34
एदोम कली निसाफ
गे रागी रागी ङा मुर, आं नेक्‍था जाक्‍कीने। जात जात ङा मुर नोफा दाइश्‍शा नेनीन। रागी नु रागीम बाक्‍शो मारेइ मारेइम नेन्‍मेक्‍ल। मारदे हना परमप्रभु यावे रागी रागी नेल्‍ल आन पर्बम गाइक्‍ब। मेको आन लडाइ पाइब आन पर्बम चुरब। मेको आन कली क्‍याम्‍चा कली साइक्‍ब कली गेशो बाक्‍ब। मेको साइश्‍शो मुर आन कली ताइक्‍नीम। मेको आन रिना कुइ‍ब। डांडापुकी मेको आन हुशेम जित्‍नीम। सरीङ ङा मारेइ मारेइ जाम्‍नीम। सरीङ कागज खोदेंशो पा ओल्‍सीब। सोरुल अङगुर बोट आ सोव़शो सफा नु फोव़शी रवा आ सोव़शो गेडा खोदेंशो दुम्‍नीम। प्रकाश ६:१३-१४
परमप्रभुमी “आं तरवारम सरीङमी गेय थुम्‍शा नोले, गो एदोम तारी लाइनुङ। गो मेकेर ङा मुर आन कली निसाफ पाइनुङ” देंत। ब्‍यवस्‍था ३२:४१-४२; येरमीया ४९:७-२२ परमप्रभु यावे आ तरवार हुशेम ग्रुम्‍शो बाक्‍ब। बोंसो लुम्‍सीशो बाक्‍ब। मेको क्‍यारश भेडा आन हुश नु बोका आन चिच ङा बोंसो लुम्‍सीशो बाक्‍ब। मारदे हना बोज्रामी परमप्रभु यावेमी ठेयब चढ़ेतीक गेय पाइब। एदोम रागीमी शुश मुर आन कली साइक्‍ब। यसैया ६३:१ ब्‍वाकी ङा ब्‍यफ मुरपुक नु गोल्‍नीम। बाछापुकी बोल्‍यो सांढे ब्‍यफपुक नु गोल्‍नीम। मेको आन रागी हुशेम जारशो बाक्‍ब। मेकेर ङा खप बोंसोम ब्रीशो बाक्‍ब।
काबु परमप्रभु यावे आ क्‍येक्‍क लेत्‍तीक नाक्‍त बाक्‍ब। सियोन आ पर्बम ठीक सेल्‍चा कली क्‍येक्‍क लेत्‍तीक बर्स का बाक्‍ब। यसैया ६३:४ मेना एदोम ङा खोलापुकी अलकत्रा दुम्‍नीम। मिनु आ खप चहिं गन्‍धक दुम्‍ब। एदोम रागी ब्रशो अलकत्रा दुम्‍ब। उत्‍पत्ती १९:२४ 10 मेको नाक्‍दो नाक्‍त गेनायो मकाप्‍ब। आ कुन गेना हना यो कुस ङा कुस बाक्‍ब। मेको पाला पाला सम्‍म गोरशो रागी दुम्‍शा बाक्‍ब। मेकेर रे सुइ मगाक्‍नीम। मलाकी १:४ 11 तन्‍न मेकेर ठेयब चिक्‍ब नु काइश्‍श आन बाक्‍तीके दुम्‍ब। मेकेर हुहुचील नु खदपुकी बाक्‍नीम। परमप्रभुमी मेको रागी कली ग्रांग्‍ये माग्‍ये सेल्‍ब। आ ठेयब मुर मार पचा दो पचा दुम्‍नीम। 12 मेको रागी कली राज्‍य मदेंनीम। मेकेर हुकुम पाइब सुइ मलीम। 13 मेको आन दरवारम चू वानीम। मेको आन बोल्‍यो दरवारम चूले नु चोंक वानीम। मेकेर सिवार नु ठेयब चिक्‍ब आन बाक्‍तीके दुम्‍ब। यसैया १३:२१-२२ 14 मेकेर वां नु फर ग्रुम्‍नीम। वोल ब्रेम्‍मुइनीम। ब्‍वाकी ङा वोलम आ वारच कली ब्रेप्‍ब। नाक्‍दो ङा वोल मेकेर बास बाक्‍नीम। 15 मेकेर बुक्‍‍सुम ग्‍योव़ सेल्‍शा, ब्‍वोफु पा पुक्‍शा, चाइक्‍ब ग्रुंइब। मेकेर ब्‍वारदे ग्रुम्‍शा, निक्‍शी निक्‍शी पा बाक्‍नीम। 16 परमप्रभु यावे आ किताबम माल्‍शा पढेने। मेकेर नेल्‍ल ब्रेक्‍शो बाक्‍ब। मेको नेल्‍ल निक्‍शी निक्‍शी बाक्‍नीमी। मारदे हना परमप्रभु यावेमी लोव़ पा मेको आन कली अरेप्‍तु। आ सोक्‍तीमी मोदेंशो दुम्‍पाइश्‍शो बाक्‍ब। प्रस्‍थान ३२:३२ 17 परमप्रभुमी मेको आन कली मेको रागी पुक्‍शा योक्‍शा, गेशो बाक्‍ब। मेको रागी गेना हना यो मेको आन के दुम्‍शा, पाला पाला सम्‍म मेकेर बाक्‍नीम।