1 Bani niibo baasukulu baa Esau oghu baaghilaghamu dhee Edomu. 2 Esau aaswela bakali̱ basatu ku̱lu̱gha mu bahala baa Banakanaani̱. Aaswela Aada muhala wa Elooni̱ wa mu ntu̱la ya Bahi̱ti̱. Aaswela dhee Aholi̱bbama muhala wa Aana kandi muusukulu wa Ji̱bbi̱yooni̱ wa mu ntu̱la ya Bahi̱vi̱. 3 Aaswela dhee Bbasemaati muhala wa Sumai̱li̱ kandi mwani̱na Nebbayosi̱.

4 Du̱mbi̱ aabyalʼo mukali̱ wee Aada mwana, baamuluka li̱i̱na Elifaaji. Bbasemaati naye aamu̱byalila mwana, baamuluka li̱i̱na Leu̱weli̱. 5 Mukali̱ wee Aholi̱bbama aamu̱byalila baana basatu: Yewusi, Yalaamu, na Koola. Aba niibo baana baa Esau aabyaye anali mu kyalo kya Kanaani̱.

6 Esau aatwala bakali̱ be, baana be, bantu baa ka yee boona, bisolo biye, hamui na bintu biye byona abe aabaagha nabiyo, mu kyalo kya Kanaani̱ aaku̱lu̱ki̱la mu kyalo kinji ati niikuwo haselanʼo na waani̱na wee Yakobbo. 7 Esau akaku̱u̱lu̱ka nanga bintu byabo hamui na bisolo ebi baabaagha bali nabiyo bikaba bikaniiye kimui, kyalo eki baabaaghamu takyagubhagha kumala bintu ebi haabwa kuba kikee. 8 Nahabweki Esau, oghu baaghilaghamu Edomu, aaghenda kuukala mu kyalo kya bwena kya Seyi̱li̱.

9 Bani niibo baasukulu baa Esau ese wa Banʼedomu, abaabaagha baakaaye mu kyalo kya bwena kya Seyi̱li̱.

10 Mali̱i̱na ghaa batabani̱ baa Esau niigho ghani: Elifaaji, oghu aabyayʼo Aada, na Leu̱weli̱, oghu aabyayʼo Bbasemaati.

11 Na batabani̱ baa Elifaaji niibo bani: Temaani, Omala, Jeefo, Gataamu, na Kenaji̱.

12 Elifaaji akaba ali na mukali̱ onji mbamughilamu Timuna, aamu̱byalʼo Amaleeki̱. Aba niibo baasukulu baa Esau haa lubalu̱ lwa mukali̱ wee Aada.

13 Na batabani̱ baa Leu̱weli̱ niibo bani: Nahasi, Jeela, Saama, na Miija, aba niibo baasukulu baa Esau haa lubalu̱ lwa mukali̱ wee Bbasemaati.

14 Baana aba Esau aabyayʼo mukali̱ wee Aholi̱bbama muhala wa Aana kandi muusukulu wa Ji̱bbi̱yooni̱ niibo bani: Yewusi, Yalaamu, na Koola.

15 Buni niibuwo bu̱tu̱la obwalu̱ghi̱ye mu baasukulu baa Esau. Haa lubalu̱ lwa mukali̱ wee Aada, haa batabani̱ baa mu̱li̱ghaaso ghuwe Elifaaji hakalu̱ghamu ntu̱la sini: ntu̱la ya Temaani, ntu̱la ya Omala, ntu̱la ya Jeefo, ntu̱la ya Kenaji̱, 16 ntu̱la ya Koola, ntu̱la ya Gataamu, na ntu̱la ya Amaleeki̱. Aba niibo baabaagha balemi̱ baasukulu baa ntu̱la ya Elifaaji wamu kyalo kya Edomu. Bakaba bali baasukulu baa Aada.

17 Na baana baa mutabani̱ wa Esau Leu̱weli̱, balemi̱ niibo bani: Nahasi, Jeela, Saama, na Miija. Bakaba bali balemi̱, bali baasukulu baa Leu̱weli̱ wa mu kyalo kya Edomu. Bakaba bali baasukulu baa Bbasemaati mukali̱ wa Esau.

18 Kandi na baana baa Aholi̱bbama, mukali̱ wa Esau kandi muhala wa Aana, abaalu̱ghi̱ye mu bu̱tu̱la niibo bani: Yewusi, Yalaamu, na Koola.

19 Aba niibo baabaagha batabani̱ baa Esau oghu baaghilaghamu Edomu kandi aba niibo baalu̱ghi̱yemu bu̱tu̱la.

20 Bani niibo batabani̱ baa Seyi̱li̱ wa mu ntu̱la ya Bahooli̱, abaakalagha mu kyalo kya Edomu: Lotaani̱, Sobbali, Ji̱bbi̱yooni̱, Aana, 21 Di̱sooni̱, Eeja, na Disaani̱. Aba niibo baabaagha batabani̱ baa Seyi̱li̱ wa mu ntu̱la ya Bahooli̱ mu kyalo kya Edomu kandi abaalu̱ghi̱yemu bu̱tu̱la.

