5
1 Inao, ry mpisoroñeo,
mitsendreña ry anjomba’ Israeleo,
manokilaña ravembia ry anjomba’
i mpanjakay, fa ama’ areo i zakay;
amy t’ie fandrik’ amy Mitspà*Mitspa: fitilik’abo; anjoanjo
naho harato nalafike ho amy Tabore†Tabore: talango’e; hiringiry; ;
2 vaho mpiola miheotse t’ie mandenta
ndra te nendahako.
3 Fàntako t’i Efraime naho
tsy mietak’ amako t’Israele;
fa manao hakarapiloan-drehe Efraime,
vaho maleotse t’Israele.
4 Tsy ho safirie’ iareo ty himpoly aman’Añahare’ iareo;
fa añivo’ iareo ao ty fañahin-kakarapiloañe,
vaho tsy fohi’ iereo t’Iehovà.
5 Mitalily an-dahara’e
ty fiebotsebora’ Israele;
toly ndra hitsikapy an-kakèo
t’Israele naho i Efraime;
hiharo hihotrak’ am’ iereo ka t’Iehodà.
6 Hendese’ iereo ty lia-rai’ iareo
naho o mpirai-tro’ iareoo
ho paia’ iereo t’Iehovà,
fe tsy ho oniñe, fa nisitake.
7 Fa niola am’ Iehovà iereo,
naho nahatoly anak’amontoñe;
aa le habotse’ ty pea-bolañe
reke-panañañe.
8 Tiofo e Gibà‡Gibà; haboañe i antsivay
naho e Ramà§Ramà: ambone, miereñereñe i soliy;
koiho e Bet’avene ty hankàñe:
mitoliha ry Beniamine*Beniamine: am-pitan-kavana.
9 Ho koaheñe t’i Efraime
amy andro fandilovañey;
fa nampahafohineko o fifokoa’
Israeleo ze toe hifetsake.
10 Manahake ty mpameve vorovoro
o roandria’ Iehodào;
hadoandoako am’ iereo hoe rano
ty habosehako.
11 Forekekèñe t’i Efraime demok’ an-jaka;
ie nañorike haloloañe an-tsatri’e.
12 Aa le ho bararaok’ amy Efraime iraho,
naho haloloañe amy anjomba’ Iehodày.
13 Ie nahaoniñe i arete’ey t’i Efraime,
naho i fere’ey t’Iehodà,
le nihitrike mb’ Asorey mb’eo,
naho nisangitrife’e i mpanjaka Iaribey†Iaribe: mpamale fate;
f’ie tsy hahajangañ’ azo,
vaho tsy ho melañe’e i fere’oy.
14 Ho liona amy Efraime iraho,
naho liona tora’e amy anjomba’ Iehodày;
Izaho le Izaho avao ty handrimitse
vaho hienga;
hinday iraho le ia ty haharombake.
15 Homb’eo iraho himpoly
mb’añ’akibako añe,
ampara’ t’ie miantoke o hakeo’eo,
naho mipay ty tareheko;
ie am-poheke ro hitsoek’ahy.
*5:1 Mitspa: fitilik’abo; anjoanjo
†5:1 Tabore: talango’e; hiringiry;
‡5:8 Gibà; haboañe
§5:8 Ramà: ambone, miereñereñe
*5:8 Beniamine: am-pitan-kavana
†5:13 Iaribe: mpamale fate
DRAFT VERSION