53
Budhoma bwa bantu
(Jabbu̱li̱ 14)
Ewaa mukulu wa bilimbo. Kusighikila haa Mahalata. Jabbu̱li̱ ya Dhau̱dhi̱.
1 Badhoma bakughilagha mu mitima yabo bati, “Luhanga taaliyo.”
Bantu aba babhiihiiye kimui,
bakukolagha bintu bi̱bhi̱i̱hi̱ye
kandi taaliyo nʼomui oghu akukolagha ebi̱hi̱ki̱ye.
2 Luhanga anali mu eghulu
akulolagha hansi mu bantu,
kulola hakaakuba haliyo muntu weena oghu eetegheleei̱ye,
oghu akubbalagha Luhanga.
3 Boona bakamu̱lu̱ghʼo,
boona baabhiihila hamui,
taaliyo nankabha nʼomui
oghu akukolagha ebi̱hi̱ki̱ye.
4 Buuye bantu babhi aba tabali nʼeki bamani̱ye?
Baku̱hwelekeeleli̱yagha bantu banje nga bantu bakuliya migaati̱
kandi tabakweli̱li̱kanagha kusaba Luhanga.
5 Ebo bakwobahila kimui,
ngoku batakoobahagha,
nanga Luhanga akuhanjaaga maku̱wa ghaa ngi̱ghu̱ sya bantu be.
Luhanga ababhengi̱ye kandi bantu be bali̱si̱ngu̱li̱la kimui bantu aba.
6 Nkusaba nti kujunuwa kwa Banai̱saaleeli̱ ku̱lu̱ghe haa mwena Sayu̱u̱ni̱!
Ti̱ obu Luhanga ali̱ku̱u̱ki̱ya bantu be aba,
Banai̱saaleeli̱ baasukulu baa Yakobbo,
bali̱bu̱gha nʼelaka lyamaani̱ lyakudheedhuwa.