33
ꠛꠘꠤ ꠁꠍꠞꠣꠁꠟꠞ ꠍꠚꠞꠞ ꠙꠕ
1 ꠝꠥꠍꠣ ꠀꠞ ꠢꠣꠞꠥꠘ ꠘꠛꠤꠞ ꠘꠦꠔꠣꠉꠤꠞꠤꠄ ꠛꠘꠤ ꠁꠍꠞꠣꠁꠟ ꠎꠣꠔꠤ ꠚꠃꠎꠤ ꠖꠟ ꠢꠣꠎꠤꠀ, ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠅꠁꠀ ꠀꠅꠀꠞ ꠛꠣꠖꠦ ꠘꠣꠘꠣꠘ ꠎꠣꠉꠣꠔ ꠖꠝ ꠟꠁꠟꠣ। 2 ꠀꠞ ꠝꠣꠛꠥꠖꠞ ꠢꠥꠇꠥꠝꠦ ꠝꠥꠍꠣ ꠘꠛꠤꠄ ꠔꠣꠞꠣꠞ ꠖꠝ ꠟꠅꠀꠞ ꠎꠣꠉꠣꠁꠘ꠆ꠔꠞ ꠘꠣꠝ ꠟꠦꠈꠤꠀ ꠕꠁꠟꠣ। ꠅꠃ ꠎꠣꠉꠣꠁꠘ ꠅꠁꠟ, 3 ꠛꠍꠞꠞ ꠙꠄꠟꠣ ꠌꠣꠘ꠆ꠖꠞ ꠙꠘꠞ ꠔꠣꠞꠤꠈ, ꠝꠣꠘꠤ ꠀꠎꠣꠖꠤ ꠁꠖꠞ ꠛꠣꠖꠞ ꠖꠤꠘ, ꠔꠣꠞꠣ ꠝꠤꠡꠞ ꠖꠦꠡꠞ ꠞꠣꠝꠣꠡꠦꠡ ꠄꠟꠣꠇꠣ ꠕꠣꠇꠤ ꠞꠅꠀꠘꠣ ꠅꠁꠟꠣ। ꠝꠤꠡꠞꠞ ꠢꠇꠟ ꠝꠣꠘꠡꠞ ꠌꠈꠥꠞ ꠍꠣꠝꠘꠦꠖꠤ ꠔꠣꠞꠣ ꠛꠥꠇ ꠚꠥꠟꠣꠁꠀ ꠛꠣꠞ ꠅꠁꠀ ꠀꠁꠟꠣ। 4 ꠅꠃ ꠡꠝꠄ ꠝꠤꠡꠞꠤ ꠅꠇꠟꠦ ꠔꠣꠞꠣꠞ ꠛꠠ ꠙꠥꠀꠂꠘ꠆ꠔꠞ ꠟꠣꠡ ꠖꠣꠚꠘ ꠇꠞꠣꠔ ꠀꠍꠤꠟ। ꠝꠣꠛꠥꠖꠦ ꠀꠉꠞ ꠞꠣꠁꠔ ꠔꠣꠞꠣꠞ ꠢꠇꠟ ꠊꠞꠞ ꠛꠠ ꠙꠥꠀꠂꠘꠞꠦ ꠝꠣꠞꠤꠟꠤꠍꠟꠣ। ꠔꠣꠁꠘ ꠅꠔꠣꠞ ꠖꠦꠛ-ꠖꠦꠛꠤꠞ ꠃꠙꠞꠦꠅ ꠉꠎꠛ ꠓꠣꠟꠤꠀ ꠔꠣꠞꠣꠞ ꠙꠣꠅꠘꠣ ꠡꠣꠎꠣ ꠖꠤꠍꠟꠣ।
5 ꠛꠘꠤ ꠁꠍꠞꠣꠁꠟꠦ ꠞꠣꠝꠣꠡꠦꠡ ꠄꠟꠣꠇꠣ ꠍꠣꠠꠤꠀ ꠡꠥꠇ꠆ꠇꠔꠅ ꠀꠁꠀ ꠔꠣꠝ꠆ꠛꠥ ꠉꠣꠠꠤꠟꠣ।
