8
David in Gittith lakai a sah dia la lamkaipa apeh lacheng.
1 O Pakai, ka-Pakai u, leiset chunga hi itilom loma namin loupi hitam!
Na loupina hi vanho sangin asangjon ahi.
2 Nangin chapang ho leh naosen ho nahil in
na thahatna ho na seipeh e,
hiti chun na galmi ho leh nangma douho
na suthip jin ahi.
3 Keiman janteng vanthamjol kavet a na khutjung ho natoh kamu teng—
lhathah le ahsi ho na gongtoh sel ui—
4 mihem hi ipi hija hibanga na gelkhoh a,
mihem chapa hi ipi dinga hibanga hi na khohsah ham?
5 Nang'in amaho hi Pathen sangin themcha bou nemjep in nakoijin
chule loupina le jana dimset in lallukhuh na khuhpeh e.
6 Nangin na thilsemsa ho jouse chunga vaihopna napen,
thil jouse akhutnoija nakoi tan ahi—
7 kelngoiho le bong ho
chule gamsahang ho jouse,
8 vanthamjol'a vachate, twikhanglen'a nga ho
chule twikhanglen'a kijep jouse ahiuve.
9 O Pakai, ka Pakai u, leiset chunga hi itilom lom'a namin loupi hitam!