዘ ዳማ ክለ ባዝ ብእ ጋማ ቆፕዳ።
14 የሩሳላመ የዘ ሐዋሩንꬅ ሳማራ አሱንꬅ ጾዘ ቃላ ኤክዳኖ ስእደ ዎደ ጴጥሮሳን ዋሐንሳን ኡንታጎ ዳክዳ።
15 ጴጥሮሳን ዋሐንሳን Ꮉንግ፥ አማንዙንꬅ ጌሽ አያና ኤኮደ ጋር ኡንትስ ጾዝ ዎስዳ።
16 አኮስ ጋይኮ፥ ሳማራ አሱንꬅ ላꬄ የሱሳ ሱንꬅተ ጻላላ ጻማቅንትዳፕ አትን ኡንታፓ ፈተላን ጌሽ አያና Ꮉጋ ዎꬍካያ።
17 የ ዎደ ጴጥሮሳን ዋሐንሳን ፋ ኩሽቶ ኡንታላ ጋድን፥ ኡን ጌሽ አያና ኤክዳ።
18 ሐዋሩንꬅ ፋ ኩሽቶ ኡንታላ ጋድን፥ ኡንትስ ጌሽ አያና እንግንትዳኖ ስሞና ብእደ ዎደ ጴጥሮሳስን ዋሐንሳስ ሚሸ ክእ፥
19 «ታንን ታ ኩሽቶ ጋድዘ ኡቡንꬅ ጌሽ አያና ኤኮደ ፋና Ꮉና አደትꬅ ዎልቅቶ ታስን እንጎያ» ያጋይዳ።
20 የዝን ጴጥሮሳ ኤጎ፥ «ነ ጾዘ እሞትꬅ ሚሸራ ኤኮደስ ቆፕደ ግሾ ነ ሚሽታ ኔራ ꬋቦ።
21 ነ ዎዝንታ ጾዘ ቲኖ ልከ ማቅካይዘ ግሾ ኔስ Ꮉነ ግሾ ዎይ እጻ ባያ።
22 ይኬ፥ Ꮉና ነ ዎዝና ኢታትꬅት ግሾ ናጋርትፓ ማቆ። ነ ዎዝንተ የዘ ኢታ ቆፍቶ ጾዚ አቶ ጋዉደ ጋር ላꬃ ዎሶ።
23 አኮስ ጋይኮ፥ ኔኒ ኢታ እጸራን ናጋራ አቻራ የዛኖ ታ በእነ» ጋይዳ።
24 ስሞና ማህ፥ «ይን ጋእዳንፓ ፈትን ታና የላመ ጋር ታስ ላꬃ ዎሶተ» ያጋይዳ።
25 ጴጥሮሳን ዋሐንሳን ማርክꬍዳንፓን ላꬄ ቃላ ኦህዳንፓ ሱባ የሩሳላመ ማቅዳ። ሳማራ የዘ ጋማ ጉታ ዎንገለ ኦህዳ።
ፍልጶሳ ቶጰ ሞርና ጻማቅዳ
26 ላꬄ ኪታንቾ ፍልጶሳጎ፥ «ደንዲ የሩሳላመፓ ጋዛ ካንግዘ አኮ ባይዘ ጋናሳ ኦግዘራ Ꮉንጎ። ይና ኦግታ ዬካ ዛላራ የነ» ጋይዳ።
27 ፍልጶሳ ደንዲ ቅትዳ። ህንደኮ ጋዘ ቶጰ ካትስ እ ሚሽቶ ኡባ ናግዘ ቶጰ አስ የነ። ኤዝን ጎይኖደስ የሩሳላመ ይእዳ።
28 ፋራ ጋረላ በቲ፥ የሩሳላመፓ ፋ ሳአ ማቅተራ ናበ ኢሳያሳ ማጻፈ ናባባነ።
29 ጌሽ አያና ፍልጶሳጎ፥ «የ ጋርዘጎ Ꮉንግ ኤ ካለ ሺቆ» ያጋይዳ።
30 ዬዝን ፍልጶሳ ዎጺ Ꮉንግ የልዘ ዎደ ሞርንዘ ናበ ኢሳያሳ ማጻፈፓ ናባቦደራ ስእ፥ «ነ ናባብዛና ኔስ ገላነ?» ያጋይዳ።
31 ሞርንዘ «ታስ ኦህ ገልꬅዘ አስ ባይዝን ዋይዝ ገሎደ?» ያጋይዳ። ፋራ ጋርዘላ ኬዚ በቶደ ፋና ፍልጶሳ ዎስዳ።
32 ሞርንዘ ናባብዘ ማጻፈ ክፍልዘ፥
«ኤ ዱሮ ፋና ሹክንቶደስ እዥንትዳ፤
ዱሮ ናአ ፋ እስንꬅቶ ሜድዙንꬅ ቲኖ ስእ ጋዛን ፋና፥
ኤዝን ፋ ዶንቶ ቡግካያ።
33 ኤ ቶችንትዳ፤ ኤስ ጽሎ ፍርዳ ꬋብዳ።
ኤ ደእታ Ꮉና ሳእትፓ Ꮉልእደ ግሾ
ኤ የለቱንꬃፓ ኦኒ ኦሆደ?» ጋይዳ።
34 ሞርንዘ ማህ ፍልጶሳጎ፥ «ናብዘ ኦባዝ ኦሄ? ፋ ባዝ ኦህነን ዎይ መለ አስ ባዝ ኦህነ? ታስ ኦሆያ» ጋይዳ።
35 ፍልጶሳ ማህ፥ ጾዘ ቃላ ይና በስትፓ አይኪ፥ የሱሳ ባዝ ኦህዘ ዎንገለ ኤስ ኦህዳ።
36 ኡን Ꮉንግተር Ꮉꬅ የዘ በሳ የልዳ። ሞርንዘ፥ «Ꮉꬅ Ꮉኖ ቦኦ፤ ታ ጻማቅንታመ ፋና አኮ ካይዘ?» ጋይዳ።
37 ፍልጶሳ ኤጎ፥ «ኔኒ ነ ኩሙꬅ ዎዝናፓ አማንኮ ዳንዳአነ» ጋይዳ።
ኤ ማህ፥ «የሱስ ክርስቶሳ ጾዘ ናአ ማቅዳኖ ታ አማናነ» ጋይዳ።
38 ጋርዘ ኤቆደ ፋና ሞርንዘ ኪትን፥ ላምኡንꬅ ዎꬊ Ꮉꬃ ገልዳ፤ ፍልጶሳን ኤዛ ጻማቅዳ።
39 ኡን Ꮉꬅትፓ ጋጻ ከዝደ ዎደ ላꬄ አያና ፍልጶሳ ቆፕካይዝን ኤክዳ። ላምእንꬃ ሞርንዘ ፍልጶሳ ብእካያ፥ የዝን ፋ ኦግቶ ኡፋይትተር ቅትዳ።
40 ፍልጶሳ አዛጦነ በንትዳ። ማህ ቂሳርያ የኦደ ዎንꬅስ ካታማር ዉቲ ዎንገለ ማርክꬍዳ።