1 ꠛꠣꠖꠦ ꠝꠣꠛꠥꠖꠦ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟꠣ, 2 “ꠝꠤꠟꠘ-ꠔꠣꠝ꠆ꠛꠥꠞ ꠌꠣꠁꠞꠅ ꠉꠣꠟꠣꠛꠣꠄ ꠕꠥꠠꠣ ꠈꠣꠟꠤ ꠎꠣꠉꠣ ꠕꠁꠀ ꠛꠘꠤ ꠁꠍꠞꠣꠁꠟꠦ ꠔꠣꠞꠣꠞ ꠔꠣꠝ꠆ꠛꠥ ꠐꠣꠘꠣꠁꠛꠣ। ꠙꠞꠔꠦꠇꠦ ꠎꠣꠞꠎꠤꠞ ꠚꠃꠎꠤ ꠖꠟꠞ ꠡꠤꠝꠣꠘꠣꠔ ꠎꠣꠞꠎꠤꠞ ꠉꠥꠡ꠆ꠐꠤꠞ ꠙꠔꠣꠇꠣꠞ ꠗꠣꠞꠅ ꠞꠁꠛꠣ।

3 “ꠝꠤꠟꠘ-ꠔꠣꠝ꠆ꠛꠥꠞ ꠙꠥꠛꠦꠖꠤ, ꠡꠥꠞꠥꠎ ꠃꠑꠣꠞ ꠝꠥꠈꠣ, ꠄꠢꠥꠖꠣꠞ ꠙꠔꠣꠇꠣꠞ ꠔꠤꠘꠅ ꠈꠣꠘ꠆ꠖꠣꠘꠞ ꠚꠃꠎꠤ ꠖꠟꠦ ꠔꠣꠞꠣꠞ ꠔꠣꠝ꠆ꠛꠥ ꠐꠣꠘꠣꠁꠛꠣ। ꠄꠢꠥꠖꠣ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠅꠁꠟꠣ ꠀꠝꠤꠘꠣꠖꠣꠛꠞ ꠙꠥꠀ ꠘꠣꠢꠤꠡ, 4 ꠅꠃ ꠈꠣꠘ꠆ꠖꠣꠘꠅ ꠍꠤꠙꠣꠁꠞ ꠎꠥꠇꠣ ꠝꠣꠘꠥꠡ ꠅꠁꠟꠣ, ꠌꠃꠀꠔ꠆ꠔꠁꠞ ꠀꠎꠣꠞ ꠍꠄ-ꠡ ꠎꠘ। 5 ꠄꠞꠣꠞ ꠄꠇ ꠉꠣꠟꠣꠔ ꠁꠍꠣꠈꠞ ꠈꠣꠘ꠆ꠖꠣꠘ ꠞꠁꠛꠣ, ꠅꠃ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠅꠁꠟꠣ ꠍꠥꠉꠣꠞꠞ ꠙꠥꠀ ꠘꠕꠘꠦꠟ, 6 ꠔꠣꠞ ꠈꠣꠘ꠆ꠖꠣꠘꠅ ꠍꠤꠙꠣꠁꠞ ꠎꠥꠇꠣ ꠝꠣꠘꠥꠡ ꠅꠁꠟꠣ, ꠌꠃꠀꠘ꠆ꠘ ꠀꠎꠣꠞ ꠌꠣꠁꠞ-ꠡ ꠎꠘ। 7 ꠖꠥꠍꠞꠣ ꠉꠣꠟꠣꠔ ꠔꠣꠝ꠆ꠛꠥ ꠉꠣꠠꠤꠛꠣ ꠍꠛꠥꠟꠘ ꠈꠣꠘ꠆ꠖꠣꠘꠦ, ꠅꠃ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠅꠁꠟꠣ ꠢꠦꠟꠘꠞ ꠙꠥꠀ ꠁꠟꠤꠀꠛ, 8 ꠔꠣꠞ ꠈꠣꠘ꠆ꠖꠣꠘꠅ ꠍꠤꠙꠣꠁꠞ ꠎꠥꠇꠣ ꠝꠣꠘꠥꠡ ꠅꠁꠟꠣ, ꠡꠣꠔꠣꠘ꠆ꠘ ꠀꠎꠣꠞ ꠌꠣꠁꠞ-ꠡ ꠎꠘ। 