12
سَلِ شَ سّرِيّ
1 وٌ شَ يِ سّرِيّ نُن يَامَرِيٍ رَبَتُ بْشِ مَ، وٌ بَبَيٍ مَرِفِ عَلَتَلَ دّننَشّ سٌقٍ وٌ يِ رَ.
2 وٌ شَ يِرٍ بِرِن كَنَ فٍيَيٍ قَرِ نُن قْتْنيِيٍ كُي، يِ سِيٍ كُيٍيٍ بَتُمَ دّننَشّ. وٌ قَمَ يِ سِيٍ كٍرِدٍ.
3 وٌ شَ عٍ شَ سّرّشّبَدٍيٍ كَنَ، وٌ شَ عٍ شَ فّمّ تْنشُمَيٍ كَنَ، وٌ شَ عٍ شَ عَسٍرِ وُرِ مَسٌلِشِيٍ فَن، وٌ شَ عٍ شَ كُيٍيٍ رَبِرَ، وٌ شَ عٍ شِلِيٍ حْن نَا.
4 وٌ نَشَ وٌ مَرِفِ عَلَتَلَ بَتُ نَ مْولِ رَ دٍ.
5 وٌ شَ عَلَتَلَ قٍن يِرٍ ندٍ عَ دّننَشّ سُفَندِ مَ وٌ بْنسْي يَ مَ. نَ قِندِ مَ عَلَ شَ يِرٍ نَن نَ، عَ شِلِ مَتْشْمَ دّننَشّ. وٌ شَ سِفَ مّننِ
6 وٌ شَ سّرّشّيٍ مْولِ بِرِن بَدٍ، عَلْ سّرّشّ فَن دَاشِيٍ، سّرّشّ نَشٍيٍ مُ فَنمَ، قَرِلّيٍ، هَدِيَيٍ، سّرّشّ نَشٍيٍ بَمَ عَلَكٌ وٌ وَشْنقٍ شَ رَبَ، حَنِفٍ سّرّشّيٍ، نُن شُرُ سٍ دِ سِنفٍيٍ.
7 وٌ شَ وٌ شَ سّرّشّيٍ دٌن مّننِ، وٌ تَن نُن وٌ شَ دٍنبَيَيٍ. وٌ شَ حّلّشِن هَرِفٍ رَ، وٌ مَرِفِ عَلَتَلَ نَشَن قِشِ وٌ مَ.
8 عَ مُ لَنمَ كَنكَن شَ عَ يّتّ وَشْنقٍ رَبَ، عَلْ وٌ عَ رَبَقٍ كِ نَشّ يَكْسِ،
9 وٌ تٌ مُ سٌ بْشِ مَ، وٌ مَرِفِ عَلَتَلَ دّننَشّ قِمَ وٌ مَ مَلَبُدٍ رَ.
10 كْنْ وٌ نَ يُرُدّن عِفِرِ، وٌ نَ سَبَتِ بْشِ مَ وٌ مَرِفِ عَلَتَلَ دّننَشّ قِمَ وٌ مَ، عَ قَمَ نّ وٌ رَتَنفَدٍ وٌ يَشُييٍ بِرِن مَ نَشٍيٍ نَ وٌ رَبِلِنيِ، وٌ قَ سَبَتِ نَا بْحّسَ كُي.
11 نَ تّمُي، مّننِ قِندِ مَ وٌ مَرِفِ عَلَتَلَ شَ يِرٍ سُفَندِشِ نَن نَ، عَ شِلِ مَتْشْمَ دّننَشّ. وٌ شَ وٌ شَ سّرّشّيٍ بَ مّننِ نّ، ﭑ نَشٍيٍ يَمَرِشِ وٌ رَ، عَلْ سّرّشّ فَن دَاشِيٍ، سّرّشّ نَشٍيٍ مُ فَنمَ، قَرِلّيٍ، هَدِيَيٍ، عَ نُن سّرّشّ نَشٍيٍ بَمَ عَلَكٌ وٌ وَشْنقٍ شَ رَبَ.
