8
Li̱i̱na lyamaani̱ lya Mukama
Ewaa mukulu wa bilimbo, naakoleesi̱ya du̱ngu̱. Jabbu̱li̱ ya Dhau̱dhi̱.
1 Ai̱ Mukama, Mukama waatu,
li̱i̱na lyawe ni lya ki̱ti̱i̱ni̱sa munu munsi yoona!
Ki̱ti̱i̱ni̱sa kyawe kimalakaki̱ye mu eghulu lyona.
2 Baana bato kandi nkelembe
bakulimbagha bighambo bya kukusinda haabwa maani̱ ghaawe.
Bi̱ku̱holeesi̱yagha ngi̱ghu̱ syawe,
na boona abakukuhakani̱yagha.
3 Nkaakulolagha mu mwanya eghulu,
ninaabona ebi waakoli̱ye na ngalo syawe,
kweli̱ na nsooli̱ya ebi waataayeyo,
4 nkwebu̱u̱li̱yagha nti, “Muntu nkiki uwe kumufuwʼo
kandi mwana wa muntu uwe kumuloleelela?”
5 Okamu̱keehi̱ya haabwa bwile bukee atengaane na Luhanga,
waamuha ki̱ti̱i̱ni̱sa kandi waamu̱hu̱ti̱ya.
6 Waamuha bu̱toki̱ kulema ebi waahangi̱ye,
waata bintu ebi byona hansi ya bighele biye:
7 ntaama, nte
kandi bisolo byona bya mu kisaka,
8 noni̱ sya mu mwanya
kandi nsu̱i̱ hamui na bihanguwa byona
ebikuukalagha mu nanja.
9 Ai̱ Mukama, Mukama waatu,
li̱i̱na lyawe ni lya ki̱ti̱i̱ni̱sa munu munsi yoona!