7
ꠀꠟ꠆ꠟꠣꠞ ꠇꠣꠛꠣ ꠡꠞꠤꠚꠞꠦ ꠛꠅꠀꠁꠟ ꠇꠞꠣ
1 ꠢꠎꠞꠔ ꠝꠥꠍꠣꠄ ꠀꠟ꠆ꠟꠣꠞ ꠊꠞ ꠛꠣꠘꠣꠘꠤꠞ ꠇꠣꠝ ꠡꠦꠡ ꠇꠞꠤꠀ ꠢꠣꠞꠤ, ꠙꠛꠤꠔ꠆ꠞ ꠔꠦꠟ ꠍꠤꠐꠣꠁꠀ ꠊꠞꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠟꠣ। ꠀꠞ ꠊꠞꠞ ꠢꠇꠟ ꠝꠣꠟ-ꠍꠣꠝꠣꠘꠣ, ꠇꠥꠞꠛꠣꠘꠤ ꠈꠣꠘꠣ ꠀꠞ ꠄꠞ ꠟꠉꠞ ꠕꠣꠟ-ꠛꠣꠡꠘ ꠢꠇ꠆ꠇꠟꠔꠣ ꠙꠣꠇ-ꠙꠛꠤꠔ꠆ꠞ ꠇꠞꠟꠣ। 2 ꠅꠃ ꠖꠤꠘ ꠛꠘꠤ ꠁꠍꠞꠣꠁꠟꠞ ꠛꠣꠞꠅ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠅꠇꠟ ꠘꠣꠘꠣꠘ ꠎꠣꠔꠞ ꠃꠙꠢꠣꠞ ꠟꠁꠀ ꠀꠁꠟꠣ। ꠄꠞꠣ ꠅꠁꠟꠣ ꠎꠣꠞꠎꠤꠞ ꠉꠥꠡ꠆ꠐꠤꠞ ꠙꠞꠗꠣꠘ ꠝꠣꠘꠥꠡ, ꠔꠣꠞꠣꠞ ꠖꠣꠄꠁꠔ꠆ꠔ ꠀꠍꠤꠟ ꠉꠘꠤꠀ ꠀꠟꠉ ꠇꠞꠣ ꠢꠇꠟ ꠝꠣꠘꠡꠞ ꠖꠦꠈꠣ-ꠢꠥꠘꠣ ꠇꠞꠣ। 3 ꠝꠣꠛꠥꠖꠞ ꠘꠣꠝꠦ ꠔꠣꠞꠣ ꠍꠣꠘꠤ ꠀꠟꠣ ꠍꠄꠈꠣꠘ ꠉꠞꠥꠞ ꠉꠣꠠꠤ, ꠛꠣꠞꠅꠉꠥ ꠉꠞꠥ ꠟꠁꠀ ꠀꠟ꠆ꠟꠣꠞ ꠊꠞꠞ ꠍꠣꠝꠘꠦ ꠀꠁꠟꠣ। ꠙꠞꠔꠦꠇ ꠡꠞ꠆ꠖꠣꠞꠞ ꠔꠞꠚ ꠕꠣꠇꠤ ꠄꠇꠐꠣ ꠇꠞꠤ ꠉꠞꠥ ꠀꠞ ꠖꠥꠁ ꠎꠘꠞ ꠔꠞꠚ ꠕꠣꠇꠤ ꠄꠇꠈꠣꠘ ꠇꠞꠤ ꠉꠞꠥꠞ ꠉꠣꠠꠤ ꠖꠦꠅꠀ ꠅꠁꠟ। ꠔꠣꠞꠣ ꠁꠔꠣ ꠀꠘꠤꠀ ꠀꠟ꠆ꠟꠣꠞ ꠊꠞꠞ ꠍꠣꠝꠘꠦ ꠕꠁꠟꠣ।
4 ꠔꠦꠃ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, 5 “ꠔꠥꠝꠤ ꠔꠣꠞꠣꠞ ꠉꠦꠍ ꠕꠣꠇꠤ ꠅꠔꠣ ꠡꠝꠎꠤꠀ ꠞꠣꠈꠅ, ꠎꠣꠔꠦ ꠝꠤꠟꠘ-ꠔꠣꠝ꠆ꠛꠥꠞ ꠇꠣꠝꠅ ꠟꠣꠉꠣꠘꠤ ꠎꠣꠄ। ꠟꠦꠛꠤ ꠈꠣꠘ꠆ꠖꠣꠘꠞ ꠈꠣꠖꠤꠝ ꠅꠇꠟꠞ ꠇꠣꠝ ꠛꠥꠎꠤꠀ ꠔꠣꠞꠣꠞ ꠝꠣꠎꠦ ꠅꠔꠣ ꠛꠣꠐꠤꠀ ꠖꠦꠅ।”
6 ꠄꠞꠟꠣꠉꠤ ꠝꠥꠍꠣꠄ ꠅꠃ ꠉꠣꠠꠤ ꠀꠞ ꠉꠞꠥ ꠅꠉꠥꠁꠘ ꠟꠦꠛꠤ ꠈꠣꠘ꠆ꠖꠣꠘꠞ ꠈꠣꠖꠤꠝ ꠅꠇꠟꠞꠦ ꠛꠣꠐꠤꠀ ꠖꠤꠟꠣ। 7 ꠄꠞꠣꠞ ꠝꠣꠎꠦ ꠟꠦꠛꠤꠞ ꠙꠄꠟꠣ ꠙꠥꠀ ꠎꠣꠞꠍꠥꠘꠞ ꠉꠥꠡ꠆ꠐꠤꠞ ꠇꠣꠝ ꠝꠣꠚꠤꠇ ꠖꠥꠈꠣꠘ ꠉꠞꠥꠞ ꠉꠣꠠꠤ ꠀꠞ ꠌꠣꠁꠞꠉꠥ ꠉꠞꠥ ꠔꠣꠞꠣꠞꠦ ꠖꠤꠟꠣ, 8 ꠀꠞ ꠀꠞꠇ ꠙꠥꠀ ꠝꠣꠞꠣꠞꠤꠞ ꠉꠥꠡ꠆ꠐꠤꠞ ꠇꠣꠝ ꠛꠥꠎꠤꠀ ꠔꠣꠞꠣꠞꠦ ꠖꠤꠟꠣ ꠌꠣꠁꠞ ꠈꠣꠘ ꠉꠣꠠꠤ ꠀꠞ ꠀꠐꠉꠥ ꠉꠞꠥ। ꠁꠝꠣꠝ ꠢꠣꠞꠥꠘꠞ ꠙꠥꠀ ꠁꠍꠣꠝꠣꠞꠦ ꠅꠃ ꠇꠣꠝꠞ ꠔꠖꠣꠞꠇꠤ ꠇꠞꠟꠣ। 9 ꠅꠁꠟꠦ ꠟꠦꠛꠤꠞ ꠙꠥꠀ ꠇꠣꠢꠣꠔꠞ ꠉꠥꠡ꠆ꠐꠤꠞꠦ ꠁꠔꠣ ꠇꠥꠘ꠆ꠔꠣ ꠖꠤꠟꠣ ꠘꠣ, ꠇꠣꠞꠘ ꠘꠤꠅꠝ ꠀꠍꠤꠟ ꠔꠣꠞꠣ ꠈꠣꠟꠤ ꠙꠣꠇ-ꠙꠛꠤꠔ꠆ꠞ ꠌꠤꠎ ꠅꠇꠟ ꠖꠦꠈꠣ-ꠢꠥꠘꠣ ꠇꠞꠣ, ꠀꠞ ꠅꠔꠣꠞꠦ ꠇꠣꠘ꠆ꠖꠅ ꠇꠞꠤ ꠛꠁꠀ ꠘꠦꠅꠀ।
