114
Nai Maromak lori sai Nia povu husi rai Ejitu
1 Uluk povu Israel sai husi rai Ejitu;
Jacó nia jerasaun sai husi rai nebee koalia lian estranjeiru.
2 Iha tempu nebaa rai Judá sai Maromak nia fatin santu;
ema Israel sai povu nebee Nia ukun.
3 Tasi haree, halai sees tiha;
mota Jordaun hakiduk fali ba kotuk.
4 Foho boot sira haksoit hanesan bibi aman;
foho kiik sira haksoit hanesan bibi oan.
5 Tasi, tansaa mak o halai sees tiha?
Mota Jordaun, tansaa mak o hakiduk fali ba kotuk?
6 Foho boot sira, tansaa mak imi haksoit hanesan bibi aman?
Foho kiik sira, tansaa mak imi haksoit hanesan bibi oan?
7 Mundu tomak, tauk ho nakdedar iha Nai Maromak nia oin ba;
hamtauk iha Jacó nia Maromak nia oin.
8 Nia halo fatuk lolon boot sai fali bee lihun;
fatuk nebee toos sai tiha bee matan.