6 ꠛꠣꠖꠦ ꠡꠥꠇ꠆ꠇꠔ ꠕꠣꠇꠤ ꠝꠞꠥꠜꠥꠝꠤꠞ ꠇꠣꠘ꠆ꠖꠣꠔ ꠄꠕꠝ ꠘꠣꠝꠞ ꠎꠣꠉꠣꠔ ꠀꠁꠀ ꠔꠣꠝ꠆ꠛꠥ ꠉꠣꠠꠤꠟꠣ।
7 ꠀꠞ ꠄꠕꠝ ꠕꠣꠇꠤ ꠛꠣꠀꠟ-ꠎꠣꠚꠘꠞ ꠍꠣꠝꠘꠦ ꠝꠤꠉꠖꠥꠟꠞ ꠇꠣꠘ꠆ꠖꠣꠔ ꠚꠣꠝꠣ-ꠢꠤꠞꠥꠔ ꠘꠣꠝꠞ ꠎꠣꠉꠣꠔ ꠀꠁꠀ ꠔꠣꠝ꠆ꠛꠥ ꠉꠣꠠꠤꠟꠣ।
8 ꠛꠣꠖꠦ ꠚꠣꠝꠣ-ꠢꠤꠞꠥꠔ ꠕꠣꠇꠤ ꠖꠞꠤꠀ ꠙꠣꠞ ꠅꠁꠀ ꠄꠕꠝ ꠝꠞꠥꠜꠥꠝꠤꠔ ꠉꠦꠟꠣ, ꠅꠃ ꠝꠞꠥꠜꠥꠝꠤ ꠛꠣꠄ ꠔꠤꠘ ꠖꠤꠘꠞ ꠙꠕ ꠙꠣꠠꠤ ꠖꠤꠀ ꠝꠣꠞꠥꠀꠔ ꠉꠤꠀ ꠔꠣꠝ꠆ꠛꠥ ꠉꠣꠠꠤꠟꠣ।
9 ꠛꠣꠖꠦ ꠝꠣꠞꠥꠀ ꠕꠣꠇꠤ ꠄꠟꠤꠝꠅ ꠉꠦꠟꠣ, ꠁꠘꠅ ꠙꠣꠘꠤꠞ ꠛꠣꠞꠅꠉꠥ ꠁꠘ꠆ꠖꠣꠞꠣ ꠀꠞ ꠡꠔ꠆ꠔꠁꠞꠉꠥ ꠈꠦꠎꠥꠞ ꠉꠣꠍ ꠀꠍꠤꠟ।
10 ꠄꠞꠛꠣꠖꠦ ꠄꠟꠤꠝ ꠍꠣꠠꠤꠀ ꠘꠤꠟ ꠖꠞꠤꠀꠞ ꠙꠣꠞꠅ ꠉꠤꠀ ꠔꠣꠝ꠆ꠛꠥ ꠉꠣꠠꠤꠟꠣ।
11 ꠢꠘꠅ ꠕꠣꠇꠤ ꠍꠤꠘ ꠝꠞꠥꠜꠥꠝꠤꠔ ꠀꠁꠀ ꠞꠁꠟꠣ।
12 ꠀꠞ ꠍꠤꠘ ꠝꠞꠥꠜꠥꠝꠤ ꠕꠣꠇꠤ ꠖꠙꠇꠣ ꠘꠣꠝꠞ ꠎꠣꠉꠣꠔ ꠉꠤꠀ ꠇꠦꠝ꠆ꠙ ꠉꠣꠠꠤꠟꠣ।
13 ꠛꠣꠖꠦ ꠖꠙꠇꠣ ꠍꠣꠠꠤꠀ ꠀꠟꠥꠡꠅ ꠉꠤꠀ ꠇꠦꠝ꠆ꠙ ꠉꠣꠠꠤꠟꠣ।
14 ꠀꠟꠥꠡ ꠕꠣꠇꠤ ꠞꠚꠤꠖꠤꠝꠅ ꠉꠦꠟꠣ, ꠁꠘꠅ ꠈꠣꠁꠛꠣꠞ ꠇꠥꠘꠥ ꠙꠣꠘꠤ ꠀꠍꠤꠟ ꠘꠣ।
15 ꠔꠦꠃ ꠞꠚꠤꠖꠤꠝ ꠍꠣꠠꠤꠀ ꠔꠣꠞꠣ ꠍꠤꠘꠣꠁ ꠝꠞꠥꠜꠥꠝꠤꠔ ꠉꠤꠀ ꠇꠦꠝ꠆ꠙ ꠉꠣꠠꠤꠟꠣ।