9 ꠄꠢꠥꠖꠣꠞ ꠙꠔꠣꠇꠣꠞ ꠅꠃ ꠔꠤꠘꠅ ꠈꠣꠘ꠆ꠖꠣꠘꠞ ꠉꠘꠣ ꠍꠤꠙꠣꠁꠞ ꠎꠥꠇꠣ ꠝꠥꠐ ꠝꠣꠘꠥꠡ ꠅꠁꠟꠣ, ꠄꠇ ꠟꠣꠈ ꠍꠤꠀꠡꠤ ꠀꠎꠣꠞ ꠌꠣꠁꠞ-ꠡ। ꠍꠚꠞꠞ ꠡꠝꠄ ꠔꠣꠞꠣꠞ ꠇꠣꠚꠦꠟꠣ ꠢꠇꠟꠞ ꠀꠉꠦ ꠞꠅꠀꠘꠣ ꠖꠤꠛꠣ।

10 “ꠝꠤꠟꠘ-ꠔꠣꠝ꠆ꠛꠥꠞ ꠖꠇ꠆ꠇꠤꠘ ꠉꠣꠟꠣꠔ ꠔꠣꠝ꠆ꠛꠥ ꠉꠣꠠꠤꠛꠣ, ꠞꠥꠛꠦꠘꠞ ꠙꠔꠣꠇꠣꠞ ꠔꠤꠘꠅ ꠈꠣꠘ꠆ꠖꠣꠘꠞ ꠚꠃꠎꠤ ꠖꠟꠦ। ꠞꠥꠛꠦꠘ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠅꠁꠟꠣ ꠡꠣꠖꠤꠃꠞꠞ ꠙꠥꠀ ꠀꠟꠤꠍꠥꠞ, 11 ꠔꠣꠞ ꠈꠣꠘ꠆ꠖꠣꠘꠅ ꠍꠤꠙꠣꠁꠞ ꠎꠥꠇꠣ ꠝꠣꠘꠥꠡ ꠅꠁꠟꠣ, ꠍꠄꠌꠣꠟ꠆ꠟꠤꠡ ꠀꠎꠣꠞ ꠙꠣꠌ-ꠡ ꠎꠘ। 12 ꠄꠞꠣꠞ ꠄꠇ ꠉꠣꠟꠣꠔ ꠡꠤꠝꠤꠅꠘ ꠈꠣꠘ꠆ꠖꠣꠘ ꠞꠁꠛꠣ, ꠅꠃ ꠈꠣꠘ꠆ꠖꠣꠘꠞ ꠡꠥꠞꠡꠣꠖꠣꠄꠅꠞ ꠙꠥꠀ ꠡꠣꠟꠥꠝꠤꠟ ꠅꠁꠟꠣ ꠔꠣꠞꠣꠞ ꠡꠞ꠆ꠖꠣꠞ, 13 ꠔꠣꠞ ꠈꠣꠘ꠆ꠖꠣꠘꠅ ꠍꠤꠙꠣꠁꠞ ꠎꠥꠇꠣ ꠝꠣꠘꠥꠡ ꠅꠁꠟꠣ, ꠃꠘꠥꠡꠣꠁꠐ ꠀꠎꠣꠞ ꠔꠤꠘ-ꠡ ꠎꠘ। 14 ꠖꠥꠍꠞꠣ ꠉꠣꠟꠣꠔ ꠔꠣꠝ꠆ꠛꠥ ꠉꠣꠠꠤꠛꠣ ꠍꠣꠖꠥ ꠈꠣꠘ꠆ꠖꠣꠘꠦ, ꠅꠃ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠅꠁꠟꠣ ꠖꠥꠄꠟꠞ ꠙꠥꠀ ꠁꠟꠤꠀꠍꠚ, 15 ꠔꠣꠞ ꠈꠣꠘ꠆ꠖꠣꠘꠅ ꠍꠤꠙꠣꠁꠞ ꠎꠥꠇꠣ ꠝꠣꠘꠥꠡ ꠅꠁꠟꠣ, ꠙꠣꠌ꠆ꠌꠣꠟ꠆ꠟꠤꠡ ꠀꠎꠣꠞ ꠍꠄ-ꠡ ꠙꠁꠘ꠆ꠌꠣꠡ ꠎꠘ। 