10 ꠇꠥꠞꠛꠣꠘꠤ ꠈꠣꠘꠣꠔ ꠙꠛꠤꠔ꠆ꠞ ꠔꠦꠟ ꠍꠤꠐꠣꠘꠤꠞ ꠡꠝꠄ, ꠁꠈꠣꠘꠞꠦ ꠛꠅꠀꠁꠟ ꠇꠞꠣꠞ ꠘꠤꠅꠔꠦ ꠡꠞ꠆ꠖꠣꠞ ꠅꠇꠟꠦ ꠎꠣꠞꠎꠤꠞ ꠛꠈꠡꠤꠡ ꠟꠁꠀ ꠀꠁꠟꠣ। ꠀꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠍꠣꠝꠘꠦ ꠕꠁꠟꠣ। 11 ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠙꠞꠔꠦꠇ ꠖꠤꠘ ꠄꠇ ꠄꠇ ꠡꠞ꠆ꠖꠣꠞꠦ ꠇꠥꠞꠛꠣꠘꠤ ꠈꠣꠘꠣꠞꠦ ꠛꠅꠀꠁꠟ ꠇꠞꠣꠞ ꠘꠤꠅꠔꠦ ꠔꠣꠘ ꠛꠈꠡꠤꠡ ꠀꠘꠤꠀ ꠡꠝꠎꠣꠁꠛꠣ।”
12 ꠙꠄꠟꠣ ꠖꠤꠘ ꠄꠢꠥꠖꠣ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠀꠝꠤꠘꠣꠖꠣꠛꠞ ꠙꠥꠀ ꠘꠣꠢꠤꠡꠦ ꠔꠣꠘ ꠛꠈꠡꠤꠡ ꠟꠁꠀ ꠀꠁꠟꠣ। 13 ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ। 14 ꠀꠉꠞ-ꠈꠥꠡꠛꠄꠄ ꠜꠞꠣ ꠖꠡ ꠔꠟꠣ ꠃꠎꠘꠞ ꠡꠥꠘꠣꠞ ꠄꠇꠐꠣ ꠛꠣꠐꠤ, 15 ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ, 16 ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠍꠣꠉꠟ, 17 ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠉꠞꠥ, ꠙꠣꠌꠉꠥ ꠝꠦꠠꠣ, ꠙꠣꠌꠉꠥ ꠍꠣꠉꠟ ꠀꠞ ꠄꠇ ꠛꠍꠞ ꠛꠄꠅꠡꠤ ꠙꠣꠌꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠟꠣ। ꠁꠔꠣ ꠅꠁꠟ ꠀꠝꠤꠘꠣꠖꠣꠛꠞ ꠙꠥꠀ ꠘꠣꠢꠤꠡꠞ ꠃꠙꠢꠣꠞ।
18 ꠖꠥꠁ ꠘꠝ꠆ꠛꠞ ꠖꠤꠘ ꠁꠍꠣꠈꠞ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠍꠥꠉꠣꠞꠞ ꠙꠥꠀ ꠘꠕꠘꠦꠟꠦ ꠛꠈꠡꠤꠡ ꠟꠁꠀ ꠀꠁꠟꠣ। 19 ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ। 