9
عَيُبَ شَ مَسٍنيِ قِرِن ندٍ
«عَلَ شَ كِيتِ شْرْشْ»
1 عَيُبَ نَشَ عَ يَابِ،
2 «ﭑ نَ بِرِن كٌلٌنشِ نْندِ رَ.
عَلَ نْمَ نْندِ قِدٍ عَدَ مَ مَ دِ؟
3 شَ عَلَ نَ كِيتِ سَقٍ،
عَدَ مَ تَن مُ نْمَ عَ دّ تٌنفٌدٍ عَ كَنكٍ رَ.
4 عَ تَن نَن فبٍ نَ لْننِ نُن سّنبّ رَ،
ندٍ نْمَ تِدٍ عَ كَنكٍ؟
5 عَلَ نْمَ فٍيَيٍ تَلَدٍ عٍ تِدٍ،
عَ عٍ مَقِندِ عَ شَ شْنّ كُي.
6 عَ نْمَ بْشِ بُنيِ رَ سّرّندٍ،
عَ عَ بْو عَ رَ.
7 عَ نْمَ سٌفٍ نُن تُنبُييٍ عِقْورْدٍ.
8 عَ تَن نَن كٌورٍ عِتَلَ،
عَ عَ حّرّ بَا مْرْنيِيٍ قَرِ.
9 عَ تَن نَن تُنبُي بِرِن سَ،
كَنكَن نَ عَ يِرٍ.
10 عَ بَرَ قٍ شُنفبٍيٍ رَبَ
وٌن مُ نْمَ نَشٍيٍ قَهَامُدٍ.
عَ شَ كَابَنَكٌي مُ نْمَ كْنتِدٍ.
11 عَ نْمَ دَنفِدٍ ﭑ سّيتِ مَ، ﭑ مُ عَ تٌ.
عَ لْي، ﭑ مُ نْ عَ تٌدٍ.
12 ندٍ نْمَ عَ شَ سٍ تٌنفٌشِ رَفبِلٍندٍ؟
ندٍ نْمَ عَ قَلَدٍ عَ بّ، ‹عِ نَ مُنسٍ رَبَقٍ؟›
13 عَلَ مُ فبِلٍنمَ عَ شَ شْنّ قْشْ رَ.
يّتّ عِفبٌي شَشِلِ تِدٍ بِرِن بِرَ مَ عَ يَ عِ.
14 ﭑ تَن، ﭑ عَ يَابِمَ دِ؟
ﭑ وْيّن مْولِ مُندُن قَلَمَ عَ بّ؟
15 هَلِ نْندِ سَ نَ ﭑ بّ، ﭑ مُ نْمَ تِدٍ عَ كَنكٍ.
ﭑ مَ كِيتِسَ مَدِحّقٍ نَن تُن لُمَ ﭑ يِ.
16 شَ ﭑ سَ عَ شِلِ، عَ نَشَ ﭑ يَابِ،
ﭑ مُ لَمَ عَ رَ عَ بَرَ عَ تُلِ مَتِ ﭑ نَ،
17 بَرِ مَ عَ بَرَ ﭑ تْورْ عَ فبٍ رَ،
عَ بَرَ ﭑ حَشَنكَتَ نَ كِ تُن.
18 عَ مُ ﭑ لُمَ ﭑ شَ مَلَبُ،
عَ بَرَ ﭑ مَ شْنّ شُن مَسَ عَ حَاشِ رَ
19 ﭑ مُ نْمَ عَ رَ،
بَرِ مَ عَ سّنبّ فبٌ ﭑ بّ.
مُشُ نُن عَلَ مُ نْمَ مَكِيتِدٍ،
بَرِ مَ كِيتِسَ مُ نَ مُشُ تَفِ.
20 هَلِ ﭑ سَ تِنشِن نُ، ﭑ دّ مُ نْندِ قِمَ ﭑ مَ.
هَلِ يُنُبِ مُ نَ ﭑ مَ نُ، ﭑ دّ كِيتِ رَكَنَمَ نّ ﭑ نَ.
21 يُنُبِ نَ ﭑ مَ؟ ﭑ مُ عَ كٌلٌن
ﭑ نِمِسَشِ ﭑ مَ دُنِحّءِفِرِ نَن تُن نَ.
22 ﭑ تَن بّ، عَ بِرِن كٍرٍن،
بَرِ مَ عَلَ تِنشِنتْي نُن تِنشِنتَرٍ بِرِن حَشَنكَتَمَ.
23 فبَلٌي نَ تِنشِنتْي لِ،
عَلَ مُ نَ تْورّ تٌمَ.
24 تِنشِنتَرٍ نَ بْشِ ندٍ سْتْ تِنشِنتَرٍيَ كُي،
عَلَ عَ نِيَمَ كِيتِسَيٍ شَ تِن نَ رَ.
شَ عَلَ مُ عَ رَ، ندٍ عَ رَ قَ؟
25 ﭑ مَ سِمَيَ شُلُن فِلَ بّ،
عَ حْنمَ بٍينُن ﭑ شَ هّيرِ سْتْ.
26 ﭑ مَ سِمَيَ دَنفِمَ عَلْ كُنكُي،
عَلْ سّفّ نَشَن فٌرٌ مَ تْشّيْرّ مَ.
27 ﭑ نَ عَ قَلَ،
‹ﭑ شَ نّيمُ ﭑ مَ مَوَ مَ،
ﭑ شَ بَ سُننُنشِ،
ﭑ شَ ﭑ سّنبّ سٌ،›
28 ﭑ مَ تْورّ نَن بِرِن لُمَ ﭑ مَفَاشُ رَ.
ﭑ عَ كٌلٌن عِ مُ نْندِ قِمَ ﭑ مَ.
29 ﭑ تٌ بَرَ يُنُبِ سْتْ،
ﭑ نْندِ قٍنمَ ﭑ يّتّ بّ مُنقٍ رَ؟
30 هَلِ ﭑ سَ ﭑ مَشَ نّ يٍ تِنسٍشِ رَ،
هَلِ ﭑ سَ ﭑ بّلّشّيٍ مَشَ شْسِ بَ سٍ رَ،
31 عِ ﭑ نَفٌرٌ مَ نّ بٌورَ،
ﭑ شَ رَحَاشُ ﭑ مَ دُفِيٍ مَ.
32 عَلَ مُ لُشِ عَلْ عَدَ مَدِ،
ﭑ نْمَ نَشَن شِلِدٍ كِيتِ مَ،
عَلَكٌ ﭑ شَ ﭑ فبٍ قَلَ،
كِيتِسَ شَ كِيتِ سَ مُشُ تَفِ.
33 كِيتِسَ يٌ مُ نَ
نَشَن نْمَ كِيتِ سَدٍ ﭑ نُن عَلَ تَفِ.
34 عَلَ شَ عَ شَ وُرِ بْنبْ تِ سٍ بَ ﭑ شُن مَ،
عَ شَ عَ شَ قٍ مَفَاشُشِ بَ ﭑ يِ رَ،
35 عَلَكٌ ﭑ شَ نْ وْيّندٍ عَ رَ فَاشُتَرٍحَ كُي.
كْنْ ﭑ مَ قٍ تٌ مُ نَ كِ شّ، ﭑ شَ لُ ﭑ كٍرٍن.»