కీర్తన 130
యాత్రకీర్తన.
1 యెహోవా, లోతైన స్థలంలో నుండి నేను మీకు మొరపెడతాను;
2 ప్రభువా, నా స్వరం వినండి.
దయ కోసం నేను చేసే మొర
మీ చెవులు శ్రద్ధతో విననివ్వండి.
3 యెహోవా, మీరు పాపాలను లెక్కిస్తే,
ప్రభువా, ఎవరు నిలవగలరు?
4 కాని మీ దగ్గర క్షమాపణ లభిస్తుంది,
కాబట్టి మేము భయభక్తులు కలిగి మిమ్మల్ని సేవించగలము.
5 యెహోవా కోసం నేను ఉన్నాను, ఆయన కోసం నా ప్రాణం కనిపెట్టుకొని ఉంది,
ఆయన మాటలో నేను నిరీక్షణ ఉంచాను.
6 కావలివారు ఉదయం కోసం ఎదురు చూసే దానికన్నా ఎక్కువగా
అవును, కావలివారు ఉదయం కోసం ఎదురు చూసే దానికన్నా ఎక్కువగా,
నేను ప్రభువు కోసం ఎదురు చూస్తున్నాను.
7 ఓ ఇశ్రాయేలూ, యెహోవా మీద నీ నిరీక్షణ ఉంచు,
ఎందుకంటే యెహోవా దగ్గర మారని ప్రేమ లభిస్తుంది
ఆయన దగ్గర పూర్తి విమోచన దొరుకుతుంది.
8 ఆయనే ఇశ్రాయేలీయులను
వారి అన్ని పాపాల నుండి విడిపిస్తారు.