1 Chupet in keima tetohna mol eikipei, chule keima eikiseipeh in, “Chenlang Pathen Hou-In le maicham gaten lang chule Pathen houho jat simdoh in.✡Ezekiel 40:3; Zechariah 2:1,2 2 Hinlah apolam vang tehih in, ijeh inem itileh hichu chidang namdang ho kipea ahitai. Amaho chun khopi theng chu lha-somli le ni atoupha dingu ahi.✡Lk 21:24 3 Chule athu hettohsah teni chu thaneina kapeh ding, chule amani chu khaodip pon'a kivon lhon'a chule ni sangkhat le jani le somni le gup sunga gaothu asei lhon ding ahi.” 4 Hiche themgao teni hi Olive thing teni chu ahin, vannoi pumpi Pakai masanga dinga thaomeikhom teni chu ahi.✡Zechariah 4:3,11-14 5 Koi hileh amani alam louva bol auma ahileh, akam lhon'a konna meikong lengdoh a chule amelma teu chu akahvam ding ahi. Hitia hi koi hijongleh amani alam louva bol ho chu thi diu ahi. 6 Amanin van gotwi jong ajuh louna dinga khamtang jeng thei thaneina, gaothu sei theina anei lhon ahi. Chule amani hin vadung ho leh twipi ho chunga thisan sosah theina thuneina anei lhonin, chule leiset jeng jong hi gamna hise alhunsah nom nomna lhona alhunsah thei lhon ahi.✡1 Lgt 17:1; Potdohbu 7:17-19; 1 Samuel 4:8 7 Amanin a hettohsah lhon natoh achai lhon tengleh, amongbei lei-onga konna hungdoh sahem chun amani dounaa gal ahinbol ding, chule amani chu ahinjo ding chule atha ding ahi.✡Daniel 7:7; Rev 13:5-7; 17:8; Daniel 7:21 8 Chule atahsa lhon chu Jerusalem khopi lamlhongpia kijam den ding, hiche khopi chu avetsahna a “Sodom” le “Egypt” kisah a ahin, a Pakaiyu thingpel'a akhetbeh nau khopi chu hiya ahi.✡Isa 1:9,10 9 Chule nithum le akeh sunga chu mijouse, phung jouse, pao jouse chule namtin jouse chun atahsau chu avetvet dingu ahi. Koiman athilong lhon chu vui ding aphatsah lou diu ahi. 10 Mijouse hiche vannoiya hiho chun vetnom'a avetvet jeng diu chule amaho bol hesoh a pang, hettohsah teni ahilhon jeh a kipana jal a thilpeh kithotto diu ahi. 11 Hinlah nithum le akeh jou tengleh Pathen'in hinna hu alhakhum peh lhona, chule amani hung dingdoh lhon ding ahi! Amani vejouse kichatna dim diu ahi.✡Ezekiel 37:10 12 Chutengleh van'a konna aw gingtah khat chun themgao teni chu, “Hikom'a hin hungtou lhonin!” tia ahin kou ding, chule amani chu vanlama meilhang khat a amelmate uvin avetvet pet lhona kaltou lhon ding ahi.✡2 Lengte 2:11 13 Apettah chun gimneitah in liing ahung kihot in ahileh, khopi chu hopsom a hop khat suhbeiyin aumtai. Hiche liing kihoa chun mi sang sagi athitai, chule amitin chu akichauvin, atijauvin chule van Pathen chu loupina apeuvin ahi.✡Rev 6:12; 16:18 14 Kichat tijat umtah nina chu kichaiya ahitai, hinlah ven kichat tijat umtah athumna hunglhung pai jeng thei ahitai.

15 Chujouvin vantil asagina pan asumkon amut in ahileh, van'a kon chun aw tampi hung kithongdoh a kisam akijan: “Vannoi hi tun I-Pakaiyu le A-Christa Lenggam ahung hitai, chule Aman atonsot atonsot a vai ahom ding ahi,” ati.✡Potdohbu 15:18; Daniel 2:44; 7:14,27 16 Upa somni le liho chu alaltouna uva kon'in Pathen anga amaiyu tol'a asulut un abohkhup un, chule Pathen chu ahou tauve. 17 Chuin amaho chun, “Hatchungnung Pakai Pathen, a uma chule ana um jingsa Nangma ka thangvah uve, ijeh ham itileh tun nangman na thaneina loupi chu nakilah tan, chule vai nahom pantai. 18 Chidang namdang ho alunghang lheh tauvin, hinlah tun, nalung hanna phat chu hung lhunga ahitai. Tuhi athisaho thutan phat ahi; chule na themgao ho hihen, na mitheng te chule nangma min ging jouse, aneopen a pat alenpen geiya tohphat man peh phat ahi. Leiset chunga mahthahna hinlhut ho jouse suhmangna phat hunglhunga ahitai,” atiuve.✡Labu 2:5; 110:5; Labu 115:13 19 Chutah in van mun'ah, Pathen Hou-In kot akihong in chule Hou-In sunga Kitepna Thingkong chu akimuphan ahi. Kol ahungphe in, van agingin, chuin vanthamjol pumpi akitol in, chule liingpi ahung kihot in, gel nasatah jong ahunglhan ahi.✡Rev 8:5; 16:18; Rev 16:21