93
Nai Maromak ukun tinan ba tinan
1 NAI Maromak mak Liurai, Nia hatais murak mean;
NAI hatudu sai Nia kbiit.
Nia harii metin mundu nee,
mundu nunka atu nakdoko.
2 Ita Boot ukun nanis kedas;
Ita Boot iha hori uluk liu.
3 NAI Maromak, laloran tasi hasae lian;
tasi nia lian makaas;
laloran tasi tarutu hasae nia lian.
4 NAI iha fatin aas ba, Nia makaas teb-tebes;
makaas liu bee boot nebee tarutu,
makaas liu laloran tasi nebee baku ba-mai.
5 NAI, Ita Boot nia mandamentu dura nafatin;
Ita Boot nia uma santu teb-tebes too tinan ba tinan.