16 ꠄꠞꠛꠣꠖꠦ ꠍꠤꠘꠣꠁ ꠝꠞꠥꠜꠥꠝꠤ ꠕꠣꠇꠤ ꠇꠤꠛꠞꠥꠔ-ꠢꠥꠔꠣꠛꠣ।
17 ꠇꠤꠛꠞꠥꠔ-ꠢꠥꠔꠣꠛꠣ ꠕꠣꠇꠤ ꠢꠣꠎꠤꠞꠥꠔ।
18 ꠢꠣꠎꠤꠞꠥꠔ ꠕꠣꠇꠤ ꠞꠤꠔꠝꠣ।
19 ꠞꠤꠔꠝꠣ ꠕꠣꠇꠤ ꠞꠤꠝ꠆ꠝꠘ-ꠙꠦꠞꠡ।
20 ꠅꠈꠣꠘ ꠕꠣꠇꠤ ꠟꠤꠛꠘꠣ।
21 ꠟꠤꠛꠘꠣ ꠕꠣꠇꠤ ꠞꠤꠍꠍꠣ।
22 ꠞꠤꠍꠍꠣ ꠕꠣꠇꠤ ꠇꠢꠦꠟꠣꠔꠣ ꠘꠣꠝꠞ ꠎꠣꠉꠣꠔ ꠔꠣꠝ꠆ꠛꠥ ꠉꠣꠠꠤꠟꠣ।
23 ꠛꠣꠖꠦ ꠉꠦꠟꠣ ꠡꠦꠚꠞ ꠙꠣꠠꠅ।
24 ꠅꠈꠣꠘ ꠕꠣꠇꠤ ꠢꠞꠣꠖꠣ।
25 ꠢꠞꠣꠖꠣ ꠕꠣꠇꠤ ꠝꠈꠦꠟꠥꠔ।
26 ꠅꠘ ꠕꠣꠇꠤ ꠔꠢꠔ।
27 ꠛꠣꠖꠦ ꠔꠣꠞꠦꠈ।
28 ꠔꠣꠞꠦꠈ ꠕꠣꠇꠤ ꠝꠤꠔꠇꠣ।
29 ꠝꠤꠔꠇꠣ ꠕꠣꠇꠤ ꠢꠡꠝꠥꠘꠣ।
30 ꠛꠣꠖꠦ ꠝꠍꠦꠞꠥꠔ।
31 ꠅꠘ ꠕꠣꠇꠤ ꠛꠘꠤ-ꠁꠀꠇꠣꠘ।
32 ꠛꠣꠖꠦ ꠢꠥꠞ-ꠢꠉ꠆ꠉꠤꠖꠉꠖ।
33 ꠅꠘ ꠕꠣꠇꠤ ꠎꠔꠛꠣꠔꠣ।
34 ꠎꠔꠛꠣꠔꠣ ꠕꠣꠇꠤ ꠅꠛꠞꠥꠘꠣ।
35 ꠛꠣꠖꠦ ꠁꠎꠤꠅꠘ-ꠉꠦꠛꠦꠞ।
36 ꠀꠞ ꠅꠈꠣꠘ ꠕꠣꠇꠤ ꠎꠤꠘ ꠝꠞꠥꠜꠥꠝꠤꠞ ꠇꠣꠘ꠆ꠖꠣꠔ ꠇꠣꠖꠦꠡ ꠄꠟꠣꠇꠣꠔ ꠉꠤꠀ ꠔꠣꠝ꠆ꠛꠥ ꠉꠣꠠꠤꠟꠣ।
37 ꠛꠣꠖꠦ ꠇꠣꠖꠦꠡ ꠍꠣꠠꠤꠀ ꠁꠖꠥꠝ ꠖꠦꠡꠞ ꠡꠤꠝꠣꠘꠣꠞ ꠉꠦꠍꠦ ꠢꠥꠞ ꠙꠣꠠꠅ ꠞꠁꠟꠣ।
