52
Ngughuma kandi ku̱twi̱la musango kwa Luhanga
Ewaa mukulu wa bilimbo. Jabbu̱li̱ ya Dhau̱dhi̱ obu Dowegi̱ Munʼedomu, aasi̱ye aaghambila Saulo ati, “Dhau̱dhi̱ aasi̱ye mu ka ya Abbi̱meleeki̱.”
1 Uwe muntu okugubha kuba wamaani̱ kandi kwepanka haabwa bubhi bwawe,
bhaatu bwesighibuwa bwa Luhanga ni bwa bilo nʼebilo.
2 Okuteghekagha ku̱hwelekeeleli̱ya bantu banji,
kilimi kyawe kyoghiiye nga kaawembo,
Okuukalagha bwile bwona nooha bisubha.
3 Obbali̱ye bubhi kusaali̱ya bulungi
kandi bisubha kusaali̱ya majima.
4 Uwe mu̱hi̱ wa bisubha,
obbali̱ye ku̱bu̱gha bighambo ebikusaali̱ja bantu banji.
5 Nahabweki Luhanga aku̱ku̱hwelekeeleli̱ya bilo nʼebilo,
akukukwata kandi akuuye mu ka yaawe,
akukuuya munsi eni eghi bantu baakaayemu.
6 Bantu bahi̱ki̱li̱i̱ye bakubona eki kandi bakwobaha,
bakuseka kandi baghile bati,
7 “Olole muntu oghu ateesi̱ghi̱ye Luhanga kumulinda,
bhaatu eesigha buguudha buwe bukani̱ye
kandi eeli̱li̱kana ngu kukola bintu bi̱bhi̱i̱hi̱ye kukumulinda.”
8 Bhaatu si̱ye ndi nga kiti oli̱va
ekili mu numba ya Luhanga.
Nkwesighagha kukunda kwamaani̱ kwa Luhanga
bilo byona.
9 Luhanga, ndaku̱si̱i̱magha bilo nʼebilo,
haabwa ebi okukolagha.
Nkulangilila li̱i̱na lyawe lisemeeye,
mu maaso ghaa bantu baawe beesighibuwa.