6
Nsaala ya kusaba ngughuma mu bwile bwa kubona-bona
Ewaa mukulu wa bilimbo, naakoleesi̱ya du̱ngu̱. Jabbu̱li̱ ya Dhau̱dhi̱.
1 Ai̱ Mukama, otampana osaaluuwe
kedha kunfubila oli na ki̱i̱ni̱gha.
2 Ai̱ Mukama, ongilile kisa, nanga ndi muceke.
Ai̱ Mukama, onki̱li̱ye nanga maku̱wa niibuwo ghansaalila kwonini.
3 Mwoyo ghwanje ghutuntuliiye kimui.
Ai̱ Mukama, okulindiilila ku̱hi̱ki̱ya haa kunkoonela?
4 Ai̱ Mukama, ohinduke kandi onjune.
Onjune haabwa kukunda kwawe kwamaani̱.
5 Ninaaku̱u̱ye tankugubha kukusinda
kedha kukuusuka bbaa.
6 Kulila kwandu̱hi̱i̱ye,
ti̱ bu̱li̱ mukilo nku̱gbondi̱yagha bulili bwanje
na kaapi̱lo kanje na mali̱gha.
7 Maaso ghambhi̱mbhi̱ye, tankubonagha bhyani,
nanga haabwa ngi̱ghu̱ syanje kundeeteleja kuukala nindila.
8 Enu̱we bantu babhi, mu̱ndu̱ghʼo.
Mukama niiye aku̱u̱ghu̱wagha kulila kwanje.
9 Mukama aku̱u̱ghu̱wagha obu nkutakanganagha ewe kunkoonela.
Akukuukamu kusaba kwanje.
10 Ngi̱ghu̱ syanje syona bakuhemuka kandi boobahe.
Mu bwile bukee baku̱ndu̱ghʼo kandi bahemuke.