84
Pathen Hou-In'a Kikhom Ding Ngaichat
La lamkaipa heng'a Korah chilhah ten tumging toh thoa sah dia alabol'u.*Hebrew according to the gittith.
1 O Van Sepai te Pakai,
na chenna mun chu iti ngai um hitam.
2 Hiche a chu iti kaum nom hitam!
Pakai Hou-In chu ka ngaicha lheh jenge,
kahina apumpin hingjing Pathen ah ka kipana lan sange.
3 Inva jengin jong abuh akisah in,
chule vatou in na maicham kom'a
anou kicholdona ding abuh akisem ahi.
O Van Sepai te Pakai, ka Lengpa le ka Pathen!
4 Na Hou-In'a cheng hon ichan gei a hinkho nopna anei uhitam,
phat tinin nangma vahchoila asauve.
Selah
5 Athahatna Pakai a kon a kimuho hinkho iti nop a hitam,
alung sungun Jerusalem akhol jing jengun ahi.
6 Lhilonna Phaicham ajot tengu jongleh,
twisam putna twinah tampi umna bangin abol'un ahi.
Gotwi hunglha masapen in jong twikul tampi ahin semdoh peh jiuve.
7 Amaho akalson chan uva ahetbe cheh-cheh jing diu ahin,
ama hon Jerusalem'a Pakai chu amu diu ahi.
8 O Pakai, Van Sepai te Pathen, ka taona nei ngaipeh in.
Ngaijin, O Jacob Pathen.
Selah
9 O Pathen, ka lengpau hi phatthei boh in, ama hi kalum u ahi!
Na thaonusa nalhen pa hi khotona musah jingin.
10 Munchom a ni sangkhat um sangin
na Hou-In a nikhat um aphajoi!
Miphalou ina hinkho nom a chen sangin
ka Pathen in'a kotngah a pan aphajoi.
11 Ajeh chu Pakai Pathen hi eiho dia nisa le pho ahi.
Aman khotona le loupina eipeuvin ahi.
Pakaijin thildih jeng bol mihoa kon'in
thilpha alamang pon ahi.
12 O Van Sepai te Pakai,
nangma tahsan miho hi iti kipa um a hitam.
DRAFT COPY