12
Thempuho Leh Levi Te Thusim
1 Hiche ho hi Shealtiel chapa Zerubbabel le thempulen Jeshua toh hung kinungle thempu ho leh Levi te chu ahiuve:
Seraiah, Jeremiah, Ezra,
2 Amariah, Malluch, Hattush,
3 Shecaniah, Harim, Meremoth,
4 Iddo, Ginnethon, Abijah,
5 Miniamin, Moadiah, Bilgah,
6 Shemaiah, Joiarib, Jedaiah,
7 Sallu, Amok, Hilkiah, le Jedaiah.
Amaho hi Jeshua khanga thempu lamkai ho le atohkhompi hou chu ahiuve.
8 Levi te amaho toh hung kinungle ho chu Jeshua, Binnui, Kadmiel, Sherebiah, Judah, chuleh Mattaniah ama hi atohkhompi hotoh thangvahna lasa lamkai ahi.
9 Atohkhompi hou Bakbukiah le Unni hin Hou-In sunga kin kibol teng amaho chutoh kimaingat ton ana ding jiuvin ahi.
10 Thempulen Jeshua chu Joiakim pa ahi.
Joiakim chu Eliashib pa ahi.
Eliashib chu Joiada pa ahi.
11 Joiada chu Johanan pa ahi.
Johanan chu Jaddua pa ahi.
12 Tun Joiakim thempulen ahi phat in insung lamkai ho chu anoiya ho hi ahiuve:
Meraiah chu Seraiah insung mite lamkai anahi.
Hananiah chu Jeremiah insung lamkai anahi.
13 Meshullam chu Ezra insung lamkai anahi.
Jehohanan chu Amariah insung lamkai anahi.
14 Jonathan chu Malluch insung lamkai anahi.
Joseph chu Shecaniah insung lamkai anahi.
15 Adna chu Harim insung lamkai anahi.
Helkai chu Meremoth insung lamkai anahi.
16 Zechariah chu Iddo insung lamkai anahi.
Meshullam chu Ginnethon insung lamkai anahi.
17 Zicri chu Abijah insung lamkai anahi.
Miniamin insung lamkai jong ana um'in ahi.
Piltai chu Moadiah insung lamkai anahi.
18 Shammua chu Bilgah insung lamkai anahi.
Jahonathan chu Shemaiah insung lamkai anahi.
19 Mettenai chu Joiarib insung lamkai anahi.
Uzzi chu Jedaiah insung lamkai anahi.
20 Kallai chu Sallu insung lamkai anahi.
Eber chu Amok insung lamkai anahi.
21 Hashabiah chu Hilkiah insung lamkai anahi.
Nethanel chu Jedaiah insung lamkai anahi.
22 Eliashib, Joiada, Johanan, chule Jaddua chu thempulen anahi nau kum sung chun Levi te insung minbu chu phatah in ana kikoijin ahi.
23 Levi te insung lamkai ho minbu chu Thusimbu a ana kikoijin hichu Eliashib tupa Johanan khang geiya umsuh peh a ahi.
24 Hiche ho hi Levi te insung lamkaiho ahiuve: Hashabiah, Sherebiah, Jeshua, Binnui, Kadmiel, chule akiloi khompi ho ahiuvin, amaho hi thangvahna le kipa thuseina kin kibol teng kingato jia ahiuvin Pathen mipa David in ana thupeh banga loikhat chu loikhat toh kidonbutto ji ahiuve.
25 Hichea chun Mattaniah, Bakbukiah, chuleh Obadiah jong ana pang uve.
Meshullam, Talmon, chule Akkub ho chu kelkot phunga thilkeo kikoina indan ngahtup a pang ahiuve.
26 Amaho hin Jehozadok chapa Jeshua chapa Joiakim chule gamvaipo Nehemiah leh thempulen danthu them Ezra khanglaiya ana toh u ahi.
Jerusalem Kulpi Kithenso
27 Jerusalem kulpi bang athah chu thensona kin a hi ahung kithopina diuvin gamsung muntin a um Levi te chu akoukhom uvin ahi. Amaho chun atumgingu thih pheng kisai gin, selangdah gin leh semjang kisai ging puma hiche kin loupia hi thangvahna lasah puma thanom tah a pan alah u ahi.
28 Jerusalem vel'a Netophath mite khohoa konna lasa ho akhom sohkeiyun ahi.
29 Beth-gilgal leh thinglhang gam Geba leh Azmaveth komvel dunga kon'in jong ahungun ahi. Ajeh chu lasa miho hin Jerusalem vel dunga chu chenmun ana kisem'u ahi.
