1 ꠅꠃ ꠅꠁꠟ ꠁꠡ ꠛꠣ ꠁꠖꠥꠝꠞ ꠈꠣꠘ꠆ꠖꠣꠘꠞ ꠛꠄꠀꠘ। 2 ꠁꠡꠦ ꠇꠦꠘꠣꠘꠤ ꠖꠥꠁ ꠙꠥꠠꠤꠞꠦ ꠛꠤꠀ ꠇꠞꠍꠟꠣ। ꠄꠞꠣ ꠅꠁꠟꠣ ꠢꠤꠐ꠆ꠐꠤ ꠄꠟꠘꠞ ꠙꠥꠠꠤ ꠀꠖꠣ, ꠀꠞ ꠢꠤꠛ꠆ꠛꠤ ꠎꠤꠛꠤꠅꠘꠞ ꠘꠣꠔꠤꠘ, ꠅꠘꠣꠞ ꠙꠥꠠꠤ ꠅꠢꠟꠤꠛꠣꠝꠣ। 3 ꠄꠞꠣꠞ ꠛꠣꠖꠦꠅ ꠔꠣꠁꠘ ꠁꠍꠝꠣꠁꠟꠞ ꠙꠥꠠꠤ ꠘꠣꠛꠣꠃꠔꠞ ꠛꠁꠘ ꠛꠣꠡꠝꠔꠞꠦ ꠛꠤꠀ ꠇꠞꠍꠟꠣ। 4 ꠀꠖꠣꠞ ꠙꠦꠐꠅ ꠁꠟꠤꠚꠎ ꠀꠞ ꠛꠣꠡꠝꠔꠞ ꠙꠦꠐꠅ ꠞꠥꠄꠟꠞ ꠎꠘꠝ ꠅꠁꠍꠤꠟ, 5 ꠀꠞ ꠅꠢꠟꠤꠛꠣꠝꠣꠞ ꠙꠦꠐꠅ ꠎꠤꠃꠡ, ꠎꠣꠟꠝ ꠀꠞ ꠇꠥꠞꠢꠞ ꠎꠘꠝ ꠅꠁꠍꠤꠟ। ꠁꠡʼꠞ ꠁ ꠙꠥꠀꠂꠘ꠆ꠔꠞ ꠎꠘꠝ ꠅꠁꠍꠤꠟ ꠇꠦꠘꠣꠘ ꠖꠦꠡꠅ।

6 ꠛꠣꠖꠦ ꠁꠡꠦ ꠔꠣꠘ ꠛꠃꠀꠁꠘ, ꠙꠥꠀ-ꠙꠥꠠꠤꠘ, ꠊꠞꠞ ꠢꠇꠟ ꠝꠣꠘꠥꠡ ꠀꠞ ꠙꠡꠥꠞ ꠙꠣꠟꠣꠁꠘ, ꠇꠦꠘꠣꠘ ꠖꠦꠡꠅ ꠇꠣꠝꠣꠁ ꠇꠞꠣ ꠢꠇꠟ ꠗꠘ-ꠖꠃꠟꠔ ꠟꠁꠀ, ꠔꠣꠘ ꠜꠣꠁ ꠁꠀꠇꠥꠛꠞ ꠉꠦꠍ ꠕꠘꠦ ꠢꠞꠤꠀ ꠀꠞꠇ ꠖꠦꠡꠅ ꠉꠦꠟꠣꠉꠤ। 7 ꠁꠡ ꠀꠞ ꠁꠀꠇꠥꠛꠞ ꠙꠡꠥꠞ ꠙꠣꠟ, ꠝꠣꠟ-ꠍꠣꠝꠣꠘꠣ ꠅꠔ ꠛꠦꠡꠤ ꠀꠍꠤꠟ ꠎꠦꠘ, ꠄꠞꠣ ꠄꠇꠈꠣꠘꠅ ꠞꠁꠔꠦ ꠢꠤ ꠖꠦꠡꠞ ꠁ ꠎꠣꠉꠣꠄ ꠀꠞ ꠇꠥꠟꠣꠁꠟ ꠘꠣ। 8 ꠔꠦꠃ ꠁꠡ ꠍꠦꠁꠞꠞ ꠙꠣꠠꠤ ꠄꠟꠣꠇꠣꠔ ꠉꠤꠀ ꠛꠡꠔ ꠇꠞꠟꠣ। ꠄꠁꠘꠃ ꠁꠖꠥꠝ।

