61
Orasaun husu atu Nai Maromak proteje
Salmu David nian, akompanha ho viola. Ba dirijenti koru.
1 Maromak, rona hau nia halerik;
see tilun ba hau nia orasaun.
2 Husi rai dook hau harohan ba Ita Boot,
tanba senti la bele ona.
Lori hau baa tau iha fatuk nebee aas liu hau,
3 tanba Ita Boot mak hau nia fatin seguru;
Ita Boot mak fatin seguransa nebee metin hasoru inimigu sira.
4 Husik hau hela iha Ita Boot nia tenda tinan ba tinan;
husik hau hamahon aan iha Ita Boot nia liras okos.
5 Tanba Maromak, Ita Boot rona tiha ona hau nia promesa;
bensaun nebee Ita Boot rai ba ema nebee hamtauk Ita Boot, hau mos simu ona.
6 Foo vida naruk ba liurai;
husik nia moris too jerasaun ba jerasaun.
7 Hau husu atu liurai bele ukun iha Maromak nia prezensa nafatin ba nafatin;
proteje nia hodi Ita Boot nia domin rohan-laek ho lia loos.
8 Nunee hau sei hananu hahii Ita Boot nia naran nafatin ba nafatin;
hau sei halo tuir hau nia promesa loron ba loron.