16 ꠞꠥꠛꠦꠘꠞ ꠙꠔꠣꠇꠣꠞ ꠅꠃ ꠔꠤꠘꠅ ꠈꠣꠘ꠆ꠖꠣꠘꠅ ꠉꠘꠣ ꠍꠤꠙꠣꠁꠞ ꠎꠥꠇꠣ ꠝꠥꠐ ꠝꠣꠘꠥꠡ ꠅꠁꠟꠣ, ꠄꠇ ꠟꠣꠈ ꠄꠇꠣꠘ꠆ꠘ ꠀꠎꠣꠞ ꠌꠣꠁꠞ-ꠡ ꠙꠁꠘ꠆ꠌꠣꠡ ꠎꠘ। ꠍꠚꠞꠞ ꠡꠝꠄ ꠔꠣꠞꠣ ꠖꠥꠍꠞꠣ ꠇꠣꠚꠦꠟꠣꠔ ꠞꠅꠀꠘꠣ ꠖꠤꠛꠣ।

17 “ꠛꠣꠖꠦ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠦ ꠝꠤꠟꠘ-ꠔꠣꠝ꠆ꠛꠥꠞꠦ ꠟꠁꠀ ꠞꠅꠀꠘꠣ ꠖꠤꠛꠣ, ꠢꠇꠟꠞ ꠝꠣꠎꠈꠣꠘꠅ ꠄꠞꠣ ꠞꠁꠛꠣ। ꠎꠣꠞꠎꠤꠞ ꠔꠣꠝ꠆ꠛꠥ ꠐꠣꠘꠣꠘꠤꠞ ꠍꠤꠞꠤꠀꠟ ꠝꠣꠚꠤꠇ ꠟꠣꠁꠘ ꠗꠞꠤꠀ ꠞꠅꠀꠘꠣ ꠅꠁꠛꠣ। ꠚꠃꠎꠤ ꠖꠟꠞ ꠎꠣꠞꠎꠤꠞ ꠙꠔꠣꠇꠣꠞ ꠝꠣꠘꠥꠡ ꠘꠤꠎꠞ ꠖꠟꠞ ꠟꠉꠦ ꠞꠁꠛꠣ।

18 “ꠝꠤꠟꠘ-ꠔꠣꠝ꠆ꠛꠥꠞ ꠙꠁꠌꠝꠞ ꠉꠣꠟꠣꠔ ꠔꠣꠝ꠆ꠛꠥ ꠉꠣꠠꠤꠛꠣ, ꠀꠚꠞꠣꠁꠝ ꠙꠔꠣꠇꠣꠞ ꠔꠤꠘꠅ ꠚꠃꠎꠤ ꠖꠟꠞ ꠝꠣꠘꠡꠦ। ꠀꠚꠞꠣꠁꠝ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠅꠁꠟꠣ ꠀꠝꠤꠢꠥꠖꠞ ꠙꠥꠀ ꠀꠟꠤꠡꠣꠝꠣ, 19 ꠅꠃ ꠈꠣꠘ꠆ꠖꠣꠘꠅ ꠍꠤꠙꠣꠁꠞ ꠎꠥꠇꠣ ꠝꠣꠘꠥꠡ ꠅꠁꠟꠣ, ꠌꠣꠟ꠆ꠟꠤꠡ ꠀꠎꠣꠞ ꠙꠣꠌ-ꠡ ꠎꠘ। 20 ꠄꠞꠣꠞ ꠄꠇ ꠉꠣꠟꠣꠔ ꠝꠣꠘꠡꠣ ꠈꠣꠘ꠆ꠖꠣꠘꠦ ꠔꠣꠝ꠆ꠛꠥ ꠉꠣꠠꠤꠛꠣ, ꠚꠣꠔꠡꠥꠞꠞ ꠙꠥꠀ ꠉꠝꠟꠤꠄꠟ ꠅꠁꠟꠣ ꠔꠣꠞꠣꠞ ꠡꠞ꠆ꠖꠣꠞ, 21 ꠅꠃ ꠈꠣꠘ꠆ꠖꠣꠘꠅ ꠍꠤꠙꠣꠁꠞ ꠎꠥꠇꠣ ꠝꠣꠘꠥꠡ ꠅꠁꠟꠣ, ꠛꠔ꠆ꠔꠤꠡ ꠀꠎꠣꠞ ꠖꠥꠁ-ꠡ ꠎꠘ। 