21
عَيُبَ شَ مَسٍنيِ سٌلٌقٍرٍ ندٍ
«مُنقٍ رَ تِنشِنتَرٍيٍ مُ تْورْ مَ؟»
1 عَيُبَ نَشَ عَ يَابِ،
2 «وٌ وٌ تُلِ مَتِ ﭑ مَ مَسٍنيِ رَ.
وٌ شَ نَ رَبَ ﭑ بّ.
3 وٌ دِحّ ﭑ بّ، ﭑ شَ وْيّن.
ﭑ نَ فّ، وٌ قَ يٌ ﭑ مَ.
4 ﭑ نَن ﭑ شُن مَوَشِ مِشِ نَن شِلِ مَ؟
قْلْ يِ تّمُي مَ، ﭑ دِحّمَ مُنقٍ رَ قَ؟
5 وٌ وٌ يَ تِ ﭑ نَ، وٌ شَ ﭑ قَتٍ عِفبّ.
وٌ مُ كَابَشِ شّ ﭑ قَتٍ مَ؟
6 ﭑ نَن ﭑ مَحْشُن عَ مَ،
فَاشُي نَن ﭑ سُشُمَ،
ﭑ قَتٍ بِرِن نُ سّرّن ﭑ مَ.»
7 «مُنقٍ رَ مِشِ حَاشِيٍ بُمَ دُنِحَ مَ؟
مُنقٍ رَ عٍ قِندِ مَ شّمْشِ سّنبّمَيٍ رَ؟
8 عٍ شَ دِيٍ شُن نَكٍلِمَ،
عٍ بْنسْييٍ قَن قٍ قَنيِ سْتْمَ عٍ يَ حِحّ رَ.
9 عٍ شَ دٍنبَيَيٍ لُمَ بْحّسَ كُي،
فَاشُي يٌ مُ عٍ مَ،
عَلَ قَن مُ عٍ تْورْ مَ.
10 عٍ شَ تُورَيٍ سّنبّ فبٌ،
عٍ تٍمَ عٍ شَ نِنفٍ فِنّيٍ مَ،
نٍيٍ دِيٍ بَرِ مَ، عٍ قُرِ مُ بِرَ مَ.
11 نَ مِشِ حَاشِيٍ شَ دِيٍ قَرٍ بٌرٌنمَ،
12 عٍ سِفِ سَمَ مَشَسٍيٍ، كْرَ، نُن شُلٍ شُي رَ.
13 عٍ شَ سِمَيَ كَمَلِمَ هّيرِ كُي،
عٍ مَن قَ قَشَ قَشّ سْونّيَشِ رَ.»
14 «عَ نُن، عٍ نُ عَ قَلَمَ نّ عَلَ بّ عٍ شَ سِمَيَ كُي،
‹عِ مَكُيَ مُشُ رَ، مُشُ مُ وَ مَ عِ شَ سّرِيّ كٌلٌنقٍ.
15 مُشُ عَلَ سّنبّ كَنيِ رَبَتُمَ مُنقٍ رَ؟
عَ مَشَندِقٍ قِندِ مَ فٍينِ مُندُن نَ مُشُ بّ؟›
16 ﭑ عَ كٌلٌن عٍ هَرِفٍ مُ نُ قَتَنشِ عٍ يّتّ شَ رَ،
ﭑ نَن ﭑ مَكُيَمَ مِشِ حَاشِيٍ شَ مَرَ سِ رَ نَ نَن مَ.
17 كْنْ هَلَكِ مِشِ حَاشِيٍ لِمَ تّمُي بِرِن نّ؟
عَلَ فبَلٌي فبٍفبٍ رَفِرِ مَ عٍ مَ عَ شَ شْنّ كُي؟
18 عٍ شَ قٍ كَنَمَ عَ فبٍ رَ،
عَلْ مَالٍ لَفِ قٌيٍ نَشَن نَ قَنَقَنَنمَ؟
19 عَلَ حَشَنكَتّ رَفَتَمَ عٍ شَ دِيٍ بّ؟
مُنقٍ رَ عَ مُ عٍ تَن يَتِ حَشَنكَتَمَ؟
20 عَ لَنمَ عٍ تَن يَتِ شَ عٍ شَ تْورّ تٌ عٍ يَ رَ،
عٍ تَن يَتِ شَ عَلَ سّنبّ كَنيِ شَ شْنّ كٌلٌن.
21 شَ مِشِ حَاشِ فّ قَشَدٍ،
عَ مُ عَ شَ دٍنبَيَ شَ تْورّ كٌلٌنمَ.
22 عَدَ مَدِ نْمَ لْننِ ندٍ قِدٍ عَلَ مَ،
مَنفّيَ بِرِن نَ نَشَن مَ يَامَرِ بُن مَ؟
23 مِشِ ندٍ قَشَمَ بْحّسَ كُي،
عَ سّنبّ فبٌ، كْنتْقِلِ يٌ مُ لُ عَ مَ،
24 عَ قَتٍ قَن، عَ شْرِيٍ شْرْشْ فبٍن.
25 كْنْ مِشِ فبّتّ تَن قَشَمَ تْورّ كُي،
عَ مُ هّيرِ يٌ نّمُننّمُن.
26 نَ مِشِ قِرِنيِ بِرِن سَمَ بّندّ نّ،
كُلِ قَ عٍ دٌن.
27 ﭑ وٌ شَ مَحْشُنيِيٍ كٌلٌن عَ قَنيِ رَ،
وٌ وَ مَ نْندِ رَكَنَقٍ ﭑ نَ نَشٍيٍ شَقٍ رَ.
28 وٌ نَشّ، ‹كُنتِفِ شَ بَنشِ نَ مِندٍن؟
مِشِ حَاشِ شْنيِ نَ دِ؟›
29 كْنْ وٌ مُ مَشْرِنيِ تِشِ بِيَاسِلَيٍ مَ؟
وٌ مُ وٌ تُلِ مَتِشِ عٍ شَ دّنتّفّ رَ؟
30 مِشِ حَاشِ مُ فبَلٌي سْتْمَ فبَلٌي لْشْي،
عَ رَتَنفَمَ نّ نَ شْنّ مَ.
31 ندٍ تِمَ عَ يَ عِ عَ عَ مَكِيتِ؟
ندٍ عَ شَ وَلِ كٌبِ سَرٍ رَفبِلٍنمَ عَ مَ؟
32 مِشِيٍ عَ شَنِنمَ فَبُرِ،
عٍ مَن قَ بِنيّ سَ عَ مَ مّننِ.
33 فَبُرِ بّندّ مُ عَ تْورْ مَ،
عَ بِنيّ سْتْ حَمَ فبٍفبٍ رَ.
34 نَ كُي، وٌ ﭑ مَدُندُ مَ مَدُندُي قُيَن نَ دِ؟
مَدَشُي مَسٍنيِيٍ نَن تُن نَ وٌ شَ لْننِ مَسٍنيِيٍ كُي.»