13
Halerik husu tulun ba Nai Maromak
Salmu David nian, ba dirijenti koru.
1 NAI Maromak, Ita Boot atu haluha hau too bainhira? Too tinan ba tinan ka?
Ita Boot atu subar oin husi hau too bainhira?
2 Too bainhira mak hau nia laran tenki susar nunee;
hau nia fuan loron-kalan taridu hela deit?
Too bainhira mak hau nia inimigu sira manaan hela deit?
3 NAI, hau nia Maromak, hateke mai hau, no hataan hau ba;
foo iis foun mai hau.
Se lae hau mate,
4 depois hau nia inimigu dehan, nia manaan tiha ona;
haree hau monu nunee,
hau nia funu baluk haklalak.
5 Maibee hau konfia Ita Boot nia domin rohan-laek;
hau nia laran haksolok tanba Ita Boot sei salva hau.
6 Hau sei hananu ba NAI Maromak
tanba Nia halo tiha ona buat diak mai hau.