1 Hichu Saul dia kitah tah a pang ho leh David dia kitah tah a pang ho kikah a sotpi kidouna anaum akipatna ahi. Hiti chun phat ahungchal chal'in David chu ahung hat cheh-cheh in, ahin Saul thaneina vang chu ahung kemsuh cheh-cheh tan ahi.

2 Hichun David in Hebron khopi ah chapa phabep ahingin ahi:

6 David insung le Saul insung mite kah a kidouna aum jing lai chun, Abner chu Saul insung mite a din lamkai thahat tah ahung hitan ahi. 7 Nikhat chu Saul chapa Ishbosheth chun Abner chu apa thaikemnu Rizpah kiti Aiah chanu toh chun lumkhom danin angoh tan ahi.

8 Hichun Abner chu alungsou lheh jengin, “Keima hi Judah te uicha banga hitia pehle-le ding kahim?” tin apeng jah jeng tan ahi. “Keiman ijakai napa Saul, a insung mite chule aloi le gol ho dia kaboldoh jouva nangho jeng jong David khut a kapehdoh lou nahiuvin, nangman hiche numeinu chung changa kathemmona ding nahol, hiche hi ham kachan ding chu? ati. 9 Pakaijin athu teppeh chu David in amolso jouna dia keiman imacha a kakithopi lou pou-pou leh Pathen'in keima eibolgim henlang eithat jeng hen! ✡1 Samuel 15:28 10 Keima kache ding Saul lenggam chu kalah a David khut a kapeh ding ahi. chule keiman David laltouna Israel le Judah mite chunga katundoh ding hichu sahlam Dan apat lhanglam Beersheba gei hi ding ahi. 11 Hichun Ishbosheth jong chun thudang aseibe tapon ahi ajeh chu Abner in ipi ahinbol ding chu akichat ahi.

12 Chuin Abner injong sottolle ho chu David kom'a asolin hitin aseisah tai, “Gamsung pumpi hi nanga hilou ham? Hijeh chun keima toh kitepna sem in, chuti leh keiman Israel mipi jouse hi nangma toh apankhomna thei diuva kahin kithopi ding nahi,” ati.

13 Chuin David in adonbut in, “Aphai,” ahin kajinu Michal, Saul chanu chu nahung teng nahin lepui louleh nangma toh kihoulimna kaneilou ding ahi,” ati.

14 Hiti chun David in hiche thu hi Saul chapa Ishbosheth chu athot tan ahi: “Kajinu Michal chu neihin lepeh in, ajeh chu keiman ama hi Philistine mi 100 hinkho toh kahin kipuitha ahi.” tin aseitai. ✡1 Samuel 18:27

15 Hijeh chun Ishbosheth in jong Michal chu ajipa Palti, Liash chapa akon chun aga puidoh tan ahi. 16 Hiti chun Palti'n jong amanu nung chu Bahurim lam chan kap pum-pum in ahin juipeh in, hichun Abner in ajah ah, “Inlam'a kinung letan!” ati. Chuin Palti jong inlam'a akinung letan ahi.

17 Hiti chun Abner in Israel upaho chu akihoulim pin, hitin aseipeh tai, “nang hon phat khat laiya David chu na leng diuva na-na dei u hilou ham?” 18 Hijeh chun tuhi aphat ahitai! Ajeh chu Pakaijin hitin aseiye, “Keiman David hi kami Israel te Philistine te khut leh agal miteu dang jousea kon huhdoh dia kalhen ahitai,” ati. 19 Chuin Abner in Benjamin mite kom'a jong agasei kit in, chujouvin Israel mite jouse le Benjamin miten jong David kithopi ding anopna thu u gasei din Hebron lam jonin ache tan ahi.

20 Chuin Abner le amite mi somni Hebron alhun uchun, David in golvah loupi tah abolpin ahi. 21 Chujouvin Abner in David kom'a chun aseijin, “Keima che'ng ting kapu lengpa tosot din Israel mipi jouse gakhom ingting chule amaho leng nahi theina din ama hon nangma toh kitepna khat sem untin chule nangman amaho jouse chungah nangma lungdei bang tah in vaihom tan,” ati. Hiti chun David in Abner chu asol tan ahile amapa jong lungmong tah in achetan ahi.