22 ꠀꠞ ꠖꠥꠍꠞꠣ ꠉꠣꠟꠣꠔ ꠞꠁꠛꠣ ꠛꠤꠘ-ꠁꠀꠝꠤꠘ ꠈꠣꠘ꠆ꠖꠣꠘ, ꠄꠞꠣꠞ ꠡꠞ꠆ꠖꠣꠞ ꠅꠁꠟꠣ ꠎꠤꠖꠣꠃꠘꠤꠞ ꠙꠥꠀ ꠀꠛꠤꠖꠣꠘ, 23 ꠔꠣꠞ ꠈꠣꠘ꠆ꠖꠣꠘꠅ ꠍꠤꠙꠣꠁꠞ ꠎꠥꠇꠣ ꠝꠣꠘꠥꠡ ꠅꠁꠟꠣ, ꠙꠣꠄꠔꠤꠡ ꠀꠎꠣꠞ ꠌꠣꠁꠞ-ꠡ ꠎꠘ। 24 ꠀꠚꠞꠣꠁꠝꠞ ꠙꠔꠣꠇꠣꠞ ꠅꠃ ꠔꠤꠘꠅ ꠈꠣꠘ꠆ꠖꠣꠘꠞ ꠉꠘꠣ ꠍꠤꠙꠣꠁꠞ ꠎꠥꠇꠣ ꠝꠥꠐ ꠝꠣꠘꠥꠡ ꠅꠁꠟꠣ, ꠄꠇ ꠟꠣꠈ ꠀꠐ ꠀꠎꠣꠞ ꠄꠇ-ꠡ ꠎꠘ। ꠔꠣꠞꠣ ꠔꠤꠘ ꠘꠝ꠆ꠛꠞ ꠇꠣꠚꠦꠟꠣꠔ ꠞꠅꠀꠘꠣ ꠖꠤꠛꠣ।

25 “ꠝꠤꠟꠘ-ꠔꠣꠝ꠆ꠛꠥꠞ ꠃꠔ꠆ꠔꠞ ꠉꠣꠟꠣꠔ ꠔꠣꠝ꠆ꠛꠥ ꠉꠣꠠꠤꠛꠣ ꠖꠣꠘ ꠙꠔꠣꠇꠣꠞ ꠔꠤꠘꠅ ꠈꠣꠘ꠆ꠖꠣꠘꠞ ꠚꠃꠎꠤ ꠖꠟꠞ ꠝꠣꠘꠡꠦ, ꠔꠣꠞꠣꠞ ꠡꠞ꠆ꠖꠣꠞ ꠅꠁꠟꠣ ꠀꠝꠤꠡꠣꠖꠣꠞ ꠙꠥꠀ ꠀꠈꠤꠀꠎꠣꠞ, 26 ꠅꠃ ꠈꠣꠘ꠆ꠖꠣꠘꠅ ꠍꠤꠙꠣꠁꠞ ꠎꠥꠇꠣ ꠝꠣꠘꠥꠡ ꠅꠁꠟꠣ, ꠛꠣꠡꠐ꠆ꠐꠤ ꠀꠎꠣꠞ ꠡꠣꠔ-ꠡ ꠎꠘ। 27 ꠄꠞꠣꠞ ꠄꠇ ꠉꠣꠟꠣꠔ ꠀꠡꠤꠞ ꠈꠣꠘ꠆ꠖꠣꠘꠦ ꠔꠣꠝ꠆ꠛꠥ ꠉꠣꠠꠤꠛꠣ, ꠅꠃ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠅꠁꠟꠣ, ꠃꠇꠞꠣꠘꠞ ꠙꠥꠀ ꠚꠎꠤꠄꠟ। 28 ꠔꠣꠞ ꠈꠣꠘ꠆ꠖꠣꠘꠅ ꠍꠤꠙꠣꠁꠞ ꠎꠥꠇꠣ ꠝꠣꠘꠥꠡ ꠅꠁꠟꠣ, ꠄꠇꠌꠣꠟ꠆ꠟꠤꠡ ꠀꠎꠣꠞ ꠙꠣꠌ-ꠡ ꠎꠘ। 