1 ꠀꠞ ꠅꠃ ꠛꠤꠀꠘꠇꠥ ꠛꠣꠟꠣ ꠛꠣꠟꠣꠝ ꠙꠤꠞꠦ ꠛꠣꠟꠣꠇ ꠛꠣꠖꠡꠣꠞꠦ ꠇꠁꠟꠣ, “ꠀꠙꠘꠦ ꠀꠝꠣꠞ ꠟꠣꠉꠤ ꠡꠣꠔꠈꠣꠘ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠃꠇ꠆ꠇꠣ, ꠛꠣꠘꠣꠁꠀ ꠇꠥꠞꠛꠣꠘꠤꠞ ꠟꠣꠉꠤ ꠡꠣꠔꠉꠥ ꠛꠤꠍꠣꠟ ꠀꠞ ꠡꠣꠔꠉꠥ ꠝꠦꠠꠣ ꠎꠥꠉꠣꠁ ꠖꠦꠃꠇ꠆ꠇꠣ।” 2 ꠛꠣꠟꠣꠝꠞ ꠇꠕꠣꠝꠔꠃ ꠛꠣꠟꠣꠇꠦ ꠅꠟꠣ ꠇꠞꠟꠣ, ꠇꠞꠤꠀ ꠖꠥꠁꠅꠎꠘꠦ ꠝꠤꠟꠤꠀ ꠙꠞꠔꠦꠇ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠄꠉꠥ ꠇꠞꠤ ꠛꠤꠍꠣꠟ ꠀꠞ ꠄꠉꠥ ꠇꠞꠤ ꠝꠦꠠꠣ ꠇꠥꠞꠛꠣꠘꠤ ꠖꠤꠟꠣ।

3 ꠄꠞꠛꠣꠖꠦ ꠛꠣꠟꠣꠝ ꠙꠤꠞꠦ ꠛꠣꠟꠣꠇꠞꠦ ꠇꠁꠟꠣ, “ꠀꠙꠘꠣꠞ ꠇꠥꠞꠛꠣꠘꠤ ꠖꠦꠅꠀ ꠅꠃ ꠙꠡꠥꠞ ꠇꠣꠍꠣꠔ ꠀꠙꠘꠦ ꠞꠃꠇ꠆ꠇꠣ। ꠀꠝꠤ ꠕꠥꠠꠣ ꠢꠞꠤꠀ ꠎꠣꠁꠞꠣꠝ, ꠅꠁꠔ ꠙꠣꠞꠦ ꠝꠣꠛꠥꠖꠦ ꠀꠝꠣꠞꠦ ꠖꠞꠡꠘ ꠖꠤꠛꠣ। ꠔꠣꠁꠘ ꠀꠝꠣꠞꠦ ꠎꠦꠔꠣ ꠎꠣꠘꠣꠁꠛꠣ, ꠀꠝꠤ ꠀꠁꠀ ꠀꠙꠘꠣꠞꠦ ꠇꠁꠝꠥꠘꠦ।” ꠅꠈꠣꠘ ꠇꠁꠀ ꠛꠣꠟꠣꠝ ꠙꠤꠞ ꠉꠤꠀ ꠙꠣꠠꠞ ꠢꠇꠟ ꠕꠣꠇꠤ ꠃꠌꠣ ꠐꠤꠟ꠆ꠟꠣꠞ ꠃꠙꠞꠦ ꠃꠑꠤꠟꠣ। 4 ꠅꠃ ꠡꠝꠄ ꠝꠣꠛꠥꠖꠦ ꠔꠣꠘꠞꠦ ꠖꠞꠡꠘ ꠖꠤꠟꠣ। ꠛꠣꠟꠣꠝ ꠙꠤꠞꠦ ꠝꠣꠛꠥꠖꠞꠦ ꠇꠁꠟꠣ, “ꠅ ꠝꠣꠛꠥꠖ, ꠔꠥꠝꠤ ꠔ ꠖꠦꠈꠞꠣꠄ, ꠀꠝꠤ ꠡꠣꠔꠈꠣꠘ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠍꠤ ꠀꠞ ꠙꠞꠔꠦꠇ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠄꠉꠥ ꠇꠞꠤ ꠛꠤꠍꠣꠟ ꠀꠞ ꠄꠉꠥ ꠇꠞꠤ ꠝꠦꠠꠣ ꠇꠥꠞꠛꠣꠘꠤ ꠖꠤꠍꠤ।” 5 ꠔꠦꠃ ꠝꠣꠛꠥꠖꠦ ꠛꠣꠟꠣꠝ ꠙꠤꠞꠞꠦ ꠄꠇ ꠛꠥꠟꠤ ꠢꠤꠇꠣꠁ ꠖꠤꠟꠣ, ꠖꠤꠀ ꠇꠁꠟꠣ, “ꠔꠥꠝꠤ ꠉꠤꠀ ꠛꠣꠟꠣꠇ ꠛꠣꠖꠡꠣꠞꠦ ꠅꠔꠣ ꠇꠁꠅ।”