22 Ahinlah David in Abner lungmong tah a asoldoh jou chet chun, Joab le David sepai themkhat ho chu michom a ache nauva kon thil tampi toh ahung kile tha tauvin ahi. 23 Chuin Joab ahung lhun-lhun chun, mihon aseipeh un Abner chun injo chet chun lengpa ahung vilin chule ama lungmong tah in akisoldoh tai atiuvin ahi.

24 Chujouvin Joab jong lengpa kom alhaijelin ngehna aganei tan, “Nangman ipi nabol hitam? Ipi nabolna a nangman Abner chu lungmong tah a na soldoh jeng hitam? 25 Nangman kichenin nahenai ama chu nangma umchan kholtoh ding le na thilbol jouse kholtoh dinga hung ahi chu!” ati.

26 Chujouvin Joab in David chu adalhan asottolle ho chun Abner agamat uva ahin lepui diuvin asol tan ahi. Chuin ama hon Abner chu Sirah twikul akon ahin lepuiyun, ahin David in thil umchan imacha ahepoi. 27 Chuin Abner Hebron ahung le lhun tan, hichun Joab in ama chu kelkot phung lamah achanga kihoulimpi ding bangin apuidoh tan ahi. Hinlah Abner chun asopipa Asahel phulah nan a oipoh laitah chu asutpeh in athat tan ahi. 28 Hitobang thilsoh David in ajahdoh phat chun, hitin thuphon aneitai, “Pakai minna kakitep ahi Ner chapa Abner chung chang thua hi keima le kalenggam itih a mona neilou kahiuve, ati. 29 Joab le a insung mite jouse themmo changah ahitai. Chule Joab insung mite akon hitobang gaosapna, thisan a long damlouna, tiphah, tenggol kiphu a lamjotna, chemjam a thina chule anneh lhahsamna ho hi akhang-akhang uvin um jing hen.

30 Hiti chun Joab le asopipa Abishai in Abner chu athat lhon tan ahi ajeh chu Abner in Gibeon galmun'a asopipa lhon Asahel atha jeh ahi.

31 Chuin David in Joab le aum khompi ho cheng kom achun hitin aseiye, “Napon jouseu bot eh unlang khaodip pon jeng kivon un chule Abner adin lunghem'un,” ati. Chuin leng David ama tah in jong avuina lam a che miho nung chu ajuitan ahi. 32 Hiti chun Abner chu Hebron munna avui tauvin, chule lengpa le mipi jouse chu Abner lhan chungah chun akap tauvin ahi. 33 Chuin lengpan Abner dingin hiche thivuina la hi asai:

atin ahileh, mipi jouse chu Abner adin akapkit uvin ahi. 35 Hiche Abner thi nikho chun neh ding jouse David ada tan hinlah mipi jouse chu ataovun neteijin, atiuve. Hinlah David in kitepna asemin, hitin aseiye, “Keiman nilhum masanga ipi hijongleh kaneh pou-pou leh Pathen’in eisugim henlang tha jong ithat jeng hen, ati.

36 Hichun mipi ho chu alunglhai sah lheh tauvin ahi. Chule ahimongin, lengpa thilbol jouse chun amaho alunglhai sah un ahi. 37 Hiti chun Abner kithana chung changa David in pan alahlou dan Judah a um mijouse le Israel mite jousen ahethem tauvin ahi.

38 Chuin leng David in a sepai lamkai ho kom'a chun aseijin, “Tunia Israel sunga lamkai jaumtah khat alhuh hi geldoh lou nahiu ham? 39 Chule keima hi leng dia thao kinusa hijeng jong leng, Zeruiah chapa teni – Joab le Abishai hi keiman kathunoi a kakoi din ahat behseh lhon'in ahi. Hijeh chun Pakaijin migiloupa chu athil phalou bol dungjuijin lethuh tahen,” ati.