2
1 Evi i vyaapwile kulengua kwa lyulu ni kyalo pamo ni byonse bilimo. 2 ✡2.2: Bae 4.4,10; Kut 20.11Mu busiku bwa kilooba, Leza waali wasyapwile miilo yakue yonse i-aali wakita. Ni pakako, waatuziizie busiku bwa kilooba ni kulekela kubomba miilo yakue yonse i-aali wakita. 3 Leza waapaalile busiku bwa kilooba ni kubuzuukia pantu i busiku bu-atuziiziemo pa kyamba kya miilo ya kulenga bintu byonse. 4 Leli i lyasi lya kulengua kwa lyulu ni kyalo.
Bukaba bwa mu Edeni
Yawe Leza lu-aalengele lyulu ni kyalo, 5 pa kyalo tepaali pamenene kantu, ni saasa wa mu kisonso waali teunamene, pantu Yawe Leza waali tananokiepo nvula, kabili tepaali muntu wa kulima musili. 6 Inzi menda a pansi i-aali aleeta kinwanvi pa bulongo.
7 ✡2.7: 1 Bak 15.45Yawe Leza waabuulile lufunko lwa bulongo, wabumba mwalalume ni kumupuzila mupuze wa bukose mu myona, ni ye wa-aluka kilengua kikose.
8 Kabili Yawe Leza waakitile bukaba mu Edeni lya ku kabanga ni kubiikamo muntu u-aabumbile. 9 ✡2.9: Nfy 2.7; 22.2,14Yawe Leza waameniizie misango yonse ya bimuti pa musili, bimuti biweme mu monekelo, bilibyaseekako mazabo aweme a kulia. Pa bukata bwa bukaba, paali pali kimuti kya bukose ni kimuti kya kumana biweme ni bibiipile.*2.9 Kumana biweme ni bibiipile; Ao Kumana kubalua kantu.
10 Momo mu Edeni i mwaali mwafumine mwenzi waali waleeta kinwanvi mu bukaba. Ozo mwenzi waali wakasanikilemo myenzi ina. 11 Mwenzi wa mambo uliwakuutua Pishoni. Ozo mwenzi i uzyungulukiile kyalo kya Havila kilimo oro. 12 Oro ya mu kekio kyalo iwamiisie, kabili i muli butonvu bwa bunu ni mabue a oniksi. 13 Mwenzi wa bubili uliwakuutua Gioni. Ozo mwenzi i uzyungulukiile kyalo kya Kushi.†2.13 Kushi (Ili lya ku nkungulua kabamga ya Mezopotamia); Ao Etiopia 14 Mwenzi wa butatu uliwakuutua Tigri. Ozo i upitile lya ku kabanga ka Asiria. Ni mwenzi wa buna uliwakuutua Efrati.
15 Kabili Yawe Leza waamutweme muntu ni kuya kumuteeka mu bukaba bwa mu Edeni kuti aye wasekwila ni kubulabukila. 16 Yawe Leza waamwanine evi, “Mazabo onse a ku bimuti bya mu bukaba kuti wa-alia, 17 inga sie mazabo a ku kimuti kya kumana biweme ni bibiipile, kyene tekuti ukalieko. Busiku buwaakalia mazabo a ku keki kimuti, kisinka waakafua!”
18 Kabili Yawe Leza waalandile evi, “Muntu tapalile kuya waikeele bunke bwakue. Ndikumukitila mukwasi amupalile.” 19 Yawe Leza waabuulile bulongo ni kubumba kubalua nama wa mu kisonso, ni kubalua kyoni kya mu lweleele ni kumutwalila muntu, evi Leza amone vi-alikubiinika meena. Kubalua liina lyainikilue kilengua kikose, i lyaali liina lyakyo. 20 Muntu wainikile meena a nama ya kuteekua ni meena a byoni pamo ni meena a nama ya mu kisonso, inzi pa bebi byonse muntu taamwenepo mukwasi amupalile.
21 Yawe Leza waamuoniizie muntu tulo tukata. Lu-aali waonene, waamusomwenemo lubali lumo ni pa kyamba walinghaniapo munofu. 22 Yawe Leza waakitile mwanakazi na lolia lubali lu-aasomwene ku muntu mwalalume, ni kumutwala ozo mwanakazi kuli mwalalume. 23 Mwalalume waalandile evi,
“Ozu i kikuza kya mu bikuza byane,
ni munofu wa mu munofu wane.
Evi alikuya wakuutua mwanakazi
pantu afumiiziwe ku mwalalume.”
24 ✡2.24: Mat 19.5; Mk 10.7-8; 1 Bak 6.16; Baef 5.31Ni pakako, kubalua mwalalume waakaba wasia se ni nghina ni kuya kulundana na mukazi wakue, ni bo baakaaluka mubili umo.
25 Mwalalume ni mukazi wakue baali bali sie bwamba, inzi tebaali baunvua busoni.