10
Mipin Achonset Nau Aphon U
1 Hitia hi Ezra in Pathen Hou-In masang lang ngatna tolla amai bohkhup a, kap pum’a chonset phong’a ataopet hin Israel mipi lah a kon’in mihon tamtah pasal, numei chuleh chapang te geijin ahung kikhom’un lung natah in ama toh akapkhom tauvin ahi. 2 Hiche jou chun Elam chilhah Jehiel chapa Shecaniah chun Ezra kom'ah hitin ahinsei tai, “Eiho hi I-Pathen'u masang’ah ikitah jou tapouve, ajeh chu eihon hou neilou agamsunga cheng numeiho ikichenpi tauve. Ahi jeng vang'in Israel te din kinepna aum nalaije. 3 Tun eihon I-Pathen utoh kitepna khat neiju hitin hichea hou neilou ijiteu hi dagam jengu hitin achateu pum’in soldoh jengu hite. Keihon nangma le Pathen danthu nitna neiho thupeh hi jui tauvinge. 4 Thoudoh inlang na mopohna dungjuijin thil ho hi suhtohna dinga iti challhah ding ham neihil tauvin. Keiho hi nangma nungthop a dinga kahiuve, hijeh chun hat inlang hangtah in tonglha tan,” ahung tipeh tauvin ahi.
5 Hiti chun Ezra adingdoh in thempu lamkaiho leh Levi te chuleh Israel mipite jousen Shecaniah in ahin seibang chun bol dingin kihahselna neiju hite atiuve. Hiti chun kihahselna chu anei sohkei tauve. 6 Hijou chun Ezra in Pathen Hou-In masang chu adalhan Eliashib chapa Jehohanan kitipa insung dan achun aluttan ahi. Aman hiche mun'a chu anjong nelou, twi jong don louvin ageh khovah tan ahi. Ama chu sohchang hung kileho kitahlou jeh in alungkham jing nalaijin ahi.
7 Hichejou chun Judah leh Jerusalem gam pumpi sungah thuphon khat aphongdoh un sohchang hung kilekit jouse Jerusalem’a hung kikhom dingin thupeh anei tauvin ahi. 8 Koi hileh nithum sunga hunglhung lou jouse chu, lamkai ho leh upa hon gellhuhna aneiju leh amaho chu anei agou hou kichom ding ahi tin aki gong’un ahi.
9 Hiti chun nithum sungin Judah leh Benjamin mipite jouse chu Jerusalem'ah ahung kikhom sohkei tauvin ahi. Hiche hi Ollha nisim 19 nikho thilsoh ahin, mipi ho jouse chu Pathen Hou-In mai tollhang'ah atou sohkeiyun, chule amaho chu athu khoh jeh leh gojuh jeh a adap jeh chun akithing thing jengun ahi. 10 Hijou chun thempupa Ezra chu adingdoh in amaho kom'a chun aseitan: “Nang hon chonset khohtah chu na tongdoh tauvin ahi. Hou neilouho numeiho na kichenpi uvin Israel chonset nasuh pungbe tauvin ahi. 11 Hijeh chun tuhin nang hon napu napa teu Pakai Pathen kom'a chun na chonset phongun chuleh ama lungdei chu bol'un. Hiche gamsung mite leh hou neilou numeiho a kon’in hung potdoh un,” atin ahi.
12 Hijou chun akikhom mipi ho chun O sangtah in asam'un hiti hin ahin donbut un ahi, “Adih e, nasei chu adih e, keihon nasei bang-banga chu kabol diu ahi!” atiuve. 13 Hijou chun ama hon aseibe uvin: “Hiche hi nikhat ahilouleh ni-ni sunga gahchai jengthei ahipoi ajeh chu hiche chonset khohtah thua hi mi tamtah natkha a ahitai. Tu gojuh laitah hin keiho katousot thei pouve. 14 Ka lamkai houvin keiho jouse thalhengin hiche thu hi hin boltoh tauhen. Koi hile namdang numei kichenpi jouse chun phat kitep dungjuijin, akhopi sung’a lamkaite le thutan ho toh hung kilhon uhen. Chutileh I-Pathen'u lunghanna eihoa konna kitol mang ding ahi,” atiuve.