9 ꠅꠃ ꠅꠁꠟ ꠍꠦꠁꠞꠞ ꠙꠣꠠꠞ ꠁꠖꠥꠝꠤ ꠅꠇꠟꠞ ꠝꠥꠟ ꠛꠣꠚ ꠁꠡʼꠞ ꠈꠣꠘ꠆ꠖꠣꠘꠞ ꠛꠄꠀꠘ। 10 ꠁꠡʼꠞ ꠙꠥꠀꠂꠘ꠆ꠔꠞ ꠘꠣꠝ ꠅꠁꠟ, ꠁꠟꠤꠚꠎ ꠀꠞ ꠞꠥꠄꠟ। ꠁꠟꠤꠚꠎ ꠀꠖꠣꠞ ꠙꠥꠀ, ꠞꠥꠄꠟ ꠛꠣꠡꠝꠔꠞ ꠙꠥꠀ। 11 ꠁꠟꠤꠚꠎꠞ ꠙꠥꠀꠂꠘ ꠅꠁꠟꠣ, ꠔꠂꠝꠘ, ꠅꠝꠣꠞ, ꠎꠚꠅ, ꠉꠣꠕꠣꠝ ꠀꠞ ꠇꠦꠘꠣꠎ। 12 ꠁꠡʼꠞ ꠙꠥꠀ ꠁꠟꠤꠚꠎꠞ ꠔꠤꠝꠘꠣ ꠘꠣꠝꠞ ꠄꠇ ꠢꠣꠋꠉꠣꠞ ꠛꠃ ꠀꠍꠤꠟ, ꠄꠞ ꠊꠞꠅ ꠀꠝꠣꠟꠦꠇꠞ ꠎꠘꠝ ꠅꠁꠍꠤꠟ। ꠄꠞꠣ ꠢꠇꠟꠦꠃ ꠁꠡʼꠞ ꠛꠃ ꠀꠖꠣꠞ ꠀꠅꠟꠣꠖ। 13 ꠞꠥꠄꠟꠞ ꠙꠥꠀꠂꠘ ꠅꠁꠟꠣ ꠘꠢꠕ, ꠎꠣꠞꠣꠢ, ꠡꠝ꠆ꠝ ꠀꠞ ꠝꠤꠎ꠆ꠎꠣ। ꠄꠞꠣ ꠁꠡʼꠞ ꠛꠃ ꠛꠣꠡꠝꠔꠞ ꠀꠅꠟꠣꠖ। 14 ꠎꠤꠛꠤꠅꠘꠞ ꠘꠣꠔꠤꠘ, ꠅꠘꠣꠞ ꠙꠥꠠꠤ ꠅꠢꠟꠤꠛꠣꠝꠣꠞ ꠔꠞꠚꠣ ꠁꠡʼꠞ ꠙꠥꠀꠂꠘ ꠅꠁꠟꠣ ꠎꠤꠃꠡ, ꠎꠣꠟꠝ ꠀꠞ ꠇꠥꠞꠢ।

15 ꠁꠡʼꠞ ꠀꠅꠟꠣꠖꠞ ꠝꠣꠎꠦ ꠄꠞꠣ ꠀꠍꠟꠣ ꠉꠥꠡ꠆ꠐꠤꠞ ꠘꠦꠔꠣ। ꠁꠡʼꠞ ꠛꠠ ꠙꠥꠀ ꠁꠟꠤꠚꠎꠞ ꠙꠥꠀꠂꠘ ꠅꠁꠟꠣ ꠔꠂꠝꠘ, ꠅꠝꠣꠞ, ꠎꠚꠅ, ꠇꠦꠘꠣꠎ, 16 ꠇꠥꠞꠢ, ꠉꠣꠕꠣꠝ, ꠀꠞ ꠀꠝꠣꠟꠦꠇ। ꠄꠞꠣ ꠅꠁꠟꠣ ꠁꠖꠥꠝ ꠖꠦꠡꠅ, ꠀꠖꠣꠞ ꠙꠥꠀ ꠁꠟꠤꠚꠎꠞ ꠀꠅꠟꠣꠖ। 