☰ La Bu 4
4
La Lamkaipa n: Semjang le selangdah ho to atho dia David labol
 
1 Kakou teng neidon but'in,
them eichan sah in O Pathen.
Ka lhahsam nikho teng jong le nangman lunglet neipeji.
Nei khoton lang ka taona nei ngaipeh teijin.
 
2 Vo mihem chapa te, nangho hin itih chanpi neisuh jum diu hitam?
Itih chan ajeh beiya nei thepmo sah diu ham?
itih chanpi hi jouthu na chepi diu hitam?
Selah
*.
3 Ahin nang hon heuvin:
Pakaijin ama gingho Ama dingin atum'in alhengdoh e.
Pakai kakou tengleh Aman eidonbut teijin ahi.
 
4 Kisonlel nan kithing pumin umun ahin chonset bolda uvin.
Hichu jankhang geijin gel'un lang chule thipchet in um'un.
Selah
*.
5 Lungthengsel a kilhaina ho bol jingun,
chule na tahsan nau Pakaiya koi jingun.
 
6 “Hiho sanga phajo eimusah thei diu koi ham?” tin mi tamtah in seiunte.
Pakai, na maivah achun keiho neihin sal'un.
7 Nangman lengpitwi leh chang le mim nengchet a kilamdoh ho kipani sangin,
ka lungthim na kipasah tai.
8 Keima Nanga dia lungmonga kalup a ka-ihmut ding ahi,
Pakai, nei hoidoh inlang nei vengtup in.
* 4:2 Hebrew Selah. The meaning of this word is uncertain, though it is probably a musical or literary term. It is rendered Interlude throughout the Psalms. * 4:4 Hebrew Selah. The meaning of this word is uncertain, though it is probably a musical or literary term. It is rendered Interlude throughout the Psalms.
☰