54
Nsaala ya kusaba kulinduwa
Ewaa mukulu wa bilimbo, naakoleeseei̱ya du̱ngu̱. Jabbu̱li̱ ya Dhau̱dhi̱. Akaghihandiika obu Banaji̱i̱fu̱ baasi̱ye baaghambila Saulo bati “Dhau̱dhi̱ atwebi̱si̱yemu ewaatu hani.”
1 Ai̱, Luhanga, onjune haabwa maani̱ ghaawe.
Ombale atali na musango haabwa bu̱toki̱ bwawe.
2 Ai̱ Luhanga ooghu̱we kusaba kwanje,
otegheeleli̱ye bighambo ebikwete ku̱lu̱gha mu kanu̱wa kanje.
3 Bantu abali na myepanko baasi̱ye kundwani̱i̱si̱ya,
bantu batali na kisa bakubbala kunjita,
ebo tabahu̱ti̱i̱ye Luhanga.
4 Bhaatu Luhanga niiye mu̱kooneli̱ wanje,
Mukama niiye akulindagha bwomi̱i̱li̱ bwanje.
5 Luhanga, aku̱koleesi̱ya bubhi bwa ngi̱ghu̱ syanje kubafubila,
akubahwelekeeleli̱ya nanga eye ni mwesighibuwa.
6 Ai̱ Mukama, nkukuhongela kihonguwa ndheedheeu̱we,
nkusinda li̱i̱na lyawe nanga lisemeeye.
7 Nuuwe okunjunagha bijibu byanje byona
kandi onkoonela ku̱si̱ngu̱la ngi̱ghu̱ syanje.