111
Mai ita hahii Nai Maromak
1 Hahii NAI Maromak!
Hau sei agradese ba NAI Maromak ho hau nia laran tomak
bainhira hau halibur malu ho ema nebee moris loos.
2 NAI Maromak halo buat mesak furak;
see mak gosta haree buat nebee Maromak halo, sira medita buat sira nee.
3 Nia hahalok hatudu sai Nia naran boot ho Nia naroman nabilan;
Nia sempre halo buat nebee loos too tinan ba tinan.
4 Nia halo ita la bele haluha Nia milagre;
NAI nee laran luak no laran diak.
5 Nia foo ai haan ba ema nebee mak hamtauk Nia;
Nia hanoin nafatin Nia promesa tinan ba tinan.
6 Nia hatudu Nia kbiit ba Nia povu
hodi entrega nasaun seluk nia rai ba sira.
7 Nia sempre halo buat nebee loos ho justu;
Nia lei tomak ita bele konfia.
8 Lei sira nee vale too tinan ba tinan;
ita tenki moris tuir ho fuan tomak ho laran moos.
9 Maromak foo liberdade ba Nia povu;
Nia hatuur Nia promesa ho lei ba sira tinan ba tinan.
Nia naran santu, Nia makaas teb-tebes.
10 Matenek nia huun mai husi hamtauk NAI Maromak;
ema hotu nebee halo tuir Nia liafuan sei hatene klean.
Hahii Nia tinan ba tinan!