1 Negev a cheng Canaan mite lengpa Arad chun Israel miten Atharim ahin nai tauve ti ajadoh tan ahi. Hijeh chun Israel te chu alonkhumin mi phabep jong songkul’a akhum tai.✡Minbu 33:40 2 Chuin Israel miten Pakai angah akitem tauvin: “Nangman hiche mite hi keiho khutna neipeh doh ule keihon amaho khopi jouse aboncha ka suhmang diu ahi, atiuve. 3 Pakaiyin Israel mite taona chu asanpeh tan Canaan mite chunga galjona anei tauvin, khopi jong abonchan ajousoh tauvin, chuleh hiche mun chu Hormah tin akihe jing tan ahi.

4 Israel te chu Hor Molsanga konna ahungpot uva Twipi San lam jonna akitol uvin Edom ahin vel uvin ahi. chun, hikom mun'a kon chun twisan lam ahin jon’un Edom gam ahin jotpa uvin. Hinlah mipi chu alamsao jotna uva chun athohhatmo deu deu tauvin, ✡Danbu Ni Na 2:1 5 chule Pathen le Mose douna thu aseipan tauve. “Ipi dinga Egypt dalha a hiche gamthip a thi dinga hi neihin puidoh uhem?” tin akiphin uve. “Hilai mun hi don ding jong imacha umlou chule keiho hiche manna jong hi kachim tauve!” tin aseiyuve. ✡1 Crth 10:9 6 Hichun Pakaijin gunei tah gul ho alah uva asolin, chule mi tampi achun chule athi tauve. 7 Chuin Israel mite chu Mose henga ahungun akap tauvin, “Keihon Pakai dounan thu kaseiyun ka chonse tauve. Pakaijin gul ho alahmang na dingin taovin” atiuve. Hijeh chun mipi dingin Mose atao tan ahi. 8 Hichun Pakaiyin Mose aseipeh in, “Gullim sem inlang thingleh a bang doh in. Gul'in achuh jousen avet maimai ujongleh hing diu ahi!” ati. 9 Hijeh chun Mose’n sum-eng in gullim asem'in thingleh a abangdoh tan ahi. Chuti chun koi hileh gul’in achuh khah chan chun aveuvin adam tauve. ✡2 Lengte 18:4; Jn 3:14 10 Chuin Israel mite Oboth jonin akitolun chule hiche a chun ngahmun akisem tauvin ahi. 11 Abanin solam Moab gamgichin lam'a Iye-Abarim gamthip jonin akitol uve. 12 Iye-Abarim apat in Zared luikhuh a akicholdo tauvin ahi. 13 Hichun amaho akipat doh un Arnon Vadung, Amor mite chenna gamthip lam jonin achekit tauve. Arnon vadung chu Moab mite le Amor mite gamgi ahiye. 14 Hiche jeh chun Pakai galbolna Lekhabun asei “Suphah gamkaiya Waheb khopi, chule Arnon Vadung thuh tah, 15 chule vadung daamlhah letdan in ahop chu Moab gamgi langa Ar chenna chan ahi,” ati. 16 Chu a kon chun Israel mite Beer jonin akitol'un, hiche twikhuh mun'a hi Pakaiyin Mose henga “Mipi koukhom’un, keiman adon diu twi kapeh diu ahi” atina mun chu ahi. 17 Hiche mun'a chun Israel miten hiche la hi asauvin,

Chuin Israel ten gamthip adalhauvin chule Mattanah lam amano uvin, 19 Nahaliel, chule Bamoth ajonun ahi. 20 Hiche jou chun Moab phaicham alhung tauvin hiche a kon a chu Pisgah Molting kigaldot ahitai.

21 Chuin Israel miten Amor mite lengpa Sihon henga palai asol'un hiche thu hi athot uve: 22 “Keihon nagam leiset chu pal uvinge. Chingthei tah a ka lamlhah uva lengpilei lah a kache lou diu ahi. Na twikhuh uva jong twi kadon lou diu ahi. Nangho gamkai sunga hi lengpa lamlen bou kaho pa diu ahi bouve,” tin aseiyun ahi. 23 Ahinlah Sihon Lengpa chun Israel mite chu agam ajotpa na diu chu aphal peh tapoi. Phalpih malah chun agalsat te chu akou khomin Israel te chu gamthip laitah achun abulu tan Jahaz kiti mun a chun akibulu to tauvin ahi. 24 Ahinlah Isreal ten achemjam uvin asatchop un Arnon Vadung apat Jabbok Vadung chan alo tauve. Amon mite gamgi chan bou acheuve ajeh chu Amon mite gamgi chu kulbang a kigen ahi. 25 Chuti chun Isreal miten Amon mite khopi jouse Heshbon le akimvel a kho jouse jaonan alonvuh un achenpha tauvin ahi. 26 Heshbon khopi chu Lengpa Sihon le Amor mite dinga akhopiu ahi. Aman Moab mite lengpa anajo a Arnon Vadung geiya ana lah ahi.. 27 Chujeh chun, gollui laiya jaila sem hon ama chung changa jaila ana sun'un:

31 Hiti ahijeh chun Isreal miten Amor mite chenna gam alo tauvin ahi. 32 Mose’n phat chomkhat jouvin Jazer gamkol kholchil dingin mi pasal phabep asolin, Isreal miten hiche vel'a khopi um jouse chu atoupha tauvin hikom'a cheng Amor mite chu abonchauvin anodoh tauve.

33 Hichun Isreal mite akinunghei uvin Bashan akitol'un, amavang Bashan lengpa Og le anam mite jousen Edrei mun'ah ana bulhu uvin ahi. 34 Pakajin Mose henga thu aseiyin, “Ama chu ging hihbeh in, ajeh chu keiman ama chu nangma khut a amite le agam ka pehdoh ding ahi. Heshbon vaipopa Amor mite lengpa Sihon nabolna bang tah in ama jong bolkit in.” 35 Chule Isreal in Og lengpa ahin, achapa te ahin, akimatpi jouse ahi; koima ahing doh umlouvin athat sohkei tai. Chuti chun Isreal in gam leiset chu alo tan ahi.