20 ꠀꠉꠞ-ꠈꠥꠡꠛꠄꠄ ꠜꠞꠣ ꠖꠡ ꠔꠟꠣ ꠃꠎꠘꠞ ꠡꠥꠘꠣꠞ ꠄꠇꠐꠣ ꠛꠣꠐꠤ, 21 ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ, 22 ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠍꠣꠉꠟ, 23 ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠉꠞꠥ, ꠙꠣꠌꠉꠥ ꠝꠦꠠꠣ, ꠙꠣꠌꠉꠥ ꠍꠣꠉꠟ ꠀꠞ ꠄꠇ ꠛꠍꠞ ꠛꠄꠅꠡꠤ ꠙꠣꠌꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠟꠣ। ꠅꠔꠣ ꠀꠍꠤꠟ ꠍꠥꠉꠣꠞꠞ ꠙꠥꠀ ꠘꠕꠘꠦꠟꠞ ꠃꠙꠢꠣꠞ।
24 ꠔꠤꠘ ꠘꠝ꠆ꠛꠞ ꠖꠤꠘ ꠍꠛꠥꠟꠘ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠢꠦꠟꠘꠞ ꠙꠥꠀ ꠁꠟꠤꠀꠛꠦ ꠛꠈꠡꠤꠡ ꠟꠁꠀ ꠀꠁꠟꠣ। 25 ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ। 26 ꠀꠉꠞ-ꠈꠥꠡꠛꠄꠄ ꠜꠞꠣ ꠖꠡ ꠔꠟꠣ ꠃꠎꠘꠞ ꠡꠥꠘꠣꠞ ꠄꠇꠐꠣ ꠛꠣꠐꠤ, 27 ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ, 28 ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠍꠣꠉꠟ, 29 ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠉꠞꠥ, ꠙꠣꠌꠉꠥ ꠝꠦꠠꠣ, ꠙꠣꠌꠉꠥ ꠍꠣꠉꠟ ꠀꠞ ꠄꠇ ꠛꠍꠞ ꠛꠄꠅꠡꠤ ꠙꠣꠌꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠟꠣ। ꠅꠔꠣ ꠀꠍꠤꠟ ꠢꠦꠟꠘꠞ ꠙꠥꠀ ꠁꠟꠤꠀꠛꠞ ꠃꠙꠢꠣꠞ।
30 ꠌꠣꠁꠞ ꠘꠝ꠆ꠛꠞ ꠖꠤꠘ ꠞꠥꠛꠦꠘ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠡꠣꠖꠤꠃꠞꠞ ꠙꠥꠀ ꠀꠟꠤꠍꠥꠞꠦ ꠛꠈꠡꠤꠡ ꠟꠁꠀ ꠀꠁꠟꠣ। 31 ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ। 