70
Orasaun husu tulun ba Nai Maromak
Salmu David nian, husu atu Maromak hanoin nia. Ba dirijenti koru.
1 Maromak, favor salva hau;
NAI, mai lalais tulun hau.
2 Hau harohan atu ema nebee hakarak hasai hau nia vida,
sai moe boot ho oin tuun;
husik ema nebee hakarak atu hau hetan dezastre,
hakiduk ho naran aat.
3 Husik ema nebee hamnasa hahaek mai hau
fila ho moe boot.
4 Maibee halo ema hotu nebee harohan ba Ita Boot
sai kontenti ho haksolok;
husik ema nebee buka Ita Boot nia salvasaun
dehan beibeik, “Maromak nee boot!”
5 Hau nee ema kiak ho kbiit-laek;
Maromak, mai lalais ona.
Ita Boot mak tulun hau no salva hau;
NAI, keta demora.