38 ꠛꠘꠤ ꠁꠍꠞꠣꠁꠟ ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠅꠁ ꠀꠅꠀꠞ ꠛꠣꠖꠦ, ꠌꠣꠟ꠆ꠟꠤꠡ ꠛꠍꠞꠞ ꠙꠣꠌ ꠘꠝ꠆ꠛꠞ ꠌꠣꠘ꠆ꠖꠞ ꠙꠄꠟꠣ ꠖꠤꠘ ꠁꠝꠣꠝ ꠢꠣꠞꠥꠘ ꠝꠣꠛꠥꠖꠞ ꠢꠥꠇꠥꠝꠦ ꠢꠥꠞ ꠙꠣꠠꠞ ꠃꠙꠞꠦ ꠃꠑꠤꠍꠟꠣ, ꠀꠞ ꠢꠘꠅ ꠔꠣꠘ ꠃꠚꠣꠔ ꠅꠁꠟ। 39 ꠔꠣꠁꠘ ꠄꠇ-ꠡ ꠔꠦꠁꠡ ꠛꠍꠞ ꠛꠄꠅꠡꠅ ꠢꠥꠞ ꠙꠣꠠꠞ ꠃꠙꠞꠦ ꠁꠘ꠆ꠔꠦꠇꠣꠟ ꠇꠞꠟꠣ।
40 ꠄꠞꠝꠣꠎꠦ ꠅꠞꠣꠖ ꠄꠟꠣꠇꠣꠞ ꠇꠦꠘꠣꠘꠤ ꠛꠣꠖꠡꠣꠄ ꠈꠛꠞ ꠙꠣꠁꠟꠣ, ꠛꠘꠤ ꠁꠍꠞꠣꠁꠟ ꠅꠘꠅ ꠀꠁꠍꠂꠘ। ꠔꠣꠁꠘ ꠔ ꠇꠦꠘꠣꠘ ꠖꠦꠡꠞ ꠘꠦꠉꠦꠜ ꠝꠞꠥꠜꠥꠝꠤꠔ ꠞꠁꠔꠣ।
41 ꠛꠣꠖꠦ ꠛꠘꠤ ꠁꠍꠞꠣꠁꠟꠦ ꠢꠥꠞ ꠙꠣꠠ ꠍꠣꠠꠤꠀ ꠍꠟꠝꠥꠘꠣ ꠘꠣꠝꠞ ꠎꠣꠉꠣꠔ ꠉꠤꠀ ꠔꠣꠝ꠆ꠛꠥ ꠉꠣꠠꠤꠟꠣ।
42 ꠍꠟꠝꠥꠘꠣ ꠕꠣꠇꠤ ꠙꠥꠘꠘ ꠉꠦꠟꠣ।
43 ꠙꠥꠘꠘ ꠕꠣꠇꠤ ꠅꠛꠥꠔ ꠉꠦꠟꠣ।
44 ꠅꠛꠥꠔ ꠕꠣꠇꠤ ꠝꠥꠀꠛ ꠖꠦꠡꠞ ꠡꠤꠝꠣꠘꠣꠔ ꠁꠀ-ꠀꠛꠣꠞꠤꠝꠅ ꠉꠦꠟꠣ।
45 ꠅꠈꠣꠘ ꠕꠣꠇꠤ ꠖꠤꠛꠣꠘ-ꠍꠣꠖꠥ ꠉꠦꠟꠣ।
46 ꠅꠘ ꠕꠣꠇꠤ ꠀꠟꠝꠥꠘ-ꠖꠤꠛ꠆ꠟꠣꠔꠤꠝꠅ ꠉꠦꠟꠣ।
47 ꠛꠣꠖꠦ ꠔꠣꠞꠣ ꠀꠛꠣꠞꠤꠝ ꠙꠣꠠꠅ ꠃꠑꠤꠀ ꠘꠛꠅ ꠘꠣꠝꠞ ꠐꠤꠟ꠆ꠟꠣꠞ ꠇꠣꠘ꠆ꠖꠣꠔ ꠇꠦꠝ꠆ꠙ ꠉꠣꠠꠤꠟꠣ।