15 Hiche tohgon chu Ashahel chapa Jonathan leh Tikvah chapa Jahzeiah tenin bou adeimo lhon'in chuleh Levi mi Meshullam leh Shabethai in amani chu ajop lhon'in adangsen vang aphatsah sohkeijin ahi.
16 Hitia chu achelhahna dingin hiti hin agong’un ahi. Hichun Ezra in ama insung cheh thalheng dingin lamkai alhengdoh in hiche thalheng ho chu amin cheh in ajihlut in ahi. Ollha nisim 29 nin lamkai ho chu atoukhom’un hiche thu chu phatah in akholtoh pan un ahi. 17 Akhovei Lhakao nisim 27 nikho chun hou neilou numei kichenpi ho jouse chu akholdoh sohkei tauvin ahi.
Those Guilty of Intermarriage
18 Hou neilou numei jia kichenpi thempuho chu hicheng hi ahiuve:
Jehozadak chapa Jeshua leh asopiho insunga kon’in: Maaseiah, Eliezer, Jarib leh Gedaliah ahiuve. 19 Ama hon ajiteu dacheh dingin akitem'un chonset thoidamna ding kilhaina a dingin kelngoi chal khat jong atohdoh un ahi.
20 Immer insunga kon’in: Hanani leh Zebadiah ahi lhon'e.
21 Harim insunga kon’in: Maaseiah, Elijah, Shemaiah, Jehiel leh Uzziah ahiuve.
22 Pashhur insunga kon’in: Elioenai, Maaseiah, Ishmael, Nethanel, Jozabad leh Elasah ahiuve.
23 Levi te lah a konna themmo changho chu: Jozabad, Shimei, Kelaiah (Kelita jong akiti), Pethahiah, Judah leh Eliezer ahiuve.
24 Vahchoi lasathem lah a themmo chang chu: Eliashib ahi.
Kelkot ngah apangho lah a themmo changho chu: Shallum, Telem chuleh Uri ahiuve.
25 Israel mipilah a konna themmo chang ho chu:
Parosh insunga kon’in: Ramiah, Izziah, Malkijah, Mijamin, Eleazar, Hashabiah chule Benaiah ahiuve.
26 Elam insunga kon’in: Mattaniah, Zechariah, Jehiel, Abdi, Jeremoth leh Elijah ahiuve.
27 Zattu insunga kon’in: Elioenai, Eliashib, Mattaniah, Jeremoth, Zabad leh Aziza ahiuve.
28 Bebai insunga kon'in: Jehohanan, Hananiah, Zabbai leh Athlai ahiuve.
29 Bani insunga kon’in: Meshullam, Malluch, Adaiah, Jashub, Sheal leh Jeremoth ahiuve.
30 Pahath-moab insunga kon’in: Adna, Kelal, Benaiah, Maaseiah, Mattaniah, Bezalel, Binnui leh Manasseh ahiuve.
31 Harim insunga kon’in: Eliezer, Ishijah, Malkijah, Shemaiah, Shimeon ahiuve.
32 Benjamin, Malluch, leh Shemariah ahiuve.
33 Hashum insunga kon’in: Mattenai, Mattattah, Zabad, Eliphelet, Jeremai, Manasseh leh Shimei ahiuve.
34 Bani insunga kon’in: Maadai, Amram, Uel, 35 Benaiah, Bedeiah, Keluhi 36 Vaniah, Meremoth, Eliashib, 37 Mattaniah, Mattenai, chule Jaasu ahiuve.
38 Binnui insunga kon’in: Shimei 39 Shelemiah, Nathan, Adaiah, 40 Machnadebai, Shashai, Sharai, 41 Azarel, Shelemiah, Shemariah, 42 Shallum, Amariah chule Joseph ahiuve.
43 Nebo insunga kon’in: Jeiel, Mattithiah, Zabad, Zebina, Jaddai, Joel, leh Benaiah ahiuve.
44 Amaho hin hou neilou numei jia akichenpi cheh u ahin chuleh mi phabep injong hiche ajiteu hitoh cha jong ana neiman’u ahitai.
DRAFT COPY