136
Nai Maromak nia domin ba povu Israel
1 Foo agradese ba NAI Maromak, tanba Nia nee diak;
Nia domin dura tinan ba tinan.
2 Foo agradese ba maromak sel-seluk nia Maromak;
Nia domin dura tinan ba tinan.
3 Foo agradese ba nai hotu-hotu nia Nai;
Nia domin dura tinan ba tinan.
4 Nia mesak deit mak halo milagre bo-boot;
Nia domin dura tinan ba tinan.
5 Hodi Nia matenek, Nia halo lalehan;
Nia domin dura tinan ba tinan.
6 Nia hatuur mundu iha bee leten;
Nia domin dura tinan ba tinan.
7 Nia halo loro matan ho fulan hodi foo naroman;
Nia domin dura tinan ba tinan.
8 Nia halo loro matan hodi domina tempu loron;
Nia domin dura tinan ba tinan.
9 Nia halo fulan ho fitun hodi domina tempu kalan;
Nia domin dura tinan ba tinan.
10 Nia oho dasa tiha ema Ejitu nia oan mane boot sira;
Nia domin dura tinan ba tinan.
11 Nia lori povu Israel sai husi ema Ejitu nia klaran;
Nia domin dura tinan ba tinan.
12 Hodi Nia liman forti, hodi Nia liman makaas, Nia lori sira sai;
Nia domin dura tinan ba tinan.
13 Nia fera tiha Tasi Mean fahe ba rua;
Nia domin dura tinan ba tinan.
14 Nia lori sai ema Israel liu husi tasi klaran;
Nia domin dura tinan ba tinan.
15 Maibee Nia soe tiha liurai Ejitu ho nia militar sira ba iha Tasi Mean;
Nia domin dura tinan ba tinan.
16 Nia lori Nia povu lao liu husi rai fuik maran;
Nia domin dura tinan ba tinan.
17 Nia oho dasa tiha liurai bo-boot;
Nia domin dura tinan ba tinan.
18 Nia oho tiha liurai nebee forti;
Nia domin dura tinan ba tinan.
19 Nia oho tiha Sihon, ema Amori nia liurai;
Nia domin dura tinan ba tinan.
20 Nia mos oho Og, ema Basán nia liurai;
Nia domin dura tinan ba tinan.
21 Nia foo sira nia rai ba Nia povu nudar sira nia riku-soin;
Nia domin dura tinan ba tinan.
22 Nia foo rai nee nudar riku-soin ba Nia atan Israel sira;
Nia domin dura tinan ba tinan.
23 Nia hanoin ita bainhira ema hatuun ita;
Nia domin dura tinan ba tinan.
24 Nia hasai ita husi ita nia inimigu sira nia liman laran;
Nia domin dura tinan ba tinan.
25 Nia foo ai haan ba kriatura ida-idak;
Nia domin dura tinan ba tinan.
26 Foo agradese ba Maromak iha lalehan;
Nia domin dura tinan ba tinan.