1 Aa ty amy fanontonañe ho amo noro’eoy, manahake i nampanoeko o Fivory e Galateoy ty hanoe’ areo: 2 Ie amy loak’ andro’ i Sabotsey, le sambe mañajà an-driha ao tandrife’ ty vokatse*Rom 15:28 nitahiañ’ aze, soa tsy anontonañe ka naho avy iraho. 3 Ie mipotìtse eo iraho, ze sitra’areo an-taratasy, ro hahitriko mb’e Ierosaleme añe hinday o natonto’ areo an-tsatrin-troo. 4 Aa naho mahasoa ty hombako mb’eo, le hindre lia amako iereo.

5 Ho tiliheko nahareo naho fa niranga i Makedonia, fa ho soroheko ty Makedonia; 6 le mete hañialo ama’ areo, ke hiasotry ao, hampionjona’ areo mb’amy liakoy mb’eo, ndra te homb’ aia. 7 Toe tsy te hihelañako tilike ami’ty liako henanekeo, fa itamako ty hitambatse ama’ areo ao naho satri’ i Talè. 8 F’ie hañialo e Efesosy añe hey ampara’ i Halimampoloy, 9 amy te misokake ho ahy ty lala mangadagadañe mete mahavokatse, fe maro ty misebañe.

10 Aa naho pok’eo t’i Timoty, le ampitraofo ao tsy an-tahotse, amy te o tolon-draha’ i Talèo ty anoe’e manahake o fanoekoo. 11 Le ko mete’areo sirikaen-dre, fe ampionjono an-kanintsiñe, hito­tsaha’e amako, fa itama’ay naho o longoo.

12 Le i Apolosy longontikañey, nimaneako osike ty homba’e mb’ama’ areo mb’eo mindre amo ralalahio, fe tsy nisatrie’e hey ty hañavelo. Toe homb’eo re ami’ty mahamete.

13 Mitaòa, mifahara am-patokisañe, mifanehafa hoe fanalolahy vaho maozara. 14 Anò am-pikokoañe ze hene toloñe’ areo.

15 Miambane ama’ areo iraho ry longo, (fohi’ areo o añ’anjomba’ i Stefanasio, ty lohavoa’ i Akaia naho nijadoñe ho mpifanehake hitoroñe o noro’eo;) 16 te hiambaneañe o hambañe ama’eo, naho amy ze mpañolotse i fitoloñañey iaby. 17 Mahaehake ahy ty nikoneha’ i Stefanasy naho i Fortonato naho i Akaiko, amy t’ie nañeneke ze tsy niampe tama’ areo, 18 naho nampazava ty troko naho ty anahareo; aa le onjono ty manahake iareo.

19 Mañontàne anahareo o Fivory e Asia añeo. Salamae’ i Akoila naho i Prisilae vaho i Fivory añ’anjomba’ iareoy, ami’ty haporean’ arofo’e amy Talè ao. 20 Añontanea’ o longo iabio. Mifanalamà ami’ty oroke miavake. 21 Anoniako an-tañako etoañe: לופ 22 Ee te hafàtse ze tsy mikoko i Talè. Mb’etoa ry Talè! 23 Ho ama’ areo ty hasoa’ Iesoà Talè Norizañey. 24 Ama’ areo iaby am’ Iesoà Norizañey ty fikokoako. Amena.