☰ La Bu 3
3
David lengpa achapa Absalom a konna ajammanga alasem.
 
1 O Pakai, idia eisulam vaiding mi pung jing hitam;
eidou din mi tamtah akipandoh tauve.
2 “Ama kihuhdoh na hi Pathen a aumpoi!”
tin kalungthim in mi tamtah in aseijui.
Selah
*.
 
3 Ahinlah, O Pakai, nang hi kalum'a kisoung nahi;
ka loupina le khodah ngam'a, gal jona eipe jing nahi.
4 Keima O sangtah in Pakai henga ka taovin,
Aman alhang thenga kon'in eihin donbut tai.
Selah
*.
 
5 Keima kalum'in ka imujin,
Pakaijin eichin tup a eihoidam jeh in,
ka jingthou kittai.
6 Keima doudin mihem sangsom in ei umkimvel jongleh
kicha kit tapong'e.
 
7 Hung thoudoh in, O Pakai!
Nei huhdoh in, ka Pathen!
Eidou ho jouse khagu eivohchip peh in!
Nangma migilou ho hahem tah jong vopul sohji nahi!
8 O Pakai, galjona hi nang'a kon bou ahi.
Na phattheina jong na mite chunga aum'e.
Selah
*.
* 3:2 Hebrew Selah. The meaning of this word is uncertain, though it is probably a musical or literary term. It is rendered Interlude throughout the Psalms. * 3:4 Hebrew Selah. The meaning of this word is uncertain, though it is probably a musical or literary term. It is rendered Interlude throughout the Psalms. * 3:8 Hebrew Selah. The meaning of this word is uncertain, though it is probably a musical or literary term. It is rendered Interlude throughout the Psalms.
☰