6
परमप्रभुमी मोसा नु लोव़ पशो
मिनु नोले परमप्रभु यावेमी मोसा कली “गो फाराओ कली मार पाइनुङा, गे मुल ताइनेवे। फाराओम मेको आन कली लचा गेचा ला ममाइ, ठेयब सक्तिमी फाराओ कली आं मुर आन कली आ रागी रे खेरपाइक्‍नुङ” दें‍त। प्रस्‍थान ११:१; प्रस्‍थान १२:३३ मिनु लेंशा परमप्रभुमी मोसा कली “गो यावे नङ। प्रस्‍थान ३:१४-१५; उत्‍पत्ती १७:१ गो अब्राहाम, इसहाक नु याकूब आन ङोंइती ग्रूशो ‘नेल्‍ल क्‍येङा सक्ति पाइश्‍शो परमप्रभु नङ’ दे मेको आन कली तुइक्‍पाइक्‍ताक्‍मी। तन्‍न ‘आं नें यावे बाक्‍ब’ दे मतुइक्‍पदुमी। गो मेको आन कली ‘गे मुल अर्को रागी ङा मुर दुम्‍शा, हिरना हिरन बाक्‍शो कनानी आन रागी इन कली गेनुङ’ दे अब्राहाम, इसहाक नु याकूब नु कबल पने थुम्‍शो नङ। उत्‍पत्ती १७:८ मिनु गो इजीप्‍त ङा मुरपुकीमी इन कली गेय पाइब सेल्‍मेनु, श्‍येत जशो इस्राएली आन ङाक्‍शो ताता। मिनु गो आं कबल पशो मिम्‍ताक्‍ङ। मोपतीके गो इस्राएली आन कली ‘गो परमप्रभु यावे नङ। गो इजीप्‍त ङा मुर आन गेशो श्‍येत नु इन वाइल दुम्‍शो गेय रे प्रोंइनन्‍नी। गो इजीप्‍त ङा मुर आन कली ठेयब सजाइ गेशा, आं ठेयब सक्तिमी इन कली ग्रुंइनुङ। मिनु गो इन कली आं मुर सेल्‍नुङ। गो इन परमप्रभु दुम्‍नुङ। मिनु गो इन कली इजीप्‍त ङा मुर आन गेशो श्‍येत रे ग्रुंइब, परमप्रभु यावे, इन परमप्रभु नङ, दे तुइक्‍चा माल्‍नीनी। मिनु गो अब्राहाम, इसहाक नु याकूब आन कली गेनुङ, दे कसम जशो रागीम इन कली चाक्‍दीत्‍नुङ। मिनु मेको रागी इन के दुम्‍ब। गो परमप्रभु यावे नङ’ दे गे इस्राएली आन कली देंचा माल्‍नेवे” दें‍त। उत्‍पत्ती २२:१६
मिनु मोसामी मेको लोव़ इस्राएली आन कली नेंपदानु, वाइल दुम्‍तीके नु आन थुं लुक्‍च लतीके मोसा आ लोव़ मने‍नेम। 10 मिनु परमप्रभु यावेमी मोसा कली 11 “गे इजीप्‍त ङा पिप फाराओ कली ‘इस्राएली आन कली इन रागी रे लचा गेने’ दे मतो” देंत। 12 मिनु मोसामी परमप्रभु यावे कली “इस्राएलीपुकीमी ला यो आं लोव़ मनेनेम हना, गो ब्‍वाक्‍स मजोक्‍ब मुर आं लोव़ फाराओम दोपा नेंबा?” दे लोव़ लेत्‍ताक्‍व। प्रस्‍थान ६:३०; प्रस्‍थान ४:१० 13 मोपा परमप्रभु यावेमी मोसा नु हारून आस कली इस्राएली आन पर्बम लोव़ पाप्‍तु। मिनु “गेमी इजीप्‍त ङा पिप फाराओ कली ‘इस्राएली आन कली इन रागी रे लचा गेचा माल्‍नीनी’ दे रुप्‍पतीस” दें‍त।
मोसा नु हारून आस किकी पिपी
