আল-জবুর ৮
এবাদত-বন্দেগি পরিচালকর লাগি: সুর ‘গিত্তিত’।
হজরত দাউদর মিজমর।
1 ও মাবুদ আমরার মালিক, তুমার শান-শওকতে ভরা হারা দুনিয়া!
তুমার নুরর তজল্লি কাইম করছো আছমান ঘেরিয়া!
2 তুমার বিরুধি অকলর বিপক্ষে,
গেদা আর নাবালিক হুরুতার মুখর জবানদি
তুমি শক্তির ভান্ডার বানাইছো।
অলা করিয়া দুশমন আর জিদখুররে
তুমি লেটাইলিলায়।
3 তুমার আতর বানাইল আছমানর বায়দি আমি যেবলা চাই,
হনো তুমার বওয়াল করা চান্দ-তেরা দেখতাম পাই,
4 দেখিয়া মনে মনে কই,
মানুষ আরকতা কিতা যেন, তুমি তারারে ইয়াদ করো?
আদম জাতি অতো কিতা যেন, তুমি তারার খিয়াল রাখো?
5 মানুষরে বানাইছো খালি ফিরিস্তা থাকি থুড়া কম গুনি,
অইলে গৌরব-ইজ্জতর মালা তো তারারে ফিন্দাইছো তুমি।
6 তুমার পয়দা হক্কলতারে শাসনর খেমতা এরার আতো দিছো,
হক্কলতাউ এরার পাওর তলাত, এরার আওতায় রাখছো—
7 গরু-ছাগলর পাল আর জগতর তামাম জানুয়ার,
8 আছমানো উড়রা পাখি আর দরিয়ার হক্কল মাছ,
সাগরর পানিত চলরা হকল নমুনার জানদার।
9 ও মাবুদ আমরার মালিক, তুমার শান-শওকতে ভরা হারা দুনিয়া॥