14
1 “Mihem hinkho hi ichan a lhasam a hitam!
Hinkho hi ichanna choma ichanna gentheina dimsetna hitam!
2 Pahcha bangin ahung pah doh un chule agoplha jitai.
Nilim kihei bangin amang loi jitai.
3 Hitobang bep hinkho lhasam tah thilsem hi namitna navet jing ding hija
chule keija konna kahin nikho jat sutoh dinga nei ngeh ham?
4 Miboh a konna thenna kon apohdoh jou ding ham?
Khat chan jong podoh thei ponte.
5 Ka hinkhou jong achom asau teptohsa nakoi ahi.
Lha ijat kahin diu ham tijong nahetsa ahin,
chule mitphet kah khat hinbe ding jong neiphal peh pouve.
6 Hijeh chun ka changun nei dalhauvin chule kicholdo tauvinge!
Keiho thalah tobang kahiuvin, hijeh chun lung mongin neitoh jou sah un.
7 “Thingphung jengin jong keinepna tamjo aneije!
Kisatlhu jeng ta jongleh, hung don thah kit intin
chule abah tamtah hung dondoh kit inte.
8 Leinoiya ajung ho chu kikhan lhit henlang thi tajongleh
chule aphung chu mot tajongleh,
9 twi thalhin jallin hungdon thah kit intin
chule akeh thah bangin hung mit thah inte.
10 “Ahinlah mihem ho athi teng vang leh athahat nau chemang ji ahitai
Ahainau akichai tengleh hoiya umjiu hitam?
11 Dilla konna twi ahua alen bangin,
vadung jong nichang sat teng abeimang jitan,
12 mihem ho hi thoukit talou dingin choldo din akilup sah ji'e.
Vanho abeihel kah sea, amaho thoukit louding ahiuvin
a imut nauva konna thaoukit louding ahiuve.
13 Nangin lhankhuh a neisol mang ding kanome
chule na lunghanna achemang soh kahsen nei sumil hel jenge.
Ahinlah nei geldoh kitna dingin nikhosimna a namelchih in ahi!
14 Mithi chu hing thei kit ding ham?
Chuti ahileh hahsat gentheina kadouna kum ho a hi kinepna nei peh ding ahin,
chule ken thina a kilhadoh ding chu kanga jing ding ahi.
15 Nangin nei kouvin natin chule ken kadonbut ding nahi.
chule nakhut semsa keima neimu nom ding ahi.
16 Ka chonsetna ho jouse navet khella,
nangin ka kalson jousea neihonbit ding ahi.
17 Ka chonsetna jouse sakhao sunga nakhum tup a,
chule ka themmona nakhu khum ding ahi.
18 “Ahinlah molsang ho ahal halla akelhah a akitol lhah khella
chule songho kola akitahlhah banga,
19 twijin songho alhoh lhah a
chule twisoh in leiset alhoh mang banga chu,
nangin mihemte kinepna na suhmang pehji ahi.
20 Nangin amaho chu hunam in nabol in, chule amun adalhaji tauve.
Nangin amaho chu thina in na sumelsen chule nasol mang jitai.
21 Achateu atuteu jabol theija khangdoh hinauvem ti ama hon ahepha naisai pouvin
ahilouleh hetkham louvin a lhum mangji tauve.
22 Ama hon natna nasatah athoh un;
ahinkhou chu gentheina adimset e.”