48 ꠄꠞꠛꠣꠖꠦ ꠀꠛꠣꠞꠤꠝ ꠙꠣꠠ ꠍꠣꠠꠤꠀ ꠎꠤꠞꠤꠢꠅ ꠐꠣꠃꠘꠞ ꠃꠟꠐꠣꠛꠣꠄ ꠎꠞ꠆ꠖꠣꠘ ꠉꠣꠋꠉꠞ ꠇꠣꠘ꠆ꠖꠣꠔ ꠝꠥꠀꠛ ꠖꠦꠡꠞ ꠔꠟ ꠎꠣꠉꠣꠔ ꠔꠣꠝ꠆ꠛꠥ ꠉꠣꠠꠤꠟꠣ।
49 ꠁ ꠇꠦꠝ꠆ꠙꠞ ꠡꠤꠝꠣꠘꠣ ꠀꠍꠤꠟ ꠎꠞ꠆ꠖꠣꠘ ꠉꠣꠋꠉꠞ ꠙꠣꠞꠅ ꠝꠥꠀꠛ ꠄꠟꠣꠇꠣꠞ ꠔꠟ ꠎꠣꠉꠣ ꠛꠣꠄꠔ-ꠎꠤꠡꠤꠝꠥꠔ ꠕꠣꠇꠤ ꠀꠛꠦꠟ-ꠡꠤꠐꠤꠝ ꠐꠣꠃꠘ ꠙꠞ꠆ꠎꠘ꠆ꠔ।
50 ꠀꠞ ꠅꠃ ꠡꠝꠄ ꠎꠤꠞꠤꠢꠅ ꠄꠟꠣꠇꠣꠞ ꠎꠞ꠆ꠖꠣꠘ ꠉꠣꠋꠉꠞ ꠗꠣꠞꠅ ꠝꠥꠀꠛ ꠖꠦꠡꠞ ꠔꠟ ꠎꠣꠉꠣꠔ ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠇꠁꠟꠣ, 51 “ꠔꠥꠝꠤ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁ ꠖꠦꠅ, ꠔꠥꠝꠞꠣ ꠎꠦꠛꠟꠣ ꠎꠞ꠆ꠖꠣꠘ ꠉꠣꠋ ꠙꠣꠞ ꠅꠁꠀ ꠇꠦꠘꠣꠘ ꠖꠦꠡꠅ ꠉꠤꠀ ꠀꠎꠤꠛꠣꠄ, 52 ꠅꠃ ꠡꠝꠄ ꠔꠥꠝꠞꠣꠞ ꠍꠣꠝꠘ ꠕꠣꠇꠤ ꠢꠘꠞ ꠢꠇꠟ ꠝꠣꠘꠡꠞꠦ ꠈꠦꠖꠣꠁ ꠖꠤꠛꠣꠄ। ꠈꠦꠖꠣꠁꠀ ꠔꠣꠞꠣꠞ ꠙꠣꠔ꠆ꠔꠞ ꠈꠥꠖꠤꠀ ꠛꠣꠘꠣꠁꠟ ꠢꠇꠟ ꠝꠥꠞ꠆ꠔꠤ ꠜꠣꠋꠉꠤꠀ ꠌꠥꠞꠝꠣꠞ ꠇꠞꠛꠣꠄ। ꠢꠥꠘꠣꠞꠞ ꠀꠔꠤꠀꠞꠖꠤ ꠛꠣꠘꠣꠁꠟ ꠢꠇꠟ ꠖꠦꠛ-ꠖꠦꠛꠤꠞ ꠝꠥꠞ꠆ꠔꠤ ꠛꠤꠘꠣꠡ ꠇꠞꠛꠣꠄ। ꠀꠞ ꠐꠤꠟ꠆ꠟꠣꠞ ꠃꠙꠞꠞ ꠖꠦꠛꠔꠣꠞ ꠘꠣꠝꠞ ꠙꠡꠥꠞ-ꠛꠟꠤ ꠈꠣꠘꠣꠁꠘ ꠔꠥꠟꠤꠀ ꠚꠣꠟꠣꠁꠛꠣꠄ। 