32 ꠀꠉꠞ-ꠈꠥꠡꠛꠄꠄ ꠜꠞꠣ ꠖꠡ ꠔꠟꠣ ꠃꠎꠘꠞ ꠡꠥꠘꠣꠞ ꠄꠇꠐꠣ ꠛꠣꠐꠤ, 33 ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ, 34 ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠍꠣꠉꠟ, 35 ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠉꠞꠥ, ꠙꠣꠌꠉꠥ ꠝꠦꠠꠣ, ꠙꠣꠌꠉꠥ ꠍꠣꠉꠟ ꠀꠞ ꠄꠇ ꠛꠍꠞ ꠛꠄꠅꠡꠤ ꠙꠣꠌꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠟꠣ। ꠅꠔꠣ ꠀꠍꠤꠟ ꠡꠣꠖꠤꠃꠞꠞ ꠙꠥꠀ ꠀꠟꠤꠍꠥꠞꠞ ꠃꠙꠢꠣꠞ।
36 ꠙꠣꠌ ꠘꠝ꠆ꠛꠞ ꠖꠤꠘ ꠡꠤꠝꠤꠅꠘ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠡꠥꠞꠡꠣꠖꠣꠄꠅꠞ ꠙꠥꠀ ꠡꠣꠟꠥꠝꠤꠟꠦ ꠛꠈꠡꠤꠡ ꠟꠁꠀ ꠀꠁꠟꠣ। 37 ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ। 38 ꠀꠉꠞ-ꠈꠥꠡꠛꠄꠄ ꠜꠞꠣ ꠖꠡ ꠔꠟꠣ ꠃꠎꠘꠞ ꠡꠥꠘꠣꠞ ꠄꠇꠐꠣ ꠛꠣꠐꠤ, 39 ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ, 40 ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠍꠣꠉꠟ, 41 ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠉꠞꠥ, ꠙꠣꠌꠉꠥ ꠝꠦꠠꠣ, ꠙꠣꠌꠉꠥ ꠍꠣꠉꠟ ꠀꠞ ꠄꠇ ꠛꠍꠞ ꠛꠄꠅꠡꠤ ꠙꠣꠌꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠟꠣ। ꠅꠔꠣ ꠀꠍꠤꠟ ꠡꠥꠞꠡꠣꠖꠣꠄꠅꠞ ꠙꠥꠀ ꠡꠣꠟꠥꠝꠤꠟꠞ ꠃꠙꠢꠣꠞ।
42 ꠍꠄ ꠘꠝ꠆ꠛꠞ ꠖꠤꠘ ꠍꠣꠖꠥ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠖꠥꠄꠟꠞ ꠙꠥꠀ ꠁꠟꠤꠀꠍꠚꠦ ꠛꠈꠡꠤꠡ ꠟꠁꠀ ꠀꠁꠟꠣ। 43 ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ। 44 ꠀꠉꠞ-ꠈꠥꠡꠛꠄꠄ ꠜꠞꠣ ꠖꠡ ꠔꠟꠣ ꠃꠎꠘꠞ ꠡꠥꠘꠣꠞ ꠄꠇꠐꠣ ꠛꠣꠐꠤ, 45 ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ, 46 ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠍꠣꠉꠟ, 47 ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠉꠞꠥ, ꠙꠣꠌꠉꠥ ꠝꠦꠠꠣ, ꠙꠣꠌꠉꠥ ꠍꠣꠉꠟ ꠀꠞ ꠄꠇ ꠛꠍꠞ ꠛꠄꠅꠡꠤ ꠙꠣꠌꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠟꠣ। ꠅꠔꠣ ꠀꠍꠤꠟ ꠖꠥꠄꠟꠞ ꠙꠥꠀ ꠁꠟꠤꠀꠍꠚꠞ ꠃꠙꠢꠣꠞ।