6 ꠔꠦꠃ ꠛꠣꠟꠣꠝ ꠙꠤꠞꠦ ꠝꠥꠀꠛ ꠖꠦꠡꠞ ꠛꠣꠖꠡꠣ ꠛꠣꠟꠣꠇꠞ ꠉꠦꠍꠦ ꠚꠤꠞꠤꠀ ꠀꠁꠀ ꠖꠦꠈꠟꠣ, ꠛꠣꠖꠡꠣ ꠛꠣꠟꠣꠇꠦ ꠝꠥꠀꠛ ꠖꠦꠡꠞ ꠢꠇꠟ ꠝꠥꠞꠛ꠆ꠛꠤ ꠘꠦꠔꠣꠞꠦ ꠟꠁꠀ ꠔꠣꠘ ꠇꠥꠞꠛꠣꠘꠤ ꠇꠞꠣ ꠙꠡꠥꠞ ꠅꠘꠅ ꠃꠛꠣꠁ ꠞꠁꠍꠂꠘ। 7 ꠅꠃ ꠡꠝꠄ ꠛꠣꠟꠣꠝ ꠙꠤꠞꠦ ꠀꠟ꠆ꠟꠣꠞ ꠢꠤꠇꠣꠁꠀ ꠖꠦꠅꠀ ꠅꠃ ꠛꠥꠟꠤ ꠢꠇꠟ ꠢꠥꠘꠣꠁꠟꠣ, ꠇꠁꠟꠣ,

11 ꠁꠈꠣꠘ ꠢꠥꠘꠤꠀ ꠛꠣꠖꠡꠣ ꠛꠣꠟꠣꠇꠦ ꠛꠣꠟꠣꠝꠞꠦ ꠇꠁꠟꠣ, “ꠀꠙꠘꠦ ꠁꠔꠣ ꠇꠤꠔꠣ ꠇꠞꠟꠣ? ꠀꠙꠘꠣꠞꠦ ꠀꠘꠣꠁꠟꠣꠝ ꠀꠝꠣꠞ ꠖꠥꠡꠝꠘꠞꠦ ꠟꠣꠘ꠆ꠘꠔ ꠖꠤꠛꠣꠞ ꠟꠣꠉꠤ, ꠀꠞ ꠀꠙꠘꠦ ꠈꠣꠟꠤ ꠔꠣꠞꠣꠞꠦ ꠖꠥꠀ ꠖꠤꠟꠣ।” 12 ꠛꠣꠟꠣꠝ ꠙꠤꠞꠦ ꠎꠥꠀꠙ ꠖꠤꠟꠣ, “ꠝꠣꠛꠥꠖꠦ ꠀꠝꠣꠞ ꠝꠥꠈꠅ ꠎꠦꠔꠣ ꠎꠥꠉꠣꠁ ꠖꠤꠍꠂꠘ, ꠁꠔꠣ ꠀꠝꠤ ꠇꠁꠝꠥ ꠘꠣ ꠇꠤꠟꠣ?”

