6
परमप्रभुमी यसैया कली ब्रेश्शो
1 मिनु पिप उज्जीयाह बेक्शो बर्सम, गो परमप्रभु यावे कली इर ङा ठेयब नित्तीकेमी निश्शो ताता। आ वा आ सुरमी आ खिं नेल्ल ब्रीशो बाक्त। २इतिहास २६:२२
2 मेको आ इर गे स्वर्ग ङा गेय पाइब सेराफ बाक्शो बाक्तेक्म। मेको आन के ६, ६ ओटा फ्रां बाक्तेक्म। मिनु फ्रां निक्शीमी आन कुल सुम्शो बाक्तेक्म। फ्रां निक्शीम आन खोइली सुम्शो बाक्तेक्म, फ्रां निक्शीमी बेरबाक्तेक्म। १राजा २२:१९
3 मिनु सेराफ कामी अर्को सेराफ कली “मुर नेल्ल आन परमप्रभु यावे का ला ठेयब सक्ति पाइश्शो बाक्ब। रागी नेल्ले आ छेङछेङम ब्रीशो बाक्ब” देंत। प्रकाश ४:८
4 मेको आन ब्वाक्शो रेयकेमी परमप्रभु यावे आ खिं ङा जग हिम्सीशा, कुनम ब्रीत।
5 मिनु गो “आबी, मुल बेक्ब दुम्ती। मारदे हना गो मरिम्शो लोव़ पाइब बाक्ती। मिनु मरिम्शो लोव़ पाइब आन दातेमी बाक्शो बाक्नुङ। मो हना यो गो मुर नेल्ल आन परमप्रभु यावे, पिप कली ताता” देंती। प्रस्थान ३३:२०
6 मिनु सेराफ का थनारोम चढ़ेतीक ङा मी गुप्शा, आं नेक्था जाक्त।
7 मिनु मेकोमी आं शोव़ मीम थिपाइश्शा “मुल एको मीम इ शोव़ थिप्तु, इ दोस ततीक लोव़ नु इ पाप क्याम्साक्व” देंत।
8 मिनु परमप्रभु यावेमी “गो सु कली सोइक्नुङा? आंइ पर्बम सु लाइबा?” दे लोव़ पशो नेंता। मिनु “गो बाक्ती। आं कली सोइक्तीनी” देंती।
9 मिनु आं कली “लावो। मेको मुर आन कली ‘नोफा दाइश्शा नेंशा यो, मरुप्ब दुमीन। कोव़शा यो, मतुइक्ब दुमीन’ देनो। मत्ती १३:१०-१५; यूहन्ना १२:४०; प्रेरित २८:२६-२७
10 मेको आन थुं खकटा सेलो। आन नोफा मनेंब नु आन मिक्च मताइब सेलो। मोदेंशो दुम्शा, मेको आन मिक्च मताइब नु नोफा मनेंब दुम्नीम। मोदेंशो मदुम्त हना, मेको आं गे लेत्नीम। मिनु गो मेको आन कली सापाइक्चा माल्नुङ” देंत। ब्यवस्था २९:३; रोमी ११:८
11 मिनु गो “परमप्रभु, गेना सम्म मो पचा माल्नुङा?” देंती। मिनु मेकोमी “सहर ब्रेश्शा मुर मबाक्तीके मदुम सम्म, खिं नेल्ल श्येत्थ नु रागी नेल्ल मुर मबाक्शो मदुम सम्म मोदेंशो पावो।
12 गो मुर आन कली ङोन मखेरुमी सम्म नु सहर शुश प्रोंइशो मदुम सम्म मो पचा माल्नुङ।
13 मिनु १० भागम भाग का मुर लीतेक्म हना, मेकोपुकी यो चोचा पुंइसीनीम। ठेयब नु बोल्यो रवा तिम्शा हना यो, आन ठुटा लीब। मेको लीशो ठुटा आं मुर, इस्राएल आ वांचेर बाक्नीम” देंत। आमोस ५:३; यसैया ७:३; यसैया १०:२०-२१