48 ꠡꠣꠔ ꠘꠝ꠆ꠛꠞ ꠖꠤꠘ ꠀꠚꠞꠣꠁꠝ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠀꠝꠤꠢꠥꠖꠞ ꠙꠥꠀ ꠀꠟꠤꠡꠣꠝꠣꠄ ꠛꠈꠡꠤꠡ ꠟꠁꠀ ꠀꠁꠟꠣ। 49 ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ। 50 ꠀꠉꠞ-ꠈꠥꠡꠛꠄꠄ ꠜꠞꠣ ꠖꠡ ꠔꠟꠣ ꠃꠎꠘꠞ ꠡꠥꠘꠣꠞ ꠄꠇꠐꠣ ꠛꠣꠐꠤ, 51 ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ, 52 ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠍꠣꠉꠟ, 53 ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠉꠞꠥ, ꠙꠣꠌꠉꠥ ꠝꠦꠠꠣ, ꠙꠣꠌꠉꠥ ꠍꠣꠉꠟ ꠀꠞ ꠄꠇ ꠛꠍꠞ ꠛꠄꠅꠡꠤ ꠙꠣꠌꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠟꠣ। ꠅꠔꠣ ꠀꠍꠤꠟ ꠀꠝꠤꠢꠥꠖꠞ ꠙꠥꠀ ꠀꠟꠤꠡꠣꠝꠣꠞ ꠃꠙꠢꠣꠞ।
54 ꠀꠐ ꠘꠝ꠆ꠛꠞ ꠖꠤꠘ ꠝꠣꠘꠡꠣ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠚꠣꠔꠡꠥꠞꠞ ꠙꠥꠀ ꠉꠝꠟꠤꠄꠟꠦ ꠛꠈꠡꠤꠡ ꠟꠁꠀ ꠀꠁꠟꠣ। 55 ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ। 56 ꠀꠉꠞ-ꠈꠥꠡꠛꠄꠄ ꠜꠞꠣ ꠖꠡ ꠔꠟꠣ ꠃꠎꠘꠞ ꠡꠥꠘꠣꠞ ꠄꠇꠐꠣ ꠛꠣꠐꠤ, 57 ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ, 58 ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠍꠣꠉꠟ, 59 ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠉꠞꠥ, ꠙꠣꠌꠉꠥ ꠝꠦꠠꠣ, ꠙꠣꠌꠉꠥ ꠍꠣꠉꠟ ꠀꠞ ꠄꠇ ꠛꠍꠞ ꠛꠄꠅꠡꠤ ꠙꠣꠌꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠟꠣ। ꠅꠔꠣ ꠀꠍꠤꠟ ꠚꠣꠔꠡꠥꠞꠞ ꠙꠥꠀ ꠉꠝꠟꠤꠄꠟꠞ ꠃꠙꠢꠣꠞ।