14 इस्राएली आन किकी पिपी आन दातेमी ठेयब दुम्‍शो, सु सु बाक्‍मा बाक्‍त देंशा हना, इस्राएल आ ङोंइती जरमेशो तौ रूबेन मेको आ तौपुकी हनोक, पल्‍लु, हेस्रोन नु कारमी बाक्‍मा बाक्‍त। मेको रूबेन आ खिं खिं ङा मुर बाक्‍मा बाक्‍त। उत्‍पत्ती ४६:९-११
15 सिमियोन आ तौपुकी येमुएल, यामीन, ओहद, याकीन नु सोहार बाक्‍मा बाक्‍त। मिनु का कनानी मीश रे जरमेशो शावल बाक्‍माक्‍त। मेको सिमियोन आ खिं ङा मुर बाक्‍मा बाक्‍त।
16 मिनु लेवी आ तौ आन खिं खिं ङा मुर सु सु बाक्‍मा बाक्‍त देंशा हना, गेरशोन, कोहाथ नु मेरारी बाक्‍मा बाक्‍त। मिनु लेवी सहे का ३७ बर्स ब्रोंइमाक्‍त। १इतिहास ५:२७-३०; १इतिहास ६:१-४ 17 गेरशोन आ तौ लिब्‍नी नु शिमेइ बाक्‍सा बाक्‍त। 18 कोहाथ आ तौपुकी अम्राम, इच्‍हार, हेब्रोन नु उज्‍जीएल बाक्‍मा बाक्‍त। मिनु कोहाथ सहे का ३३ बर्स ब्रोंइमाक्‍त। 19 मिनु मेरारी आ तौ माहली नु मुशी बाक्‍सा बाक्‍त। मेको लेवी आ खिं खिं ङा मुर बाक्‍मा बाक्‍त।
20 मिनु अम्राममी आ आफ आ समी चाक्‍गा बाक्‍त। मेको आ नें योकेबेद बाक्‍माक्‍त। मेकोमी हारून नु मोसा थिमाक्‍त। अम्राम सहे का ३७ बर्स ब्रोंइमाक्‍त। प्रस्‍थान २:१; लेवी १८:१२
21 इच्‍हार आ तौपुकी कोराह, नेफेग नु जिक्री बाक्‍मा बाक्‍त। गन्‍ती १६:१ 22 उज्‍जीएल आ तौपुकी मीशाएल, एल-साफान नु सिथ्री बाक्‍मा बाक्‍त। लेवी १०:४ 23 मिनु हारूनम नहशोन आ समी अम्‍मीनादाब आ तमी एली-शेबा चाक्‍गा बाक्‍त। मेकोमी नादाब, अबीहु, एलाजर नु इथामार थिमाक्‍त। प्रस्‍थान २८:१ 24 कोराह आ तौपुकी अस्‍सीर, एल्‍काना नु अबी-आसाफ बाक्‍मा बाक्‍त। मेको कोराह आ खिं ङा मुर बाक्‍मा बाक्‍त। 25 मिनु हारून आ तौ एलाजरम पुतीएल आ तमी चाक्‍गा बाक्‍त। मेकोमी फिनेहास थिमाक्‍त। मेकोपुकी लेवी आ खिं ङा ठेयब मुर बाक्‍मा बाक्‍त। गन्‍ती २५:७ 26 मिनु परमप्रभु यावेमी हारून नु मोसा कली “गे इस्राएल ङा मुरपुकी हुल हुल पा इजीप्‍त रागी रे ग्रुंइदीस” देंत। प्रस्‍थान ६:१३ 27 मिनु मेको निक्‍शीमी इजीप्‍त ङा पिप फाराओ कली “इस्राएल ङा मुर आन कली लचा गेने” दे लोव़ पाम्‍ताक्‍से।
28 मिनु परमप्रभु यावेमी इजीप्‍त रागीमी मोसा कली 29 “गो परमप्रभु यावे नङ। गे इजीप्‍त ङा पिप फाराओ कली आं देंशो लोव़ नेल्‍ल माइक्‍चा माल्‍नेवे” दें‍त। 30 मिनु मोसामी परमप्रभु यावे कली “गो ब्‍वाक्‍स मजोक्‍ब मुर नङ। दोपा फाराओमी आं लोव़ नेंबा ङा?” दें‍त। प्रस्‍थान ६:१२