13 ꠛꠣꠖꠦ ꠛꠣꠖꠡꠣ ꠛꠣꠟꠣꠇꠦ ꠛꠣꠟꠣꠝ ꠙꠤꠞꠞꠦ ꠇꠁꠟꠣ, “ꠀꠙꠘꠦ ꠀꠝꠣꠞ ꠟꠉꠦ ꠀꠞꠇ ꠎꠣꠉꠣꠔ ꠀꠃꠇ꠆ꠇꠣ। ꠢꠘ ꠕꠘꠦ ꠀꠙꠘꠣꠞ ꠌꠃꠈꠦ ꠛꠘꠤ ꠁꠍꠞꠣꠁꠟꠞ ꠖꠦꠈꠣ ꠙꠣꠁꠛꠣ। ꠔꠣꠞꠣ ꠢꠇꠟꠞꠦ ꠖꠦꠈꠣ ꠎꠣꠁꠔ ꠘꠣꠄ, ꠈꠣꠟꠤ ꠄꠇ ꠅꠋꠡꠞꠦ ꠀꠙꠘꠦ ꠖꠦꠈꠛꠣ, ꠖꠦꠈꠤꠀ ꠀꠙꠘꠦ ꠀꠝꠣꠞ ꠙꠇ꠆ꠇ ꠟꠁꠀ ꠔꠣꠞꠣꠞꠦ ꠟꠣꠘ꠆ꠘꠔ ꠖꠤꠛꠣ।” 14 ꠅꠈꠣꠘ ꠇꠁꠀ ꠛꠣꠖꠡꠣ ꠛꠣꠟꠣꠇꠦ ꠔꠣꠘꠞꠦ ꠟꠁꠀ ꠙꠤꠍꠉꠣ ꠙꠣꠠꠞ ꠃꠙꠞꠞ ꠎꠚꠤꠝ ꠘꠣꠝꠞ ꠛꠘ꠆ꠖꠞ ꠝꠣꠎꠦ ꠟꠁꠀ ꠉꠦꠟꠣ। ꠉꠤꠀ ꠢꠘꠅ ꠡꠣꠔꠈꠣꠘ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠀ ꠙꠞꠔꠦꠇ ꠇꠥꠞꠛꠣꠘꠤ ꠈꠣꠘꠣꠔ ꠄꠉꠥ ꠇꠞꠤ ꠛꠤꠍꠣꠟ ꠀꠞ ꠄꠉꠥ ꠇꠞꠤ ꠝꠦꠠꠣ ꠇꠥꠞꠛꠣꠘꠤ ꠖꠤꠟꠣ।

15 ꠛꠣꠖꠦ ꠛꠣꠟꠣꠝ ꠙꠤꠞꠦ ꠛꠣꠖꠡꠣ ꠛꠣꠟꠣꠇꠞꠦ ꠇꠁꠟꠣ, “ꠎꠣꠟꠣꠁꠟ ꠇꠥꠞꠛꠣꠘꠤꠞ ꠘꠤꠅꠔꠦ ꠎꠦꠔꠣ ꠙꠡꠥ ꠇꠥꠞꠛꠣꠘꠤ ꠖꠦꠅꠀ ꠅꠁꠍꠦ, ꠀꠙꠘꠦ ꠅꠔꠣꠞ ꠗꠣꠞꠅ ꠞꠃꠇ꠆ꠇꠣ। ꠀꠝꠤ ꠅꠤꠘ꠆ꠘꠛꠣꠄ ꠎꠣꠁꠞꠣꠝ, ꠝꠣꠛꠥꠖꠞ ꠖꠤꠖꠣꠞ ꠙꠣꠅꠀꠞ ꠀꠡꠣꠄ।” 16 ꠝꠣꠛꠥꠖꠦ ꠛꠣꠟꠣꠝ ꠙꠤꠞꠞꠦ ꠖꠤꠖꠣꠞ ꠖꠤꠟꠣ, ꠀꠞ ꠔꠣꠞ ꠎꠛꠣꠘꠞ ꠝꠣꠎꠦ ꠇꠤꠍꠥ ꠛꠥꠟꠤ ꠎꠥꠉꠣꠁ ꠖꠤꠀ ꠇꠁꠟꠣ, “ꠔꠥꠝꠤ ꠛꠣꠖꠡꠣ ꠛꠣꠟꠣꠇꠞ ꠉꠦꠍꠦ ꠀꠝꠣꠞ ꠢꠤꠇꠣꠁꠟ ꠅꠃ ꠝꠣꠔ ꠝꠣꠔꠤꠅ।” 17 ꠔꠦꠃ ꠔꠣꠁꠘ ꠛꠣꠖꠡꠣꠞ ꠉꠦꠍꠦ ꠉꠦꠟꠣ। ꠉꠤꠀ ꠖꠦꠈꠟꠣ ꠛꠣꠖꠡꠣꠄ ꠝꠥꠀꠛ ꠖꠦꠡꠞ ꠘꠦꠔꠣ ꠅꠇꠟꠞꠦ ꠟꠁꠀ ꠇꠥꠞꠛꠣꠘꠤ ꠇꠞꠣ ꠙꠡꠥꠞ ꠉꠦꠍꠦ ꠃꠛꠣꠁ ꠞꠁꠍꠂꠘ। ꠛꠣꠖꠡꠣꠄ ꠔꠣꠘꠞꠦ ꠎꠤꠇꠣꠁꠟꠣ, “ꠝꠣꠛꠥꠖꠦ ꠀꠙꠘꠣꠞꠦ ꠇꠤꠔꠣ ꠇꠁꠍꠂꠘ?” 18 ꠛꠣꠟꠣꠝ ꠙꠤꠞꠦ ꠅꠃ ꠡꠝꠄ ꠀꠟ꠆ꠟꠣꠞ ꠢꠤꠇꠣꠁꠟ ꠅꠃ ꠛꠥꠟꠤ ꠇꠁꠟꠣ,