60 ꠘꠄ ꠘꠝ꠆ꠛꠞ ꠖꠤꠘ ꠛꠤꠘ-ꠁꠀꠝꠤꠘ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠎꠤꠖꠣꠃꠘꠤꠞ ꠙꠥꠀ ꠀꠛꠤꠖꠣꠘꠦ ꠛꠈꠡꠤꠡ ꠟꠁꠀ ꠀꠁꠟꠣ। 61 ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ। 62 ꠀꠉꠞ-ꠈꠥꠡꠛꠄꠄ ꠜꠞꠣ ꠖꠡ ꠔꠟꠣ ꠃꠎꠘꠞ ꠡꠥꠘꠣꠞ ꠄꠇꠐꠣ ꠛꠣꠐꠤ, 63 ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ, 64 ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠍꠣꠉꠟ, 65 ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠉꠞꠥ, ꠙꠣꠌꠉꠥ ꠝꠦꠠꠣ, ꠙꠣꠌꠉꠥ ꠍꠣꠉꠟ ꠀꠞ ꠄꠇ ꠛꠍꠞ ꠛꠄꠅꠡꠤ ꠙꠣꠌꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠟꠣ। ꠅꠔꠣ ꠀꠍꠤꠟ ꠎꠤꠖꠣꠃꠘꠤꠞ ꠙꠥꠀ ꠀꠛꠤꠖꠣꠘꠞ ꠃꠙꠢꠣꠞ।
66 ꠖꠡ ꠘꠝ꠆ꠛꠞ ꠖꠤꠘ ꠖꠣꠘ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠀꠝꠤꠡꠣꠖꠣꠞ ꠙꠥꠀ ꠀꠈꠤꠀꠎꠣꠞꠦ ꠛꠈꠡꠤꠡ ꠟꠁꠀ ꠀꠁꠟꠣ। 67 ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ। 68 ꠀꠉꠞ-ꠈꠥꠡꠛꠄꠄ ꠜꠞꠣ ꠖꠡ ꠔꠟꠣ ꠃꠎꠘꠞ ꠡꠥꠘꠣꠞ ꠄꠇꠐꠣ ꠛꠣꠐꠤ, 69 ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ, 70 ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠍꠣꠉꠟ, 71 ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠉꠞꠥ, ꠙꠣꠌꠉꠥ ꠝꠦꠠꠣ, ꠙꠣꠌꠉꠥ ꠍꠣꠉꠟ ꠀꠞ ꠄꠇ ꠛꠍꠞ ꠛꠄꠅꠡꠤ ꠙꠣꠌꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠟꠣ। ꠅꠔꠣ ꠀꠍꠤꠟ ꠀꠝꠤꠡꠣꠖꠣꠞ ꠙꠥꠀ ꠀꠈꠤꠀꠎꠣꠞꠞ ꠃꠙꠢꠣꠞ।