12 وٌ حّلّشِنمَ نّ وٌ مَرِفِ عَلَتَلَ رَ، وٌ تَن، وٌ شَ دِيٍ، وٌ شَ كٌنيِيٍ نُن لٍوِ شَ دِيٍ نَشٍيٍ نَ وٌ يَ مَ بَرِ مَ بْشِ مُ نَ عٍ تَن بّ نَشَن قِندِ عٍ كّ رَ.
13 وٌ نَشَ وٌ شَ سّرّشّ فَن دَاشِيٍ بَ وٌ وَشْندٍ.
14 وٌ عٍ بَمَ يِرٍ نّ وٌ مَرِفِ عَلَتَلَ دّننَشّ سُفَندِ مَ وٌ بْنسْي يَ مَ. ﭑ نَشَن بِرِن يَمَرِشِ وٌ رَ، وٌ شَ عَ بِرِن نَبَ مّننِ.
15 كْنْ عِ نْمَ سُبٍ دٌن دَاشِ قَشَدٍ، عَلَ نَشَن قِشِ عِ مَ، يِرٍ بِرِن عِ نَ سَبَتِ دّننَشّ. مِشِ سّنِيّنشِ نُن مِشِ سّنِيّنتَرٍ نْمَ عَ دٌندٍ، عَلْ شٍلِ نُن تْوكّ.
16 كْنْ وٌ مُ لَن وٌ شَ سُبٍ وُلِ مِن، وٌ شَ عَ عِقِلِ بْشِ مَ عَلْ يٍ.
17 وٌ مُ لَن وٌ شَ مّنفِ، وّنِ نّينّ، نُن تُرٍ دٌن وٌ شْنيِ، نَشٍيٍ قِندِ مَ وٌ شَ قَرِلّ رَ عَلَتَلَ بّ. وٌ مُ لَن وٌ شَ وٌ شَ شُرُ سٍ دِ سِنفٍيٍ قَن دٌن وٌ شْنيِ، وٌ نَشٍيٍ بَمَ سّرّشّ رَ عَلَتَلَ بّ، سّرّشّ نَشٍيٍ بَمَ عَلَكٌ وٌ وَشْنقٍ شَ رَبَ وٌ بّ، نُن وٌ شَ حَنِفٍ سّرّشّيٍ. وٌ مُ لَن وٌ شَ وٌ شَ بٌفِ سِنفٍيٍ قَن دٌن وٌ شْنيِ، وٌ نَشٍيٍ بَمَ سّرّشّ رَ.
18 وٌ لَن وٌ شَ نَ سٍيٍ بِرِن دٌن وٌ مَرِفِ عَلَتَلَ نَن يَ عِ عَ شَ يِرٍ سُفَندِشِ كُي. وٌ تَن، وٌ شَ دِيٍ، وٌ شَ كٌنيِيٍ، عَ نُن لٍوِ شَ دِيٍ نَشٍيٍ نَ وٌ يَ مَ، وٌ شَ نَ سّرّشّيٍ دٌن مّننِ حّلّشِنيِ كُي وٌ مَرِفِ عَلَتَلَ يَ عِ، عَ نَشَن قِشِ وٌ مَ.
19 وٌ وٌ حّنفِ سَ لٍوِ شَ دِيٍ شْن مَ عَ قَنيِ رَ. وٌ نَشَ نّيمُ عٍ مَ.
20 وٌ مَرِفِ عَلَتَلَ نَ وٌ شَ بْشِ رَفبٌ يّ، عَلْ عَ عَ لَايِدِشِ وٌ بّ كِ نَشّ، شَ وٌ وَ سُبٍ نَن شْن مَ، وٌ نْمَ نَ دٌندٍ هَن وٌ وَ سَ.