17 ꠁꠡʼꠞ ꠙꠥꠀ ꠞꠥꠄꠟꠞ ꠙꠥꠀꠂꠘ ꠎꠦꠞꠣ ꠉꠥꠡ꠆ꠐꠤꠞ ꠘꠦꠔꠣ ꠅꠁꠍꠟꠣ, ꠔꠣꠞꠣ ꠅꠁꠟꠣ ꠘꠢꠕ, ꠎꠣꠞꠣꠢ, ꠡꠝ꠆ꠝ ꠀꠞ ꠝꠤꠎ꠆ꠎꠣ। ꠄꠞꠣ ꠅꠁꠟꠣ ꠁꠖꠥꠝ ꠖꠦꠡꠅ ꠁꠡʼꠞ ꠛꠃ ꠛꠣꠡꠝꠔꠞ ꠙꠥꠀ ꠞꠥꠄꠟꠞ ꠀꠅꠟꠣꠖ। 18 ꠁꠡʼꠞ ꠛꠃ ꠅꠢꠟꠤꠛꠣꠝꠣꠞ ꠎꠦ ꠙꠥꠀꠂꠘ ꠉꠥꠡ꠆ꠐꠤꠞ ꠘꠦꠔꠣ ꠅꠁꠍꠟꠣ, ꠔꠣꠞꠣ ꠅꠁꠟꠣ ꠎꠤꠃꠡ, ꠎꠣꠟꠝ ꠀꠞ ꠇꠥꠞꠢ। ꠄꠞꠣ ꠀꠍꠟꠣ ꠅꠘꠣꠞ ꠙꠥꠠꠤ ꠅꠢꠟꠤꠛꠣꠝꠣꠞ ꠀꠅꠟꠣꠖ। 19 ꠄꠞꠣ ꠅꠁꠟꠣ ꠁꠡ ꠛꠣ ꠁꠖꠥꠝꠞ ꠈꠣꠘ꠆ꠖꠣꠘ ꠀꠞ ꠉꠥꠡ꠆ꠐꠤꠞ ꠘꠦꠔꠣ।

20 ꠢꠘꠞ ꠢꠥꠞꠤꠅ ꠍꠦꠁꠞꠞ ꠙꠥꠀꠂꠘ꠆ꠔꠞ ꠘꠣꠝ ꠅꠁꠟ ꠟꠥꠐꠘ, ꠡꠥꠛꠟ, ꠎꠤꠛꠤꠅꠘ, ꠅꠘꠣ, 21 ꠖꠤꠡꠥꠘ, ꠄꠕꠡꠞ ꠀꠞ ꠖꠤꠡꠣꠘ। ꠄꠞꠣ ꠢꠇꠟꠦ ꠁꠖꠥꠝ ꠖꠦꠡꠅ ꠍꠦꠁꠞꠞ ꠙꠥꠀꠂꠘ, ꠢꠥꠞꠤꠅ ꠈꠣꠘ꠆ꠖꠣꠘꠞ ꠘꠦꠔꠣ ꠀꠍꠟꠣ। 22 ꠟꠥꠐꠘꠞ ꠙꠥꠀꠞ ꠘꠣꠝ ꠅꠁꠟ ꠢꠥꠞꠤ ꠀꠞ ꠢꠦꠝꠣꠝ, ꠀꠞ ꠛꠘꠤꠞ ꠘꠣꠝ ꠔꠤꠝꠘꠣ। 23 ꠡꠥꠛꠟꠞ ꠙꠥꠀꠂꠘ꠆ꠔꠞ ꠘꠣꠝ ꠅꠁꠟ ꠅꠟꠛꠘ, ꠝꠣꠘꠢꠕ, ꠁꠛꠣꠟ, ꠡꠚꠅ ꠀꠞ ꠅꠘꠝ। 24 ꠎꠤꠛꠤꠅꠘꠞ ꠙꠥꠀꠂꠘ꠆ꠔꠞ ꠘꠣꠝ ꠅꠁꠟ ꠅꠄꠀ ꠀꠞ ꠅꠘꠣ। ꠅꠃ ꠅꠘꠣꠃ ꠔꠣꠘ ꠛꠣꠛꠣ ꠎꠤꠛꠤꠅꠘꠞ ꠉꠣꠗꠣ ꠞꠣꠈꠣꠔ ꠉꠤꠀ, ꠝꠞꠥꠜꠥꠝꠤꠞ ꠝꠣꠎꠦ ꠉꠞꠝ ꠙꠣꠘꠤꠞ ꠁꠘ꠆ꠖꠣꠞꠣ ꠅꠇꠟ ꠔꠥꠇꠣꠁꠀ ꠙꠣꠁꠟꠣ। 