25 ꠁꠈꠣꠘ ꠢꠥꠘꠤꠀ ꠛꠣꠖꠡꠣ ꠛꠣꠟꠣꠇꠦ ꠇꠁꠟꠣ, “ꠛꠘ꠆ꠖ ꠇꠞꠃꠇ꠆ꠇꠣ, ꠀꠙꠘꠦ ꠔꠣꠞꠣꠞꠦ ꠖꠥꠀꠅ ꠖꠤꠛꠣ ꠘꠣ, ꠟꠣꠘ꠆ꠘꠔꠅ ꠖꠤꠛꠣ ꠘꠣ।” 26 ꠛꠣꠟꠣꠝ ꠙꠤꠞꠦ ꠎꠥꠀꠙ ꠖꠤꠟꠣ, “ꠀꠝꠤ ꠔ ꠀꠙꠘꠣꠞꠦ ꠀꠉꠦꠃ ꠇꠁꠍꠤ, ꠝꠣꠛꠥꠖꠦ ꠀꠝꠣꠞꠦ ꠎꠦꠟꠣ ꠇꠁꠛꠣ, ꠀꠝꠣꠞ ꠅꠟꠣꠃ ꠇꠞꠣ ꠟꠣꠉꠛ।”

27 ꠛꠣꠖꠦ ꠛꠣꠟꠣꠇ ꠛꠣꠖꠡꠣꠄ ꠛꠣꠟꠣꠝ ꠙꠤꠞꠞꠦ ꠇꠁꠟꠣ, “ꠀꠃꠇ꠆ꠇꠣ, ꠀꠝꠤ ꠀꠙꠘꠣꠞꠦ ꠀꠞꠇ ꠎꠣꠉꠣꠔ ꠟꠁꠀ ꠎꠣꠁꠝꠥ। ꠢꠘꠅ ꠉꠦꠟꠦ ꠅꠁꠔ ꠙꠣꠞꠦ ꠀꠟ꠆ꠟꠣꠄ ꠈꠥꠡꠤ ꠅꠁꠀ ꠀꠝꠣꠞ ꠙꠇ꠆ꠇ ꠟꠁꠛꠣ, ꠀꠞ ꠀꠙꠘꠣꠞꠦꠖꠤ ꠢꠔꠣꠞ ꠃꠙꠞꠦ ꠟꠣꠘ꠆ꠘꠔ ꠖꠤꠔꠦ ꠖꠤꠛꠣ।” 28 ꠅꠈꠣꠘ ꠇꠁꠀ ꠛꠣꠖꠡꠣꠄ ꠔꠣꠘꠞꠦ ꠟꠁꠀ ꠙꠤꠃꠞ ꠘꠣꠝꠞ ꠙꠣꠠꠞ ꠃꠙꠞꠦ ꠉꠦꠟꠣ, ꠅꠃ ꠎꠣꠉꠣ ꠕꠣꠇꠤ ꠝꠞꠥꠜꠥꠝꠤ ꠖꠦꠈꠣ ꠎꠣꠄ।

29 ꠅꠃ ꠡꠝꠄ ꠛꠣꠟꠣꠝ ꠙꠤꠞꠦ ꠇꠁꠟꠣ, “ꠅꠘꠅ ꠀꠝꠣꠞ ꠟꠣꠉꠤ ꠡꠣꠔꠈꠣꠘ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠀ, ꠡꠣꠔꠉꠥ ꠛꠤꠍꠣꠟ ꠀꠞ ꠡꠣꠔꠉꠥ ꠝꠦꠠꠣ ꠇꠥꠞꠛꠣꠘꠤꠞ ꠛꠦꠛꠡ꠆ꠔꠣ ꠇꠞꠃꠇ꠆ꠇꠣ।” 30 ꠙꠤꠞ ꠍꠣꠛꠞ ꠇꠕꠣꠝꠔ ꠛꠣꠖꠡꠣꠄ ꠅꠟꠣꠃ ꠇꠞꠟꠣ। ꠔꠣꠁꠘ ꠙꠞꠔꠦꠇ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠄꠉꠥ ꠇꠞꠤ ꠛꠤꠍꠣꠟ ꠀꠞ ꠄꠉꠥ ꠇꠞꠤ ꠝꠦꠠꠣ ꠇꠥꠞꠛꠣꠘꠤ ꠖꠤꠟꠣ।