113
Nai Maromak nia diak
1 Hahii NAI Maromak!
NAI Maromak nia atan sira, hahii Nia ba;
hahii NAI nia naran.
2 Foti aas NAI nia naran
agora too tinan ba tinan.
3 Husi lorosae too loromonu,
hahii NAI nia naran ba.
4 NAI Maromak nee domina nasaun hotu-hotu;
Nia kbiit aas liu lalehan.
5 See mak hanesan ita nia NAI Maromak?
Nia tuur iha leten aas ba hodi ukun.
6 Husi nebaa Nia hakruuk hodi hateke tuun
mai lalehan ho rai.
7 Nia foti sae ema kiak husi rai rahun;
Nia hasae ema kbiit-laek husi ahu kdesan laran.
8 Nia halo sira tuur hamutuk ho liurai oan sira;
sira tuur hamutuk ho nai ulun sira nebee ukun Nia povu.
9 Feto nebee la kous, Maromak halo nia hetan oan,
nunee nia moris ho haksolok iha nia uma laran.
Hahii NAI Maromak!