ꠀꠟ-ꠎꠛꠥꠞ ১২
ꠄꠛꠣꠖꠔ-ꠛꠘ꠆ꠖꠦꠉꠤ ꠙꠞꠤꠌꠣꠟꠇꠞ ꠟꠣꠉꠤ: ꠡꠥꠞ ‘ꠡꠦꠝꠤꠘꠤꠕ’।
ꠢꠎꠞꠔ ꠖꠣꠃꠖꠞ ꠝꠤꠎꠝꠞ।
1 ꠅ ꠝꠣꠛꠥꠖ, ꠎꠣꠘꠦ ꠛꠣꠌꠣꠃꠇ꠆ꠇꠣ, ꠅꠈꠘ ꠀꠞ ꠘꠣꠁ ꠇꠥꠘꠥ ꠀꠡꠤꠇ ꠛꠘ꠆ꠖꠣ,
ꠀꠖꠝ ꠎꠣꠔꠤꠞ ꠝꠣꠎꠦ ꠢꠇ ꠇꠥꠘꠥ ꠎꠘ ꠔꠥꠇꠣꠁꠀ ꠝꠤꠟꠦꠞ ꠘꠣ।
2 ꠙꠞꠔꠦꠇꠦꠃ ꠄꠇꠦ-ꠅꠁꠘ꠆ꠘꠦ ꠝꠤꠍꠣ ꠝꠣꠔ ꠝꠣꠔꠦ,
ꠈꠣꠟꠤ ꠚꠣꠝ-ꠙꠐ꠆ꠐꠤ ꠝꠣꠞꠦ ꠀꠞ ꠝꠥꠘꠣꠚꠤꠇꠤ ꠇꠞꠦ।
3 ꠅ ꠝꠣꠛꠥꠖ, ꠚꠣꠝ-ꠙꠐ꠆ꠐꠤ ꠝꠣꠞꠞꠣ ꠢꠇ꠆ꠇꠟ ꠑꠥꠐ ꠇꠣꠐꠤꠀ ꠚꠣꠟꠣꠅ,
ꠛꠠꠣꠁ-ꠛꠦꠐꠣꠉꠤꠞꠤ ꠖꠦꠈꠣꠅꠞꠣꠞ ꠎꠤꠚꠞꠣ ꠔꠥꠝꠤ ꠇꠣꠐꠤꠟꠣꠅ।
4 ꠔꠣꠞꠣ ꠇꠄ, “ꠎꠤꠔꠤꠝꠥ ꠘꠤꠌ꠆ꠌꠤꠔ ꠀꠝꠞꠣꠞ ꠎꠤꠚꠞꠣꠞ ꠛꠟꠦ,
ꠀꠞ ꠇꠦꠉꠥ ꠅꠁꠛ ꠌꠣꠟꠇꠖꠣꠞ ꠘꠤꠎꠞ ꠑꠥꠐ ꠕꠣꠇꠔꠦ?”
5 “ꠉꠞꠤꠛ-ꠖꠥꠈꠤꠞ ꠎꠥꠟꠥꠝ ꠖꠦꠈꠤꠀ ꠀꠝꠤ ꠝꠣꠛꠥꠖ ꠃꠛꠣꠁꠝꠥ,
ꠘꠤꠞꠥꠙꠣꠄꠞ ꠖꠤꠟꠞ ꠇꠣꠘ꠆ꠖꠘ ꠀꠝꠤ ꠘꠤꠌ꠆ꠌꠤꠔ ꠢꠥꠘꠤꠝꠥ।
ꠡꠣꠄ-ꠡꠣꠘ꠆ꠔꠤꠄ ꠖꠤꠘ ꠇꠣꠐꠣꠁꠔ ꠎꠣꠞꠣ ꠖꠤꠟꠦ-ꠎꠣꠘꠦ ꠌꠣꠄ,
ꠔꠣꠞꠣꠞ ꠀꠡꠣ ꠇꠞꠝꠥ ꠙꠥꠞꠘ ꠀꠝꠤ ꠀꠟ꠆ꠟꠣꠄ।”
6 ꠝꠣꠛꠥꠖꠞ ꠎꠛꠣꠘꠅ ꠔ ꠇꠥꠘꠥ ꠈꠣꠖ ꠘꠣꠁ,
ꠇꠡ꠆ꠐꠤ-ꠙꠣꠔ꠆ꠔꠞꠅ ꠎꠦꠟꠣ ꠞꠥꠙꠣ ꠅꠄ ꠎꠣꠌꠣꠁ,
ꠡꠣꠔꠛꠣꠞꠞ ꠀꠉꠥꠁꠘꠖꠤ ꠍꠣꠚ ꠇꠞꠣ ꠞꠥꠙꠣ,
ꠔꠣꠘ ꠎꠛꠣꠘ ꠈꠣꠐꠤ ꠘꠤꠈꠥꠔ-ꠘꠤꠈꠣꠖ ꠅꠟꠣ।
7 ꠅ ꠝꠣꠛꠥꠖ, ꠔꠥꠝꠤ ꠘꠤꠌ꠆ꠌꠄ ꠀꠝꠞꠣꠞ ꠛꠣꠄ ꠌꠣꠁꠛꠣꠄ,
ꠅꠟꠣ ꠝꠣꠘꠡꠞ ꠀꠔ ꠕꠣꠇꠤ ꠌꠤꠞꠇꠣꠟ ꠛꠣꠌꠣꠁꠛꠣꠄ।
8 ꠘꠣꠚꠞꠝꠣꠘ-ꠛꠎ꠆ꠎꠣꠔꠦ ꠎꠦꠛꠟꠣ ꠌꠣꠁꠞꠅꠛꠣꠄꠖꠤ ꠊꠥꠞꠦ,
ꠀꠖꠝ ꠎꠣꠔꠤꠞ ꠝꠣꠎꠦ ꠅꠛꠟꠣ ꠈꠣꠞꠣꠙꠤ ꠇꠣꠝ ꠛꠣꠠꠦ॥