53 ꠅꠟꠣꠈꠣꠘ ꠔꠥꠝꠞꠣ ꠀꠡ꠆ꠔꠣ ꠖꠦꠡ ꠖꠈꠟ ꠇꠞꠤꠀ ꠢꠘꠅ ꠛꠡꠔ ꠇꠞꠛꠣꠄ। ꠝꠘꠅ ꠞꠣꠈꠤꠅ, ꠔꠥꠝꠞꠣꠞ ꠖꠈꠟꠖꠣꠞꠤꠞ ꠟꠣꠉꠤ ꠁ ꠖꠦꠡꠈꠣꠘ ꠀꠝꠤ ꠔꠥꠝꠞꠣꠞꠦ ꠖꠣꠘ ꠇꠞꠍꠤ। 54 ꠢꠘꠅ ꠟꠐꠣꠞꠤ ꠝꠣꠞꠤꠀ ꠔꠥꠝꠞꠣꠞ ꠘꠣꠘꠣꠘ ꠉꠥꠡ꠆ꠐꠤꠞ ꠎꠣꠉꠣ ꠛꠣꠐꠤꠀ ꠘꠤꠅ। ꠎꠦ ꠉꠥꠡ꠆ꠐꠤꠔ ꠛꠦꠡꠤ ꠝꠣꠘꠥꠡ ꠔꠣꠞꠣꠞꠦ ꠛꠦꠡꠤ ꠎꠣꠉꠣ, ꠀꠞ ꠇꠝ ꠅꠁꠟꠦ ꠇꠝ ꠎꠣꠉꠣ ꠖꠤꠅ। ꠟꠐꠣꠞꠤꠔ ꠎꠦ ꠉꠥꠡ꠆ꠐꠤꠄ ꠎꠦ ꠎꠣꠉꠣ ꠙꠣꠁꠛꠣ, ꠔꠣꠞꠣ ꠅꠘꠅꠃ ꠛꠡꠔ ꠇꠞꠛꠣ। ꠈꠣꠘ꠆ꠖꠣꠘꠞ ꠝꠣꠎꠞ ꠘꠣꠘꠣꠘ ꠉꠥꠡ꠆ꠐꠤꠄ ꠎꠣꠞꠎꠤꠞ ꠈꠣꠘ꠆ꠖꠣꠘꠞ ꠄꠟꠣꠇꠣꠞ ꠝꠣꠎꠦ ꠎꠣꠉꠣ ꠙꠣꠁꠛꠣ। 55 ꠅꠁꠟꠦ ꠔꠥꠝꠞꠣ ꠎꠥꠖꠤ ꠢꠘꠞ ꠛꠣꠡꠤꠘ꠆ꠖꠣ ꠅꠇꠟꠞꠦ ꠘꠣ ꠖꠦꠈꠣꠅ, ꠔꠦ ꠔꠣꠞꠣꠞ ꠎꠦꠉꠥꠁꠘ ꠞꠁꠛꠣ, ꠁꠉꠥꠁꠘ ꠔꠥꠝꠞꠣꠞ ꠌꠈꠥꠞ ꠇꠣꠐꠣ ꠀꠞ ꠛꠥꠇꠥꠞ ꠍꠦꠟ ꠛꠘꠤꠀ ꠞꠁꠛꠣ। ꠁꠔꠣꠄ ꠔꠥꠝꠞꠣꠞ ꠛꠡꠔꠤ ꠎꠝꠤꠘꠅ ꠔꠥꠝꠞꠣꠞꠦ ꠎꠥꠟꠥꠝ-ꠝꠍꠤꠛꠔꠅ ꠚꠣꠟꠣꠁꠛꠣ। 56 ꠢꠃ ꠡꠝꠄ ꠀꠝꠤ ꠔꠥꠝꠞꠣꠞꠦ ꠅꠟꠣ ꠡꠣꠎꠣ ꠖꠤꠝꠥ, ꠎꠦ ꠡꠣꠎꠣ ꠈꠣꠟꠤ ꠔꠣꠞꠣꠞ ꠟꠣꠉꠤꠃ ꠑꠤꠇ ꠇꠞꠤꠀ ꠕꠁꠍꠟꠣꠝ।”