10
1 Hiche thulhuhna lekha hi suhdihna le suhdetna akineiyin, chuleh anoiya minchong ho hin kikhut henna aneiyun ahi:
Gamvaipopa:
Hacaliah chapa Nehemiah chule Zedekiah ahi lhon'e.
2 Noiya thempu ho cheng:
Seraiah, Azariah, Jeremiah,
3 Pashhur, Amariah, Malkijah,
4 Hattush, Shebaniah, Malluch,
5 Harim, Meremoth, Obadiah,
6 Daniel, Ginnethon, Baruch,
7 Meshullam, Abijah, Mijamin,
8 Maaziah, Bilgai, le Shemaiah. Hicheng hi thempu ho ahiuve.
9 Noiya ho hi Levi ho ahiuve:
Azaniah chapa Jeshua, Henadad insunga kon Binnui, Kadmiel,
10 chuleh aloi agol Levi ho: Shebaniah, Hodiah, Kelita, Pelaiah, Hanan,
11 Mica, Rehob, Hashabiah,
12 Zaccur, Sherebiah, Shebaniah,
13 Hodiah, Bani, Beninu ahiuve.
14 Noiya ho hi lamkai ho ahiuve:
Parosh, Pahath-moab, Elam, Zattu, Bani,
15 Bunni, Azgad, Bebai,
16 Adonijah, Bigvai, Adin,
17 Ater, Hezekiah, Azzur,
18 Hodiah, Hashum, Bezai,
19 Hariph, Anathoth, Nebai,
20 Magpiash, Meshullam, Hezir,
21 Meshezabel, Zadok, Jaddua,
22 Pelatiah, Hanan, Anaiah,
23 Hoshea, Hananiah, Hasshub,
24 Hallohesh, Pilha, Shobek,
25 Rehum, Hashabnah, Maaseiah,
26 Ahiah, Hanan, Anan,
27 Malluch, Harim, le Baanah ahiuve.
Mipi Kitepna
28 Chuban a mipi adang ho, thempu ho, Levi te, kotngah a pangho, lasa a pang ho, chule Hou-In lhacha a pang ho chuleh Pathen danthu nit dinga agamsunga midang Hou-In neilou ho a konna hung kichomse doh ho aji le achateu le achanu teu toh chule thu hechen theiya kikhanlhit ho chengse chun—
29 alamkai teu nung ajuijun ahi. Ajeh chu Pathen'in Mose mangcha a ahinpeh Pathen Dan chu jui dingin akihahsel’un, chule asuhkeh uva ahileh gaosapna chang dingin akitem'un ahi. I-Pakaiyu thupeh ho chonna ho le kigahna ho chu phate keicha a jui dingin giltah in kitepna aneiyun ahi.
30 “Hiti hin keihon agamsung mi hilou ho dinga kachanu teu kapeh lou diu chujongleh ka chapa teuvin jong amaho chanu te jong akichenpi lou diuvin kitepna kanei uve.
31 “Chule keihon agamsunga chengte cholngah ni ahilou le nikhotheng dang nia kiveina thil ho ahilouleh chang le mim ho ahung joh ujong choh pehlou dingin kakitem’un ahi. Chujongleh kum sagi alhin seh le ka gamsungu kaki choldo sah diu, chule eiba hou jouse ka ngaidam dingu ahi.
32 “Chutengleh ka Pathen’u Hou-In kin bolna a man din kumseh a shekel khat hop thum'a hop khat kapeh jingna diuvin keiho le keiho kacham chamun kakigah jing uvin ahi.
33 Vetsahnan changlhah toding ahin, tantih nei louva lhosoh thilto ding ahin, cholngah nikho nit ding hihen lang, lhathah nikho kut bolding hijongleh aphat tepsa kut ho nit ding jong, chule thil theng todoh ding jong, Israel chate kithoina dinga chonset jeh a thilto ding ho jong, chujongleh ka Pathen’u Hou-In natohna dinga manchah ding jouse kapeh diuvin kakitem tauve.
34 “Hitobang chun ti ding thing toh a pang dingin jong keihon thempu ho pang ding hihen lang, Levi te pang ding hileh, mipi pang dinga lom hijongleh phun kisang uvin, chule athing tithei chu ka Pathen’u Hou-In sunga pohlut a, kapu kapa teu insung kailhah dola kitol a kum simseh leh aphat kitep phat-phat a pohlut ding Danthu lekhabua kisun banga Pakai ka Pathen’u maicham chunga ti dingin kagouvin ahi.
35 “Chujongleh keiho le keiho ka cham-cham uvin kigahna kaki bol’uvin, ka leiset lhosoh u amasapen le thing gathei namkim aboncha agamasa chengse hi kumseh le Pakai Hou-In a todoh masah jing ding katiu ahi.
36 Chujongleh ka Pathen’u insunga lha a pang thempupa henga chun kacha teu apeng masa hihen lang, ka ganchau apeng masa ho lah hijongleh danthu lekhabua kisun banga chu ka bongu peng masa jouse leh ka kelngoiyu apeng masa kahin pui cheh dingu katiu ahitai.
37 Chutengleh thempu ho heng le ka Pathen’u indan sung dunga chu kaneh diu an kithuh masapen leh ka thilto diu jong, thing gathei jouse ga jong lengpitwi le thaotwi jong hin choilut ding katiu ahi. Hitobang ahi kalhosoh gau kalousoh u Levi te henga hopsom hinchoi peh ding katiu ahi, ajeh chu kakho dung jouseuva hopsom donga pangji chu Levi te bou ahiuve.
38 “Hichea hi Aaron chapa thempupa chu Levi ten hopsom akisan ding tengu leh akom uva um jing ding amaho toh kilhon ding ahi. Chule Levi miho chun hopsom jousea konna hopsom kibolson chu ka Pathen’u Hou-In sung, insung dansunga thil kholna mun dunga ahin pohlut diu ahiye.
39 Ijeh-inem itileh Israel chate leh Levi chaten chang kidong doh ho leh lengpitwi kidong doh ho thaotwi kidong doh ho chu ahin poh uva Hou-In dansung dung, munthenga manchah ding khon ho kikoina mun kinbol a pang thempu ho heng leh kelkot ngah a pangho heng, lasa ho henga ahin pohlut diu ahi.
Chule keihon ka Pathen’u Hou-In chu don louva kakoi kit louhel diu ahi,” ati.