72 ꠄꠉꠣꠞꠅ ꠘꠝ꠆ꠛꠞ ꠖꠤꠘ ꠀꠡꠤꠞ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠃꠇꠞꠣꠘꠞ ꠙꠥꠀ ꠚꠎꠤꠄꠟꠦ ꠛꠈꠡꠤꠡ ꠟꠁꠀ ꠀꠁꠟꠣ। 73 ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ। 74 ꠀꠉꠞ-ꠈꠥꠡꠛꠄꠄ ꠜꠞꠣ ꠖꠡ ꠔꠟꠣ ꠃꠎꠘꠞ ꠡꠥꠘꠣꠞ ꠄꠇꠐꠣ ꠛꠣꠐꠤ, 75 ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ, 76 ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠍꠣꠉꠟ, 77 ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠉꠞꠥ, ꠙꠣꠌꠉꠥ ꠝꠦꠠꠣ, ꠙꠣꠌꠉꠥ ꠍꠣꠉꠟ ꠀꠞ ꠄꠇ ꠛꠍꠞ ꠛꠄꠅꠡꠤ ꠙꠣꠌꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠟꠣ। ꠅꠔꠣ ꠀꠍꠤꠟ ꠃꠇꠞꠣꠘꠞ ꠙꠥꠀ ꠚꠎꠤꠄꠟꠞ ꠃꠙꠢꠣꠞ।
78 ꠛꠣꠞꠅ ꠘꠝ꠆ꠛꠞ ꠖꠤꠘ ꠘꠙ꠆ꠔꠣꠟꠤ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠁꠘꠣꠘꠞ ꠙꠥꠀ ꠀꠢꠤꠞꠦ ꠛꠈꠡꠤꠡ ꠟꠁꠀ ꠀꠁꠟꠣ। 79 ꠔꠣꠁꠘ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠄꠇ-ꠡ ꠔꠤꠡ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇꠈꠣꠘ ꠕꠣꠟ, ꠀꠞ ꠡꠔ꠆ꠔꠁꠞ ꠔꠟꠣ ꠃꠎꠘꠞ ꠞꠥꠙꠣꠞ ꠄꠇ ꠉꠣꠝꠟꠣ ꠀꠘꠤꠀ ꠖꠤꠟꠣ, ꠅꠃ ꠕꠣꠟ ꠀꠞ ꠉꠣꠝꠟꠣꠔ ꠜꠞꠣ ꠀꠍꠤꠟ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠔꠦꠟ ꠝꠣꠈꠣꠁꠟ ꠝꠄꠖꠣ। 80 ꠀꠉꠞ-ꠈꠥꠡꠛꠄꠄ ꠜꠞꠣ ꠖꠡ ꠔꠟꠣ ꠃꠎꠘꠞ ꠡꠥꠘꠣꠞ ꠄꠇꠐꠣ ꠛꠣꠐꠤ, 81 ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ, 82 ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠍꠣꠉꠟ, 83 ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠉꠞꠥ, ꠙꠣꠌꠉꠥ ꠝꠦꠠꠣ, ꠙꠣꠌꠉꠥ ꠍꠣꠉꠟ ꠀꠞ ꠄꠇ ꠛꠍꠞ ꠛꠄꠅꠡꠤ ꠙꠣꠌꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠟꠣ। ꠅꠔꠣ ꠀꠍꠤꠟ ꠁꠘꠣꠘꠞ ꠙꠥꠀ ꠀꠢꠤꠞꠞ ꠃꠙꠢꠣꠞ।