25 ꠅꠘꠣꠞ ꠙꠥꠀꠞ ꠘꠣꠝ ꠖꠤꠡꠥꠘ ꠀꠞ ꠙꠥꠠꠤꠞ ꠘꠣꠝ ꠅꠢꠟꠤꠛꠣꠝꠣ। 26 ꠖꠤꠡꠥꠘꠞ ꠙꠥꠀꠂꠘ꠆ꠔꠞ ꠘꠣꠝ ꠅꠁꠟ ꠢꠤꠝꠖꠘ, ꠁꠡꠛꠘ, ꠎꠤꠔ꠆ꠞꠘ ꠀꠞ ꠇꠦꠞꠣꠘ। 27 ꠄꠕꠡꠞꠞ ꠙꠥꠀꠂꠘ꠆ꠔꠞ ꠘꠣꠝ ꠅꠁꠟ ꠛꠤꠟꠢꠘ, ꠎꠣꠅꠀꠘ ꠀꠞ ꠀꠇꠘ। 28 ꠖꠤꠡꠣꠘꠞ ꠙꠥꠀꠂꠘ꠆ꠔꠞ ꠘꠣꠝ ꠅꠁꠟ ꠀꠃꠎ ꠀꠞ ꠅꠞꠣꠘ। 29 ꠢꠥꠞꠤꠅ ꠅꠇꠟꠞ ꠘꠦꠔꠣ ꠅꠁꠟꠣ ꠟꠥꠐꠘ, ꠡꠥꠛꠟ, ꠎꠤꠛꠤꠅꠘ, ꠅꠘꠣ, 30 ꠖꠤꠡꠥꠘ, ꠄꠕꠡꠞ ꠀꠞ ꠖꠤꠡꠣꠘ। ꠄꠞꠣ ꠅꠁꠟꠣ ꠍꠦꠁꠞ ꠖꠦꠡꠞ ꠢꠥꠞꠤꠅ ꠉꠥꠡ꠆ꠐꠤꠞ ꠘꠦꠔꠣ।

31 ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠛꠣꠖꠡꠣꠁ ꠢꠥꠇꠥꠝꠔ ꠀꠁꠛꠣꠞ ꠀꠉꠦ, ꠁꠖꠥꠝ ꠖꠦꠡꠅ ꠄꠞꠣꠃ ꠞꠣꠎꠣ ꠀꠍꠟꠣ। 32 ꠛꠣꠃꠞꠞ ꠙꠥꠀ ꠛꠦꠟꠣ ꠁꠖꠥꠝꠞ ꠞꠣꠎꠣ ꠅꠁꠟꠣ। ꠔꠣꠘ ꠞꠣꠎꠗꠣꠘꠤꠞ ꠘꠣꠝ ꠀꠍꠤꠟ ꠖꠤꠘꠢꠣꠛꠣ। 33 ꠛꠦꠟꠣ ꠝꠞꠣꠞ ꠛꠣꠖꠦ, ꠔꠣꠘ ꠎꠣꠉꠣꠔ ꠛꠡꠞꠣ ꠐꠣꠃꠘꠞ ꠎꠣꠞꠣꠢꠞ ꠙꠥꠀ ꠎꠥꠛꠛ ꠞꠣꠎꠣ ꠅꠁꠟꠣ। 34 ꠎꠥꠛꠛ ꠝꠞꠣꠞ ꠛꠣꠖꠦ ꠔꠂꠝꠘ ꠖꠦꠡꠞ ꠢꠥꠡꠝ ꠢꠘꠞ ꠞꠣꠎꠣ ꠅꠁꠟꠣ। 