29 ꠀꠞ ꠖꠥꠍꠞꠣ ꠉꠣꠟꠣꠔ ꠞꠁꠛꠣ ꠘꠙ꠆ꠔꠣꠟꠤ ꠈꠣꠘ꠆ꠖꠣꠘ, ꠅꠃ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠅꠁꠟꠣ, ꠁꠘꠣꠘꠞ ꠙꠥꠀ ꠀꠢꠤꠞ। 30 ꠔꠣꠞ ꠈꠣꠘ꠆ꠖꠣꠘꠅ ꠍꠤꠙꠣꠁꠞ ꠎꠥꠇꠣ ꠝꠣꠘꠥꠡ ꠅꠁꠟꠣ, ꠔꠦꠙ꠆ꠙꠣꠘ꠆ꠘ ꠀꠎꠣꠞ ꠌꠣꠁꠞ-ꠡ ꠎꠘ। 31 ꠖꠣꠘꠞ ꠙꠔꠣꠇꠣꠞ ꠅꠃ ꠔꠤꠘꠅ ꠈꠣꠘ꠆ꠖꠣꠘꠞ ꠉꠘꠣ ꠍꠤꠙꠣꠁꠞ ꠎꠥꠇꠣ ꠝꠥꠐ ꠝꠣꠘꠥꠡ ꠅꠁꠟꠣ, ꠄꠇ ꠟꠣꠈ ꠡꠣꠔꠣꠘ꠆ꠘ ꠀꠎꠣꠞ ꠍꠄ-ꠡ ꠎꠘ। ꠄꠞꠣ ꠢꠇꠟ ꠢꠦꠡꠞ ꠇꠣꠚꠦꠟꠣꠔ ꠞꠅꠀꠘꠣ ꠖꠤꠛꠣ।”

32 ꠅꠃ ꠘꠝꠥꠘꠣꠄ ꠢꠇꠟ ꠛꠘꠤ ꠁꠍꠞꠣꠁꠟꠞꠦ ꠎꠣꠞꠎꠤꠞ ꠉꠥꠡ꠆ꠐꠤ ꠝꠣꠚꠤꠇ ꠉꠘꠣ ꠅꠁꠟ। ꠉꠘꠤꠀ ꠢꠣꠞꠟꠦ ꠢꠇꠟ ꠚꠃꠎꠤ ꠖꠟꠦ ꠍꠤꠙꠣꠁꠞ ꠎꠥꠇꠣ ꠝꠥꠐ ꠝꠣꠘꠥꠡ ꠅꠁꠟꠣ, ꠍꠄ ꠟꠣꠈ ꠔꠤꠘ ꠀꠎꠣꠞ ꠙꠣꠌ-ꠡ ꠙꠁꠘ꠆ꠌꠣꠡ ꠎꠘ। 33 ꠔꠣ-ꠅ ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠢꠥꠇꠥꠝ ꠝꠣꠚꠤꠇ ꠛꠘꠤ ꠁꠍꠞꠣꠁꠟꠞꠦ ꠉꠘꠣꠞ ꠡꠝꠄ ꠟꠦꠛꠤ ꠈꠣꠘ꠆ꠖꠣꠘꠞꠦ ꠉꠘꠣꠔ ꠗꠞꠣ ꠅꠁꠟ ꠘꠣ।

34 ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠛꠘꠤ ꠁꠍꠞꠣꠁꠟꠦ ꠢꠇꠟ ꠇꠣꠝ-ꠇꠣꠎ ꠇꠞꠔꠣ ꠅꠃ ꠢꠥꠇꠥꠝ ꠝꠣꠚꠤꠇ। ꠔꠣꠞꠣ ꠎꠣꠞꠎꠤꠞ ꠖꠟꠞ ꠎꠣꠉꠣꠔ ꠔꠣꠝ꠆ꠛꠥ ꠐꠣꠘꠣꠁꠔꠣ, ꠀꠞ ꠍꠚꠞꠅ ꠞꠅꠀꠘꠣ ꠅꠁꠔꠣ ꠘꠤꠎꠞ ꠉꠥꠡ꠆ꠐꠤ ꠀꠞ ꠙꠞꠤꠛꠣꠞ ꠝꠣꠚꠤꠇ ꠀꠙꠘ ꠚꠃꠎꠤ ꠖꠟꠞ ꠙꠔꠣꠇꠣꠞ ꠗꠣꠞꠅ ꠞꠁꠀ।