21 شَ وٌ مَكُيَ عَلَتَلَ شَ يِرٍ سُفَندِشِ رَ عَ شِلِ مَتْشْمَ دّننَشّ، وٌ نْمَ شُرُ سٍيٍ قَشَدٍ، وٌ مَرِفِ نَشٍيٍ قِشِ وٌ مَ، وٌ قَ نَ سُبٍ دٌن ﭑ مَ سّرِيّ كِ مَ وٌ شْنيِيٍ هَن وٌ وَ سَ.
22 مِشِ سّنِيّنشِ نُن مِشِ سّنِيّنتَرٍ نْمَ عٍ دٌندٍ عَلْ شٍلِ نُن تْوكّ.
23 كْنْ وٌ مُ لَن وٌ شَ سُبٍ وُلِ مِن، بَرِ مَ وُلِ قِندِشِ نِي نَن نَ. عَ مُ لَن وٌ شَ سُبٍ نُن عَ وُلِ دٌن.
24 وٌ نَشَ وُلِ مِن، وٌ شَ عَ عِقِلِ بْشِ مَ عَلْ يٍ.
25 وٌ نَشَ عَ مِن عَلَكٌ وٌ شَ سّيوَ، وٌ تَن، نُن وٌ شَ دِيٍ هَلِ وٌ دَنفِ شَنبِ. وٌ شَ قٍ تِنشِنشِيٍ رَبَ، عَلَتَلَ وَ مَ نَشٍيٍ شْن.
26 شَ وٌ وَ مَ سّرّشّ سّنِيّنشِ نَن بَقٍ عَلَتَلَ بّ، عَلَكٌ وٌ وَشْنقٍ شَ رَبَ وٌ بّ، وٌ شَ نَ سّرّشّ بَ يِرٍ نّ عَلَتَلَ دّننَشّ سُفَندِ مَ.
27 نَشَن قِندِشِ سّرّشّ فَن دَاشِ رَ، وٌ شَ نَ سُبٍ نُن نَ وُلِ سَ وٌ مَرِفِ عَلَتَلَ شَ سّرّشّبَدٍ. نَشَن قِندِشِ سّرّشّ بٌورٍ دَاشِ رَ، وٌ شَ عَ وُلِ عِقِلِ وٌ مَرِفِ عَلَتَلَ شَ سّرّشّبَدٍ، وٌ قَ عَ سُبٍ تَن دٌن.
28 وٌ وٌ تُلِ مَتِ، وٌ لَن نّ وٌ شَ يِ سّرِيّ رَتِنمّ ﭑ نَشَن سٌشِ وٌ يِ رَ، عَلَكٌ وٌ شَ سّيوَ، وٌ تَن نُن وٌ شَ دِيٍ هَلِ وٌ قَشَ شَنبِ عَبَدَن، بَرِ مَ قٍ قَنيِ نَ عَ رَ نَشَن نَقَن وٌ مَرِفِ عَلَتَلَ مَ.
29 وٌ مَرِفِ عَلَتَلَ نَ فّ سِيٍ هَلَكِدٍ وٌ سَابُي رَ، وٌ نَ سَبَتِ عٍ شَ بْشِ مَ،
30 وٌ شَ وٌ يّتّ رَتَنفَ عٍ شَ قٍ كٌبِ رَبَقٍ مَ، عٍ هَلَكِ شَنبِ. وٌ شَ وٌ يّتّ رَتَنفَ عٍ شَ عَلَيٍ مَشْرِنقٍ مَ. وٌ نَشَ عَ قَلَ، «يِ سِيٍ نُ تُوبِ رَبِرَ مَ عٍ بّ دِ؟ ﭑ قَن وَشِ نَ نَن نَبَقٍ.»
31 وٌ نَشَ نَ مْولِ رَبَ وٌ مَرِفِ عَلَتَلَ رَ، بَرِ مَ عٍ نُ قٍ كٌبِيٍ رَبَمَ عٍ شَ عَلَيٍ بّ عَلَتَلَ مُ وَ مَ نَشٍيٍ شْن. مِشِ نَن نُ عٍ رَ، نَشٍيٍ نُ عٍ شَ دِيٍ فَنمَ عٍ شَ كُيٍيٍ بّ سّرّشّ رَ.