35 ꠢꠥꠡꠝ ꠝꠞꠣꠞ ꠛꠣꠖꠦ ꠔꠣꠘ ꠎꠣꠉꠣꠔ ꠛꠖꠖꠞ ꠙꠥꠀ ꠢꠖꠖ ꠞꠣꠎꠣ ꠅꠁꠟꠣ। ꠔꠣꠁꠘ ꠎꠥꠖ꠆ꠖ ꠇꠞꠤ ꠝꠥꠀꠛ ꠖꠦꠡꠞ ꠝꠣꠖꠤꠀꠘꠤ ꠅꠇꠟꠞꠦ ꠀꠞꠣꠁꠟꠣ। ꠔꠣꠘ ꠞꠣꠎꠗꠣꠘꠤꠞ ꠘꠣꠝ ꠅꠁꠟ ꠅꠛꠤꠕ। 36 ꠢꠖꠖ ꠝꠞꠣꠞ ꠛꠣꠖꠦ ꠝꠡ꠆ꠞꠦꠇꠣ ꠐꠣꠃꠘꠞ ꠍꠣꠝꠟꠣ ꠢꠘꠞ ꠞꠣꠎꠣ ꠅꠁꠟꠣ। 37 ꠍꠣꠝꠟꠣ ꠝꠞꠣꠞ ꠛꠣꠖꠦ ꠢꠘꠞ ꠚꠥꠞꠣꠔ ꠉꠣꠋꠉꠞ ꠙꠣꠞꠞ ꠞꠢꠛꠔ ꠐꠣꠃꠘꠞ ꠡꠃꠟ ꠞꠣꠎꠣ ꠅꠁꠟꠣ। 38 ꠡꠃꠟ ꠝꠞꠣꠞ ꠛꠣꠖꠦ ꠔꠣꠘ ꠎꠣꠉꠣꠔ ꠀꠇꠛꠣꠞꠞ ꠙꠥꠀ ꠛꠣꠀꠟ-ꠢꠣꠘꠘ ꠞꠣꠎꠣ ꠅꠁꠟꠣ। 39 ꠀꠇꠛꠣꠞꠞ ꠙꠥꠀ ꠛꠣꠀꠟ-ꠢꠣꠘꠘ ꠝꠞꠣꠞ ꠛꠣꠖꠦ ꠔꠣꠘ ꠎꠣꠉꠣꠔ ꠢꠖꠞ ꠞꠣꠎꠣ ꠅꠁꠟꠣ। ꠔꠣꠘ ꠞꠣꠎꠗꠣꠘꠤꠞ ꠘꠣꠝ ꠀꠍꠤꠟ ꠙꠣꠃ, ꠀꠞ ꠔꠣꠘ ꠛꠃꠞ ꠘꠣꠝ ꠀꠍꠤꠟ ꠝꠢꠦꠐꠣꠛꠦꠟ। ꠄꠁꠘ ꠝꠐꠞꠦꠖꠞ ꠙꠥꠠꠤ ꠀꠞ ꠝꠦꠎꠣꠢꠣꠛꠞ ꠘꠣꠔꠤꠘ।

40 ꠁꠡʼꠞ ꠎꠦꠔꠣ ꠀꠅꠟꠣꠖ ꠅꠇꠟ ꠉꠥꠡ꠆ꠐꠤ ꠀꠞ ꠄꠟꠣꠇꠣꠞ ꠘꠦꠔꠣ ꠀꠍꠟꠣ, ꠔꠣꠞꠣꠞ ꠘꠣꠝ ꠅꠁꠟ, ꠔꠤꠝꠘꠣ, ꠅꠟꠛꠣ ꠀꠞ ꠎꠤꠔꠦꠕ, 41 ꠅꠢꠟꠤꠛꠣꠝꠣ, ꠄꠟꠣ, ꠙꠤꠘꠥꠘ, 42 ꠇꠦꠘꠣꠎ, ꠔꠂꠝꠘ, ꠝꠤꠛꠎꠣꠞ, 43 ꠝꠉꠖꠤꠄꠟ ꠀꠞ ꠅꠞꠣꠝ। ꠄꠞꠣ ꠀꠍꠟꠣ ꠎꠣꠞꠎꠤꠞ ꠖꠦꠡꠞ, ꠎꠣꠞꠎꠤꠞ ꠄꠟꠣꠇꠣꠞ ꠁꠖꠥꠝꠤ ꠘꠦꠔꠣ। ꠁꠖꠥꠝꠤ ꠅꠇꠟꠞ ꠝꠥꠟ ꠛꠣꠚ ꠁꠡʼꠞ ꠛꠄꠀꠘ ꠅꠘꠅꠃ ꠡꠦꠡ।