5
Antam Pe Na Tete Mur
1 Alalaha nei te hasia ke te nana urume Antam pe nena tete mur.
Nga etue nenge Ne Halang alahote hehei pe hana, umeia iri ke nakuria poma nge I sipona.
2 Ne Halang ume hot ke none pe heie. Pe pete iri pe hetue iri ke hehei pe hana. Ke non nenge lohot tala nena tete mur koi nei.
3 Antam ana hesinga iri ana non kina lime pa ana non kina elle pe analoch (130) pe hoe tuna tamane e nge nakuna pomange i pengpeng pe hetue ke ene Set.
4 Ke het pe Antam tu mule ke ana hesinga iri ana non kina iri ana non kina nai (800) pe hoho mule tutuna mur tatamanna pe heheina hel pule.
5 Ke Antam tu nga ich ke ana hesinga iri ana non kina iri ana non kina nai pe ana non kina lime pe ana non kina elle pe analoch (930) pe mete.
6 Pe Set tu ke ana hesinga iri ana non kina lime pe lime (105) pe hoe tuna e pe hetue ke ene Enos.
7 Ke het pe Set tu mule ke hesinga iri ana non kina iri ana non kina nai pe rahtele nai (807) pe hoho mule tutuna mur tatamanna pe heheina hel pule.
8 Ke Set tu nga ich ke ana hesinga iri ana non kina iri ana non kina nai pe ana non kina lime pe analoch pe nai (912) pe mete.
9 Pe Enos tu ke ana hesinga iri ana non kina iri henel pe analoch (90) pe hoe tuna Kanan.
10 Ke het pe Enos tu mule ke hesinga iri ana non kina iri ana non kina nai pe analoch pe lime (815) pe hoho mule tutuna mur tatamanna pe heheina hel pule.
11 Ke Enos tu nga ich ke ana hesinga iri ana non kina iri ana non kina nai pe ana non kina lime pe lime (905) pe mete.
12 Pe Kenan tu ke ana hesinga iri ana non kina iri mol pe analoch (70) pe hoe tuna Mahalalel.
13 Ke het pe Kenan tu mule ke ana hesinga iri ana non kina iri ana non kina nai pe ana non kina nai (840) pe hoho mule tutuna mur tatamanna pe heheina hel pule.
14 Ke Kenan tu nga ich ke ana hesinga iri ana non kina iri ana non kina nai pe ana non kina lime pe analoch (910) pe mete.
15 Pe Mahalalel tu ke ana hesinga iri ana non kina iri mol pe lime (65) pe hoe tuna Iaret.
16 Ke het pe Mahalalel tuke ana hesinga iri ana non kina iri ana non kina nai pe ana non kina elle pe analoch (830) pe hoho mule tutuna mur tatamanna pe heheina hel pule.
17 Ke Mahalalel tu nga ich ke ana hesinga iri ana non kina iri ana non kina nai pe ana non kina henel pe analoch pe lime (895) pe mete.
18 Pe Iaret tu ke ana hesinga iri ana non kina lime pe ana non kina mol pe nai (162) pe hoe tuna Enok.
19 Ke het pe Iaret tu mule ke ana hesinga iri ana non kina iri ana non kina nai (800) pe hoho mule tutuna mur tatamanna pe heheina hel pule.
20 Ke Iaret tu nga ich ke ana hesinga iri ana non kina iri ana non kina nai pe ana non kina lime pe ana non kina mol pe nai (962) pe mete.
21 Pe Enok tu ke ana hesinga iri ana non kina mol pe lime (65) pe hoe tuna Metusela.
22 Ke het pe Inok tu mule ke ana hesinga iri ana non kina iri analoch pe ana non kina lime (300) pe hoho mule tutuna mur tatamanna pe heheina hel pule.
23 Ke Enok tu nga ich ke ana hesinga iri ana non kina iri analoch pe ana non kina lime pe ana non kina mol pe lime (365).
24 Enok i Ne Halang neingana toto ia pe erue sio mana iange NeHalang mene tote i.
25 Pe Metusela tu ke ana hesinga iri ana non kina lime pe ana non kina henel pe rahtele nai (187) pe hoe tuna Lamek.
26 Ke het pe Metusela tu mule ke ana hesinga iri ana non kina iri ana non kina elle pe ana non kina analoch pe ana non kina lime pe ana non kina henel pe nai (782) pe hoho mule tutuna mur tatamanna pe heheina hel pule.
27 Ke Metusela tu nga ich ke ana hesinga iri ana non kina iri ana non kina nai pe ana non kina lime pe ana non kina mol pe rahtele henel (969) pe mete.
28 Pe Lamek tu ke ana hesinga iri ana non kina iri lime pe ana non kina henel pe nai (182) pe hoe tuna tamane ngana e
29 pe hetue ke ene Noah. Pe Lamek hele ke teke, “Non Soke na keke ich ke ta ume pe ta amneia melmelenga nga rera ume mur. Pe Noa lape poia ita ke ta tah eingara pol nga ara melmelenga mur.”
30 Ke het pe Lamek tu mule nga ich ke ana hesinga iri ana non kina iri ana non kina elle pe ana non kina lime pe ana non kina henel pe analoch pe lime (595) pe hoe tutuna mur tatamanna pe heheina hel pule.
31 Ke Lamek tu nga ich ke ana hesinga iri ana non kina iri ana non kina elle pe ana non kina iri analoch pe ana non kina lime pe ana non kina mol pe analoch pe rahtele nai (777) pe mete.
32 Pe Noah tu ke ana hesinga iri ana non kina iri ana non kina elle pe ana non kina lime (500) pe hoe tutuna mur, Sem pe Ham pe Iapet.