141
Orasaun bainhira iha tentasaun laran
Salmu David nian.
1 NAI Maromak, hau harohan ba Ita Boot, mai lalais tulun hau;
rona hau nia lia halerik ba.
2 Bainhira hau hasae orasaun ba Ita Boot,
simu ba nudar ai been morin;
bainhira hau hasae liman ba Ita Boot,
simu ba nudar oferta sakrifisiu iha oras kalan.
3 NAI Maromak, tau seguransa ba hau nia ibun;
kontrola hau nia liafuan.
4 Keta husik hau nia laran monu ba buat nebee la diak;
la bele husik hau mete hahalok aat
hamutuk ho ema nebee gosta halo buat aat;
hau lakohi tama iha sira nia festa hodi haan hamutuk ho sira.
5 Se ema moris loos baku hau karik, nee hatudu domin;
se nia siak hau, nee hanesan kose mina ba hau nia ulun;
hau sei simu.
Maibee hau sempre halo orasaun kontra ema aat sira nia hahalok.
6 Bainhira ema entrega sira ba iha juis atu hamonu kastigu ba sira,
ema aat sira sei rekonhese katak hau nia liafuan loos duni.
7 Hanesan fatuk nebee ema baku rahun iha rai,
nunee mos sira nia ruin sei naklekar iha portaun rate nian.
8 Maibee NAI Maromak Kbiit Nain, hau nia matan hateke nafatin ba Ita Boot;
hau hamahon aan iha Ita Boot, keta husik hau sai mate mean.
9 Kuidadu hau husi lasu nebee ema aat tau ona mai hau;
proteje hau husi gaiola nebee sira monta ba hau.
10 Husik ema aat monu tama ba sira nia redi rasik,
maibee hau lao liu ho livre.