11
Mipin Jerusalem Alo U
1 Mipi lamkai ho chu khopi theng Jerusalem’ah achengun ahi. Chule Judah leh Benjamin khopi dang-danga cheng ho chu vangvetna a kon'in som lah a khat bou hichea cheng ding chun alhengdoh un, adang ho se vang chu ama-ama chenna mun'a achen sah un ahi.
2 Ama cham cham'a Jerusalem'a cheng dinga hung kipedoh ho chu mipi ten pachatna apeuvin ahi.
3 Hiche hi gamkai khat a vaihom ho Jerusalem'a cheng dinga hung ho chu ahiuve. (Chule mipi atamjo chu thempu ho, Levi te, Hou-In lhacha ho chuleh Solomon lhacha ho son le pah ho Judah khopi hoa ama in cheh a cheng ho ahiuvin
4 ahinlah Judah le Benjamin a konna mi phabep khat Jerusalem’a achengun ahi.)
Judah phunga kon'in:
Uzzia chapa Athai’ah, Zechariah chapa, Amariah chapa, Shephatiah chapa, Mahalalel chapa, Perez insung mi ngen ahiuve.
5 Baruch chapa Maaseiah, Col-hozah chapa, Hazaiah chapa, Adaiah chapa, Joiarib chapa, Zechariah chapa, Shelah insung mitea kon ahiuve.
6 Jerusalem'a cheng Perez chilhah mi 468 ahiuvin—amaho chu aboncha uva mithupeh cheh ahiuve.
7 Benjamin phunga kon'in:
Meshullam chapa Sallu, Joed chapa, Pedaiah chapa, Kolaiah chapa, Maaseiah chapa, Ithiel chapa, Jeshaiah chapa ahiuve.
8 Ama ban a hin Gabbai le Sallai abon’un sopi mi 928 alhingun ahi.
9 Amaho vaihom lenpen chu Zicri chapa Joel ahin, ama hi khopi sunga vaihom ani channa Hassenuah chapa Judah in akithopi ahi.
10 Thempuho a kon'in:
Joiarib chapa Jedaiah; Jakin;
11 chule Hilkiah chapa Seraiah, Meshullam chapa, Zadok chapa, Meraioth chapa, Ahitub chapa, Pathen Hou-In vesuiya pangpa chutoh ahi.
12 Hiche ban a hin Hou-In a natong akithokhom ho chu mi 822 ahiuve. Chujongleh Jeroham chapa Adaiah, Pelaliah chapa, Amzi chapa, Zechariah chapa, Pashhur chapa, Malkijah chapa,
13 Chule atoh khompi ho chu mi 242 ahiuvin, ama ho chu a insung uva aluboh cheh ahiuve. Chule Azarel chapa Amashsai ahin, Ahzai chapa, Meshillemoth chapa, Immer chapa ahiuve.
14 Chuleh akithopiu athupi cheh ho chu mi 128 ahiuve. Amaho lah a vaihom lenpen chu Haggedolim chapa Zabdiel ahi.
15 Levi te akon’in:
Hasshub chapa Shemaiah ahin, Azrikam chapa, Hashabiah chapa, Bunni chapa ahiuve.
16 Hiche ban'ah Pathen Hou-In polang natong vesuiya pang Shabbethai le Jozabad ahi lhon'e.
17 Chujongleh Mica chapa Mattaniah, Zabdi chapa, Asaph chilhah ahiuvin thangvahna le taona a lamkai ahi lhon'e. Hiche ban'ah Mattaniah kithopia pang Bakbukiah ahin, chuleh Shammua chapa Abda, Galal chapa, Jeduthun chapa ahiuve.
18 Abonchauvin khopi thenga um Levi te chu mi 284 alhinge.
19 Kelkot ngah ho a kon'in:
Akkub, Talmon, chuleh akilhonpi ho chu mi 172 ahiuvin amaho hin kelkot angah un ahi.
20 Thempu dang ho le Levi te chuleh Israel dang ho chu a insung’u goulona dungjuijin Judah khopiho ah achengun ahi.
21 Ziha le Gishpa lamkainan Hou-In lhacha ho chu abonun Ophel lhang chung’ah ana chengun ahi.
22 Chule Jerusalem a um Levi te vaihom lenpen chu Bani chapa Uzzi ahi, Hashabiah chapa, Mattaniah chapa, Mica chapa, Asaph chilhah ahiuvin, a insung uva Pathen Hou-In a lasa a pang ahiuve.
23 Amaho hin leng thupeh dungjuiya aniseh a amopoh nau hi atohdoh diu ahi.
24 Meshezabel chapa Pethahiah hi Judah chapa Zerah chilhah ahin mipi kivaipohna a lengpa thumop a pang ahi.
25 Polam khoneo neova cheng ho chu ahileh Judah chate phabep jong alouman jouseu pumin Kiriath-arba le akhoneo dung jousea acheng uvin chujongleh Dibon kho leh akhoneo dung jousea jong achengun Jekabzeel le akhoneo dung jousea jong acheng uvin ahi.
26 Hiti hin Jeshua ajong acheng uvin, Moladah, Beth-pelet,
27 Hazarshual, Beersheba khopi le akhoneo dung jousea jong acheng uve.
28 Ziklag le Meconah kho le akhoneo dung jousea jong acheng uve.
29 En-rimmon, Zorah, Jarmuth khoa jong acheng uvin ahi.
30 Zanoah le Adullam kho chule akhoneo dung jousea jong acheng uve. Lachish khopi leh aloumun jousea jong chuleh Azekah le akhoneo dung jousea jong achengun ahi. Hiti hin Judah mipite chu Beersheba a kon'in lhanglam Hinnom phaicham geijin achenglut uvin ahi.
31 Benjamin chate jong chu Geba, Micmash, Aija le Bethel khopi leh akhoneo dung jousea jong acheng uvin ahi.
32 Anathoth, Nob, Ananiah,
33 Hazor, Ramah, Gittaim,
34 Hadid, Zeboim, Neballat,
35 Lod, Ono, chuleh Thingthem bol ho Phaicham a achenglut un ahi.
36 Levi te phabep Judah gam'a ana cheng ho chu Benjamin phungmi hotoh achen khom sah tauve.