84 ꠔꠦ ꠙꠛꠤꠔ꠆ꠞ ꠔꠦꠟ ꠖꠤꠀ ꠇꠥꠞꠛꠣꠘꠤ ꠈꠣꠘꠣꠞꠦ ꠛꠅꠀꠁꠟ ꠇꠞꠣꠞ ꠡꠝꠄ ꠛꠘꠤ ꠁꠍꠞꠣꠁꠟꠞ ꠡꠞ꠆ꠖꠣꠞ ꠅꠇꠟꠦ ꠎꠦꠔꠣ ꠖꠣꠘ ꠇꠞꠍꠟꠣ ꠁꠔꠣ ꠅꠁꠟ, ꠛꠣꠞꠅ ꠈꠣꠘ ꠞꠥꠙꠣꠞ ꠕꠣꠟ, ꠛꠣꠞꠅꠐꠣ ꠞꠥꠙꠣꠞ ꠉꠣꠝꠟꠣ ꠀꠞ ꠛꠣꠞꠅꠐꠣ ꠡꠥꠘꠣꠞ ꠛꠣꠐꠤ। 85 ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠙꠞꠔꠦꠇ ꠞꠥꠙꠣꠞ ꠕꠣꠟꠞ ꠃꠎꠘ ꠀꠍꠤꠟ ꠄꠇ-ꠡ ꠔꠤꠡ ꠔꠟꠣ ꠀꠞ ꠉꠣꠝꠟꠣꠞ ꠃꠎꠘ ꠀꠍꠤꠟ ꠡꠔ꠆ꠔꠁꠞ ꠔꠟꠣ। ꠞꠥꠙꠣꠞ ꠢꠇꠟ ꠕꠣꠟ-ꠛꠣꠡꠘꠞ ꠝꠥꠐ ꠃꠎꠘ ꠀꠍꠤꠟ ꠖꠥꠁ ꠀꠎꠣꠞ ꠌꠣꠁꠞ-ꠡ ꠔꠟꠣ। 86 ꠀꠉꠞ-ꠈꠥꠡꠛꠄꠄ ꠜꠞꠣ ꠙꠞꠔꠦꠇ ꠡꠥꠘꠣꠞ ꠛꠣꠐꠤꠞ ꠃꠎꠘ ꠀꠍꠤꠟ ꠖꠡ ꠔꠟꠣ, ꠡꠥꠘꠣꠞ ꠛꠣꠞꠅꠐꠣ ꠛꠣꠐꠤꠞ ꠝꠥꠐ ꠃꠎꠘ ꠀꠍꠤꠟ ꠄꠇ-ꠡ ꠛꠤꠡ ꠔꠟꠣ। 87 ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠝꠥꠐ ꠛꠣꠞꠅꠉꠥ ꠛꠤꠍꠣꠟ, ꠛꠣꠞꠅꠉꠥ ꠝꠦꠠꠣ ꠀꠞ ꠄꠇ ꠛꠍꠞ ꠛꠄꠅꠡꠤ ꠛꠣꠞꠅꠉꠥ ꠝꠦꠠꠣ-ꠛꠣꠁꠌ꠆ꠌꠣꠅ ꠄꠞꠣ ꠖꠣꠘ ꠇꠞꠍꠟꠣ। ꠀꠞ ꠄꠞꠟꠉꠞ ꠗꠣꠘ-ꠉꠝꠞ ꠍꠖꠉꠣꠞ ꠢꠇꠟ ꠎꠤꠘꠤꠡ। ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠝꠥꠐ ꠛꠣꠞꠅꠉꠥ ꠍꠣꠉꠟ ꠖꠦꠅꠀ ꠅꠁꠍꠤꠟ। 88 ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠝꠥꠐ ꠌꠛ꠆ꠛꠤꠡꠉꠥ ꠉꠞꠥ, ꠡꠣꠁꠐꠉꠥ ꠝꠦꠠꠣ, ꠡꠣꠁꠐꠉꠥ ꠍꠣꠉꠟ, ꠄꠇ ꠛꠍꠞ ꠛꠄꠅꠡꠤ ꠡꠣꠁꠐꠉꠥ ꠝꠦꠠꠣ-ꠛꠣꠁꠌ꠆ꠌꠣ। ꠙꠛꠤꠔ꠆ꠞ ꠔꠦꠟ ꠍꠤꠐꠣꠁꠀ ꠢꠣꠞꠤ ꠇꠥꠞꠛꠣꠘꠤ ꠈꠣꠘꠣꠞꠦ ꠛꠅꠀꠁꠟ ꠇꠞꠣꠞ ꠡꠝꠄ ꠃꠙꠢꠣꠞ ꠢꠤꠡꠣꠛꠦ ꠁ ꠢꠇꠟꠔꠣ ꠖꠦꠅꠀ ꠅꠁꠍꠤꠟ।
89 ꠄꠞꠛꠣꠖꠦ ꠝꠥꠍꠣ ꠘꠛꠤꠄ ꠎꠦꠛꠟꠣꠃ ꠝꠣꠛꠥꠖꠞ ꠟꠉꠦ ꠛꠣꠔꠌꠤꠔ ꠇꠞꠣꠞ ꠟꠣꠉꠤ ꠝꠤꠟꠘ-ꠔꠣꠝ꠆ꠛꠥꠔ ꠢꠣꠝꠣꠁꠔꠣ, ꠅꠃ ꠡꠝꠄ ꠡꠣꠢꠣꠖꠔ ꠡꠘ꠆ꠖꠥꠇꠞ ꠓꠣꠇꠘꠣꠞ ꠃꠙꠞꠦ ꠎꠦ ꠖꠥꠁꠅ ꠇꠣꠞꠥꠛꠤ*7:89 ꠇꠣꠞꠥꠛꠤ ꠖꠦꠈꠔꠦ ꠖꠥꠟꠖꠥꠟ ꠊꠥꠠꠣꠞ ꠟꠣꠈꠣꠘ ꠒꠣꠈꠘꠣ ꠀꠟꠣ। ꠞꠂꠘ, ꠄꠞꠣꠞ ꠝꠣꠎꠈꠣꠘ ꠕꠣꠇꠤ ꠔꠣꠘ ꠛꠥꠟꠤ ꠢꠥꠘꠔꠣ। ꠝꠣꠛꠥꠖꠦ ꠅꠃ ꠘꠝꠥꠘꠣꠄ ꠝꠥꠍꠣ ꠘꠛꠤꠞ ꠟꠉꠦ ꠛꠣꠔꠌꠤꠔ ꠇꠞꠔꠣ।