30 Thempu ho leh Levi te chu amasan amaho leh amaho akisutheng un chujouvin mipi ho leh kelkot ho chule kulpi bang chu asuthengun ahi.
31 Keiman Juda lamkai ho chu kulpi bang chunga chun kapuijin thangvahna pedingin lathem honni kaga gongtoh in ahi. Lathem honkhat chun Eh Kelkot lang ajonun, lathem honkhat chun lhanglam ajonun Eh-Kelkot lang kulpi bang chung lang chu ahouvin ahi.
32 Hoshiah leh Judah lamkai akehkhat in ajuijun,
33 Azariah, Ezra, Meshullam;
34 Judah, Benjamin, Shemaiah, chuleh Jeremiah jong ahiuve.
35 Hicheng jou chun sumkon mut thempu ho phabep ahungun Jonathan chapa Zachariah, Shemaiah chapa, Mettaniah chapa, Mecaiah chapa, Zaccur chapa, Asaph chilhah ho jong hi apang uve.
36 Chuleh Zechariah tohkhompi ho chu Shemaiah, Azarel, Milalai, Gilalai, Maai, Nethanel, Judah chuleh Hanani ahiuve. Chule amaho hin Pathen mipa David in ana suhtohsa tumging thei ho chu ana mang uvin ahi. Ezra in mipi kijot ho chu ana lamkaiyin ahi.
37 Twikhuh kelkot a kon chun khopi kulpi banga kal touna kalbia chun jangpet in acheuvin David khopi lang ajonun ahi. Ama hon David in chu ahopa uvin chuin solam Twi Kelkot lang chu ajon’un ahi.
38 Lathem honni na ho chun thangvah pumin sahlang ajonun lang khat lam a chun avel’un amaho toh kimuto dingin acheuvin ahi. Kenjong amaho nung kajuijin mipi akehkhat chutoh kalhonin, kulpi bang vum'a kacheuvin meikhulong hung kitundohna chungvum langa kacheuvin, kulpi bang ningkoi lang geijin kacheuvin,
39 chuin Ephraim Kelkot chunglam a kacheuvin, kelkot luilang Nga Kelkot kom Hananel Insang lam, chule Jakhat Insang chan kacheuve. Chuin Kelngoi hong Kelkot phung geijin kacheuvin chule Ngatupna Kelkot kakinga uvin ahi.
40 Lathem honni ho chun thangvahna lasa pumin Pathen Hou-In lang chu ajon’un hilaiya chun apansa tauve. Kei leh kaki lhonpi lamkai ho jong hilaiya chun kaum tauve.
41 Keiho chu sumkon mut thempu ho—Eliakim, Maaseiah, Miniamin, Micaiah, Elioenai, Zechariah chuleh Hananiah—
42 chule lasaho—Maaseiah, Shemaiah, Eleazer, Uzzi, Jehohanan, Malkijah, Elam chuleh Ezer, mi hicheng hitoh kaki lhonun ahi. Ama hon lathem lamkaipa Jezrahiah mapuina in tumging toh thon hasah in asauvin ahi.
43 Hiche kipa thanopni chun pumgo thilto tamtah ana tohdoh un ahi, ajeh chu Pathen'in mipi chu kipana lentah anapen ahi. Hiche golnop nikhoa hin numei le chapang ho jong ana pangun chule Jerusalem mipite kipana ogin chu gamla tah a kon'in jong akijan ahi.
Hou-In’a Pathen Houdan
44 Hiche nikho chun maicham a hung kitoh doh ho, lhosohga masa hung kitoh ho leh hopsom hung kitohdoh ho kholna indan ho vesui dingin mi phabep akipan sah in ahi. Danthun angeh dungjuiya thempu ho leh Levi te chan ding dol khopi pam langa chengho kom'a hin dong dingin amaho chun mopohna aneiyun ahi. Ajeh chu Judah mipite hi thempu ho leh Levi te natohna a hin alunglhai lheh jengun ahi.
45 Ama hon David leh achapa Solomon ana thupeh bangin Pathen kin leh kisuh thengna kin hi atongun, chuleh lasa a pang ho leh kelkot ngah hon jong atongun ahi.
46 Vahchoila le Pathen thangvah lasahna a lathem ho lamkai ding tohgon chu David le Asaph nikho lai peh apat a hung chejom peh ahi.
47 Hiti chun Zerubbabel le Nehemiah khang hin Israel mipi ten lasa ho leh kelkot ngah ho chule Levi te neh le chah ding niseh in ahin pohpeh jiuvin ahi. Levi te chun amaho thilmua kon chun Aaron chilhah thempuho ding phabep ape jiuvin ahi.