1 Nikhat Saul kom'a Samuel chun, “Israel te chunga leng dinga nangma thaonu dinga eina sol’a chu Pakai ama tah chu ahi. Hijeh a chu tua Pakai thusei hi na ngai ding ahi,” ati. ✡1 Samuel 10:1 2 Hiche hi van gam sepai te Pakaijin aphondoh ahi: Israel mite Egypt a konna ahung potdoh uva chu lampia iti ana lamtin jeh uva Amalek chunga hi talen kamatsah ding ahitai. ✡Potdohbu 17:8-14; Danbu Ni Na 25:17-19 3 Tun che unlang Amalek mite chu abonchan gathat gamkeijun, nao noichep ho geija natha ding’u, khatcha jong nakhen lou diu, pasal, numei, chapang, naosen, bong, kelcha, sangongsao, chule sangan ho chan geiya natha gam diu ahi,” ati.

4 Chutah in Saul in mipi ho chu Telaim mun’ah akhomin, amaho chu Israel mite a kon'in keng sepai 200,000 chule Judah a konna 10,000 ahiuve. 5 Chuin Saul le a sepai te chu Amalek te khopi ah alut un, phaicham mun khat ah chun angah tauve. 6 Saul in Ken mite ho gihna thu apen: “Amalek miho umna a kon'in potdoh un, achuti louva ahile Amalek miho toh nathi tha dingu ah. Nangho vang chu kami Israel chate jouse Egypt a konna ahung potdoh uchun hepina namusah un ahi,” tin thu apen ahi. Chuin Ken mihon apot akigot un adalha tauve.

7 Chuin Saul in Amalek mite chu Havilah apat solam Egypt toh kigalsai Shur khopi lutna geijin gal ana sat in asumang peh tan ahi. 8 Chuin aman Amalek lengpa chu ahingin aman in midang jouse chu chemjam in athat sohhel tan ahi. 9 Ahinlah Saul le mipi chun, Amalek mi Agag le kelngoi, kelcha, bongchal thao ho leh ahoipen ho ahing hoijun, aphalou ahoilou chengse chu asumanghel tan ahi.

10 Chuin Pakaijin Samuel kom'ah aseijin ahi, 11 “Saul lenga kana tun hi kakisih tai ajeh chu aman eidonse tapon chule ka thupeh ho jong anit tapoi,” ati. Hiche thu Samuel in ajahdoh phat in alung atongkhan jan khovah hellin Pakai hengah akaptai.

12 Ajing jingkah matah in Samuel jong Saul kimupi dingin achetan ahile, mi khat in, “Saul chun Carmel khopia ama le ama kihet jingna ding mangmo khat akisem din Gilgal lam achesuh tan ahi,” tin aseipeh tan ahi.

13 Chuin Samuel in Saul chu amu phat in, Saul in kipah tah in ana salamin, “Pakaijin phatthei naboh hen, keiman Pakai seibang bangin kabol tai,” atin ahi.

14 Samuel in, “Ahile ka nabeng’a kelngoi hamgin le bongchal hamgin kajah hi ipiba hija ong?” ati.

15 Hichun Saul in adonbut in, “Adih’e, ka sepai te hon ama le Amalek mite a konna ahin kaiju ahi, ajeh chu mipi hon kelngoi ho leh bongchal aphapen penho chu, ‘Pakai na Pathen lhaina dinga ahing hoiju ahi,’ adang ho vang ka sumanghel tauve,” ati.

16 Chuin Samuel’in Saul kom'a aseijin, “Thip in! Tujan Pakaijin kaheng'a thu asei hi ngaijin!” ati.

Hichun Saul in, “Ipi na seipeh em?” tin Saul in adongin ahi.

17 Chuin Samuel in, “Nangma neocha nakigel maithei ahi, nangma Israel nam mite jouse lah a lamkai nahi hilou ham? Pakaijin leng dinga thao nanu ahi. 18 Chule Pakaijin anatong dinga nasol'a, chen michonse Amalek mite gathat gamkeijin,' ati. 19 Ipi bolla Pakai thupeh nanit louham? Ipi jeh pentah a thil nachom’a Pakai mitmua thilse nabol ham?” ati.

20 Saul’in, “Ahinlah Pakai thupeh kabol'e, bollin tia eisol na kagabol'e. Agag lengpa bou ahing’a kahin kai ahin, ahin adangse vang kahin that gamnai,” ati nalaiyin ahi. 21 Chutengleh ka sepai ten, kelngoi, kelcha, bongchal, athaolai ahoilai ho leh thil kichom ho hi Gilgal’a na Pathen houna a dinga ahin kaiyu ahi bouve,” ati.

22 Ahin Samuel'in adonbut in,

24 Saul in, “Henge, keima ka chonse tai, keiman neihilna ho jong kangai pon chule Pakai thupeh jong kanit tapoi, ka sepai te kagin jeh a athil thum hou ka bolpeh ahitai,” ati. 25 “Hijeh chun ka chonsetna ho hi nei ngaidam inlang chule Pathen kahou theina din nei kinung lhonpin,” ati.

26 Ahinlah Samuel in adonbut in, “Keitoh ikinung lhon theilou ding ahi! Pakai thupeh na paimang jeh a, aman Israel te lenga konna na paidoh ahitai,” ati.

27 Hichun Samuel chemang dinga akiheiya ahile, aman asangkhol chol mong chun aman in aloi ehlo tan ahi. ✡1 Samuel 28:17; 1 Lgt 11:30,31 28 Chuin Samuel in ajah ah, “Tunia hi Pakaijin Israel te lenggam chu nanga konna na lahpeh a nang sanga phajo khat apehdoh ahitai. 29 Israel Pathen lal loupi tah chu jou louding, alung jong akhel louding ahi, ajeh chu ama lungkhel ding mihem tobang ahipoi!” ati.

30 Hichun Saul’in ngaidam athum kit in, “Chonse kahi, keiman kakihet e, ahin nei lungset in, ka lamkai ho masang le kami Israel mite masanga kajum louna din nei kilhonpi tei teijin, chutile Pakai na Pathen kahou ding ahi,” ati. 31 Hichun Samuel jong achaina in kinung lhonpi ding anomtai chule Pathen houna ah ajaotai.

32 Chuin Samuel in, “Agag lengpa chu kaheng’a hinpuijun,” ati. Agag lengpa jong kinemtah in akipah lheh in ahi, ajeh chu ama lunggel’a chu, “kagimna ho kichaiya, eikilhadoh ding ahitai!” tia agel ahi. 33 Ahinlah Samuel in, “Na chemjam’a hin minu acha pasal tamtah na-na that in, tun nanu jong hitobanga chun chaneilou hitahen,” atin ahi. Chuin Samuel in Agag chu Pakai masang'ah Gilgal mun'ah asatchen chen tan ahi.

34 Chuin Samuel Ramah a ainlam ajonin chule Saul jong Gibeah a ain’ah akile tai. 35 Chujou kalsen Samuel in Saul kimupin ache ngai tapoi, ahinlah tang louvin alunghempi jingin ahi. Pakaijin Saul Israel te lenga anatun chu akisih lheh jenge.