22 Na baana baa Lotaani̱ niibo bani: Hooli̱ na Hemaani̱. Bhaatu Timuna eye akaba ali mwani̱na Lotaani̱.

23 Kandi batabani̱ baa Sobbali niibo bani: Alivani, Manahasi, Ebbali, Seefo, na Onamu.

24 Na batabani̱ baa Ji̱bbi̱yooni̱ niibo bani: Ai̱ha na Aana. Kandi Aana oni niiye oghu akajoola maasi ghatu̱u̱mi̱ye aghaalu̱ghagha eku̱li̱mu̱ mu elungu obu aali̱i̱si̱yagha ndogooi̱ sya ese wee Ji̱bbi̱yooni̱.

25 Kandi baana baa Aana niibo bani: Di̱sooni̱ na Aholi̱bbama muhala wa Aana.

26 Baana baa Di̱sooni̱ niibo bani: Hemudaani̱, Esubbaani̱, I̱si̱laani̱, na Kelaani̱.

27 Na baana baa Eeja niibo bani: Bbi̱li̱hani̱, Javaani̱, na Akani̱.

28 Baana baa Disaani̱ niibo bani: U̱ji̱ na Alaani̱. 29 Kandi abaalu̱ghi̱yemu bu̱tu̱la bunji mu ntu̱la ya Bahooli̱ obu baamali̱ye kwebaghani̱ja mu kyalo kya Seyi̱la niibo bani: Lotaani̱, Sobbali, Ji̱bbi̱yooni̱, Aana, 30 Di̱sooni̱, Eeja, na Disaani̱, aba niibo balemi̱ ntu̱la ya Bahooli̱, abalabhiililaane mu̱lemi̱ haa mu̱lemi̱ mu kyalo kya Seyi̱li̱.

31 Bani niibo bakama abaadu̱bhi̱ye kulema kyalo kya Edomu atakabaayʼo mukama weena ku̱lu̱gha mu bantu baa I̱saaleeli̱.

32 Bbeela mutabani̱ wa Bbeyola niiye akaba mukama wʼoku̱du̱bha mu kyalo kya Edomu, na tau̱ni̱ yee eghi aabaagha alemi̱ye baaghighilaghamu Dinahabba.

33 Obu Bbeela aaku̱u̱ye, Yobbaabbu mutabani̱ wa Jeela ku̱lu̱gha mu kyalo kya Bbojila aakuuka mu ki̱i̱kalo kiye.

34 Obu Yobbaabbu aaku̱u̱ye, Husaamu ku̱lu̱gha mu kyalo kya Batemaani̱ aakuuka mu ki̱i̱kalo kiye.

35 Obu Husaamu aaku̱u̱ye, Hadaadi̱ mutabani̱ wa Bbedaadi̱, oghu akasi̱ngu̱la Banami̱di̱yaani̱ mu kyalo kya Mowaabu, aakuuka mu ki̱i̱kalo kiye. Na tau̱ni̱ eghi aabaagha alemi̱ye baaghighilaghamu Avisi.

36 Obu Hadaadi̱ aaku̱u̱ye, Samula ku̱lu̱gha mu tau̱ni̱ ya Masileka aakuuka mu ki̱i̱kalo kiye.

37 Obu Samula aaku̱u̱ye, Sau̱li̱ ku̱lu̱gha mu kyalo kya Lehobboti̱ ekyabaagha haa maasi ghaanamu̱li̱to aakuuka mu ki̱i̱kalo kiye.

38 Obu Sau̱li̱ naye aaku̱u̱ye, Bbaali̱-hanaani̱ mutabani̱ wa Akibbola aakuuka mu ki̱i̱kalo kiye.

39 Obu Bbaali̱-hanaani̱ mutabani̱ wa Akibbola aaku̱u̱ye, Hadala aakuuka mu ki̱i̱kalo kiye, na kibugha eki aabaagha alemi̱ye baakighilaghamu Paau, na mukali̱ wee baamughilaghamu Mehetabbeeli̱, muhala wa Mati̱leedi̱ kandi Mati̱leedi̱ ali muhala wa Majehaabbu.

40 Kandi bani niibo baalu̱ghi̱yemu bu̱tu̱la mu baasukulu baa Esau kusighikila haa bu̱tu̱la hamui na byalo ebi baalu̱ghi̱yemu: Timuna, Aluva, Yeseesi̱, 41 Aholi̱bbama, Eela, Pi̱nooni̱, 42 Kenaji̱, Temaani, Mi̱bbu̱jala, 43 Magi̱dyeli̱, na Ilaamu. Aba niibo baalu̱ghi̱yemu bu̱tu̱la mu kyalo kya Edomu kusighikila mu njikala yabo kandi boona balu̱ghi̱ye mu baasukulu baa Esau.